Yeremia 7:19 - BAIBLO ALOO NGMAMI KLƆUKLƆU Ɔ

¹⁹ Se anɛ imi ye mi mi la a ngɛ woe ɔ lo? Dɛbi! Mɛ nitsɛmɛ a he lɛ a ngɛ pee; a kɛ ma kpata mɛ nitsɛmɛ a hɛ mi.

Yeremia 7:19 ပူးပေါင်းရင်းမြစ်များ

1 Korintobi 10:22

Pe wa ngɛ hlae nɛ waa wo Nyɔmtsɛ ɔ mi mi la nɛ e je hunga lo? Anɛ wa he wa pe lɛ lo?

Yeremia 20:11

Se mo Yawɛ, moo lɛɛ o ngɛ ye se kpɛii kaa tatsɛ kpanaa; ni nɛmɛ nɛ ngɛ mi yi mi wae ɔ be mi nyɛe. Zo maa gbe mɛ daa, ejakaa a be nyɛe maa pee nɔ́ ko nɔ́ ko. A zo ɔ hu nɔ ko hɛ be nɔ jee gblegbleegble.

Yeremia 9:19

A wo yana ngɛ Zion, nɛ a ngɛ dee ke, “Wa yi ta oo, wa yi ta! Wa hɛ mi pue si pɛ! Nyɛ ha nɛ waa je wa zugba a nɔ, ejakaa a ku wa we ɔmɛ tsuo ngɔ pue si.”

Yeremia 2:19

Mo nitsɛ o ní yayami ɔmɛ maa gbla o tue; o se yami ɔ ma ka o hɛ mi. O ma ba na paa kaa kuami nɛ o kua imi, Yawɛ o Mawu ɔ, kɛ ye hɛ mi atuã nɛ o tsɔ ɔ ji nɔ́ ko nɛ hí kulaa; e ngɛ kaa nɔ́ ko nɛ dooɔ kaa agba. Imi, Nyɔmtsɛ Yawɛ Tabohiatsɛ ɔ lɛ i de.”

Yesaya 45:16

Amaga puɛli a hɛ mi ma pue si; zo maa gbe mɛ tsuo kpɔtɔɔ.

Yesaya 1:24

Lɔ ɔ he ɔ, ta tue ha nɔ́ nɛ Yawɛ Tabohiatsɛ, Israel Mawu, hewamitsɛ ɔ ngɛ dee ɔ: “Ma ye ye he lue ngɛ nyɛ he nyɛli ɔmɛ a nɔ, konɛ nyɛ ko ba gba ye nya hu.

Yesaya 1:20

Se ke nyɛ kpale we, nɛ nyɛ tsɔ atuã a, lɛɛ nyɛ ma gbo ngɛ klaate nya. Imi, Yawɛ, lɛ i de.”

Hiob 35:6

Ke o pee yayami ɔ, kɛ lɔ ɔ saa Mawu he kɛɛ? Aloo ke o pee yayami nɔtonɔto ɔ, mɛni lɔ ɔ peeɔ ha Mawu?

Ezra 9:7

Kɛ je wa nɛmɛ a yi nɔ kɛ ba su mwɔnɛ ɔ, wɔ o ma a, wa pee yayami gbegbeegbe. Wa yayami ɔmɛ a he ɔ, ma je li ɔmɛ a matsɛmɛ ɔmɛ ba nuu wɔ, wa matsɛmɛ ɔmɛ, kɛ wa osɔfo ɔmɛ tsuo. A gbe wɔ, a kpɔ wa níhi ngɛ wa dɛ, nɛ a nuu wɔ kɛ ho ma se ya ngɛ pã mi kaa nyɔguɛhi. A ha wa hɛ mi pue si kulaa; nɛ wa ngɛ zo ɔ mi kɛ mwɔɔ.

Mose V, 32:16

A kɛ mawuhi nɛ a li ye e tsui, nɛ a ngɔ ní hiemi nihi kɛ wo e mi mi la.

Yeremia 2:17

Israel, mɛnɔ kɛ nɔ́ nɛ ɔ ba o nɔ? Anɛ pi mo nitsɛ nɛ o pee lo? Benɛ imi, Yawɛ o Mawu ɔ, i kpaka mo kɛ ma a, anɛ o tsɔ we ye hɛ mi atuã lo?

Yeremia 8:19

Nyɛɛ bu tue! Ngɛ zugba a tsuo nɔ ɔ, i nu nɛ ye ma a ngɛ ngmlaa kpae nɛ a ngɛ bie ke, “Anɛ Yawɛ be Zion hu lo? Zion matsɛ ɔ be ma a mi hu lo?” Yawɛ bi ke, “Mɛni he je lɛ nyɛ ya ja amagahi, nɛ nyɛɛ kɛ nɔ́ nɛ ɔ peemi wo ye mi mi la a? Mɛni he je lɛ nyɛ ya kpla si ha ma se wohi?”

Yeremia 15:9

Bimɛ kpaago a nyɛ ɔ hɛli; nɔ́ nɔ e nɔ, ejakaa e bimɛ ɔmɛ tsuo a yi ta. Piani be mi ɔ, lɛɛ e pu ɔ nɔ si momo, nɛ diblii kpatu wo; a pue e hɛ mi si, nɛ a bɔ lɛ ahlua. Ma ha nɛ nyɛ he nyɛli ɔmɛ maa gbe nyɛ ni nɛmɛ nɛ nyɛ hɛ ngɛ kɛ mwɔɔ ɔ. Imi, Yawɛ lɛ i de.”

Yeremia 22:22

Kɔɔhiɔ maa muɔɔ nyɛ hɛ mi nyɛɛli ɔmɛ tsuo kɛ ho; a maa nuu nyɛ huɛmɛ ɔmɛ nyɔguɛ; a maa bɔ nyɛ ma amɛ ahlua ngɛ ní yayamihi tsuo nɛ nyɛ pee ɔ a he.

Yeremia 25:7

Se Yawɛ nitsɛ de ke nyɛ bui lɛ tue fɛɛ. Mohu ɔ, nyɛɛ kɛ nyɛ we amaga amɛ wo e mi mi la, nɛ nyɛɛ kɛ ye nyɛ nitsɛmɛ nyɛ he awi.

Yeremia 44:3

ejakaa ma amɛ a mi bi ɔmɛ pee yayami, nɛ a wo ye mi mi la. A sã bɔhi nɛ a kɛ sɔmɔ mawu kpahi nɛ mɛ nitsɛmɛ, loo nyɛ, loo nyɛ nɛmɛ ɔmɛ po li gblee.

Ezekiel 16:26

Lɔ ɔ se hu, o kɛ Egipt bi, he lo akɔnɔtsɛmɛ ɔmɛ nɛ ngɛ o kasa nya a hu bɔ ajuama ja nɔuu. O kɛ o we ajuama bɔmi babauu ɔ wo ye mi mi la.

Yeremia 3:25

Nyɛ ha nɛ waa kɛ zo nɛ pee wa heha nɔ́ kɛ hwɔ si, ejakaa wa pee yayami kɛ si Yawɛ, wa Mawu ɔ. Wa nɛmɛ ɔmɛ pee a nɔ́, nɛ wɔ hu kɛ je wa jokuɛwi a si kɛ ba si mwɔnɛ ɔ, wa kpa we. Wa yi Yawɛ, wa Mawu ɔ mlaa amɛ a nɔ.”