Yeremia 7:18 - BAIBLO ALOO NGMAMI KLƆUKLƆU Ɔ

¹⁸ Bimɛ lɛɔ lɛ́, nɛ tsɛmɛ slɛɔ la, nɛ nyɛmɛ pɔtɔɔ ma nɛ a kɛ sãã abolo kɛ haa yo mawu ɔ nɛ a tsɛɛ Hiɔwemanyɛ ɔ. Jehanɛ se hu, a kɛ wai sãã bɔ kɛ haa mawu kpahi, konɛ a kɛ wo ye mi mi la.

Yeremia 7:18 ပူးပေါင်းရင်းမြစ်များ

Yeremia 19:13

Ma ble wehi tsuo ngɛ Yerusalem kaa bɔ nɛ i pee Tofet ɔ. Yuda matsɛmɛ ɔmɛ a mɔhi, kɛ tsu kpahi nɛ a sãã tsopa kɛ e he via ngɛ a yi mi kɛ haa dodoehi, nɛ a sãã wai bɔ ngɛ lejɛ ɔmɛ kɛ haa mawu kpahi ɔ, ma ble mɛ.”

1 Korintobi 10:22

Pe wa ngɛ hlae nɛ waa wo Nyɔmtsɛ ɔ mi mi la nɛ e je hunga lo? Anɛ wa he wa pe lɛ lo?

Matsɛmɛ I, 14:9

O pee yayami kulaa pe ni nɛmɛ nɛ ye tsɛ kɛ sɛ o hlami ɔ. O kua mi; O ya pee mawu kpa komɛ, nɛ o puɛ amagahi, nɛ o kɛ nɔ́ nɛ ɔ wo ye mi mi la.

Yeremia 32:29

nɛ a maa mɛ ma a he la. A maa sã ma a, kɛ wehi nɛ nihi sãã tsopa kɛ e he via ngɛ a yi mi kɛ haa Baal, nɛ a ngɔɔ dã kɛ sãã wai bɔ ha mawu kpahi kɛ woɔ ye mi mi la a.

Yeremia 25:7

Se Yawɛ nitsɛ de ke nyɛ bui lɛ tue fɛɛ. Mohu ɔ, nyɛɛ kɛ nyɛ we amaga amɛ wo e mi mi la, nɛ nyɛɛ kɛ ye nyɛ nitsɛmɛ nyɛ he awi.

Yeremia 11:17

“Imi, Yawɛ Tabohiatsɛ ɔ, imi lɛ i to Israel kɛ Yuda si kaa bɔ nɛ a duɔ tso; se jehanɛ lɛɛ ma ha nɛ amanehlu maa ba a nɔ. Nɔ nɛ ɔ je mɛ nitsɛmɛ, ejakaa a pee yayami; a ya sã tsopa kɛ e he via kɛ ha Baal, nɛ a kɛ wo ye mi mi la.”

Yesaya 3:8

Niinɛ, musu tloo Yerusalem! Yuda hɛ mi kpata! Ejakaa a deɔ nɔ́ tsuaa nɔ́, nɛ a peeɔ nɔ́ tsuaa nɔ́ kɛ siɔ Yawɛ; a jee blɔ pueɔ Mawu nitsɛ hɛ mi si.

Matsɛmɛ I, 16:2

“Jinɛ pi nɔ ko kulaa ji mo, nɛ i wo o nɔ, nɛ i pee mo ye ma, Israel nyatsɛ. Se o ya wo Yeroboam nane, nɛ o ha ye ma, Israel pee yayami nɛ a kɛ wo ye mi mi la.

Mose V, 32:21

A kɛ a we amagahi wo ye mi mi la. A kɛ a yaka mawu ɔmɛ ye ye tsui. Lɔ ɔ he ɔ, ma ngɔ ma gu ko kɛ wo a mi mi la; ma ngɔ ma kɛ e mi kuasiahi sɔuu kɛ ye a tsui.

Mose V, 32:16

A kɛ mawuhi nɛ a li ye e tsui, nɛ a ngɔ ní hiemi nihi kɛ wo e mi mi la.

Mose V, 4:19

Nyɛ ko ha níhi nɛ nyɛ ngɛ hyɛe ngɛ hiɔwe ɔ, pu, nyɔhiɔ, kɛ dodoehi babauu nɛ ha si ngɛ hiɔwe nɛ ɔ nɛ gbla nyɛ juɛmi kɛ ya ja mɛ, nɛ nyɛ sɔmɔ mɛ. Ejakaa Yawɛ, nyɛ Mawu ɔ ngɔ mɛ ngɔ ha ma amɛ tsuo nɛ ngɛ je ɔ mi ɔ.

Ezekiel 20:28

I ngɔ mɛ kɛ ba zugba nɛ i wo si kaa ma ha mɛ ɔ nɔ. Se he tsuaa he nɛ a na yoku gojoo, aloo tso nɛ bɔ kusuu ngɛ ɔ, kɛkɛ a ya sã bɔ ngɛ lejɛ ɔ. A sã bɔhi nɛ jee via, kɛ wai bɔ hulɔ; a pee ní nɛ ɔmɛ kɛ wo ye mi mi la.

Yesaya 65:11

“Se nyɛ nihi nɛ kuaa imi Yawɛ, nɛ nyɛ hɛ jeɔ ye yo klɔuklɔu ɔ nɔ ɔ, nyɛɛ lɛɛ nyɛ nɔ́ maa slo. Nyɛ nihi nɛ nyɛ ngmɛɔ okplɔɔ kɛ haa mawu nɛ haa nɔ siade, kɛ nyɛ nihi nɛ nyɛ ngɔɔ wai nɛ a futu kɛ sãã bɔ ha mawu nɛ tsɔɔ nyɛ nɔ́ nɛ maa ba nyɛ nɔ ngɛ je mi,

Yesaya 65:3

Be tsuaa be ɔ, ma nɛ ɔ jeɔ blɔ paa nɛ a woɔ ye mi mi la; a sãã bɔhi ngɛ abɔɔhi a mi; a sãã tsopa kɛ e he via ngɛ tɛhi a nɔ;

Yesaya 57:6

Nyɛ ya ngɔɔ dongo tɛhi kɛ jeɔ kɔ̃ mi, nɛ nyɛ jaa mɛ. Nyɛ ngɔɔ wai kɛ sãã bɔ kɛ haa tɛhi; nɛ nyɛ ngɔɔ ngma hu kɛ sãã bɔ ha mɛ ja nɔuu. Ní nɛ ɔmɛ tsuo nɛ nyɛ peeɔ ɔ, anɛ nyɛ susuu kaa ye bua maa jɔ he?

La 16:4

Nihi nɛ a he sɔɔ kɛ ya nyɛɛɔ mawu kpahi a se ɔ, a haomi maa hiɛ babauu. I be mɛ futue kɛ pee a tɛlimi kusumi ɔmɛ; i be a biɛ ta woe tete.

Yeremia 7:17

Níhi nɛ a ngɛ pee ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ ɔ, o hyɛ we lo?

Yeremia 17:2

Nyɛ bimɛ ɔmɛ jaa amagahi, kɛ yo mawu Ashera amaga amɛ ngɛ bɔ sami la tɛ ɔmɛ a nɔ ngɛ tso kusuu tsuaa tso kusuu sisi, kɛ yoku ɔmɛ

Kɔmɔ Yemi 5:13

A nyɛɔ wa nihewi ɔmɛ a nɔ kaa nyɔguɛhi nɛ a gblɛ ngma. Wa binyumuwi ɔmɛ tlooɔ lɛ́ nɛ jiɔ, nɛ a hii si nɔe ngɛ sisi.

Ezekiel 8:17

Jehanɛ, Yawɛ de mi ke, “Nɔmlɔ adesa, tse o na enɛ ɔ hulɔ! Anɛ ní hiemi níhi nɛ Yuda ma a ngɛ pee ngɛ hiɛmɛ nɛ ɔ pi ha mɛ lolo lo? Hyɛ, a ngɛ yi wu tso níhi pee tsɔ ngɛ zugba a nɔ. Anɛ pi ye mi mi la nɛ a ngɛ woe wawɛɛ nɛ ɔ? A ngɔ ní nɛ ɔmɛ kɛ ba sɛ ye we ɔ mi nitsɛ tɔɔ! A ngɛ tsɔɔe kaa a bui mi fɛɛ, pi jã?

Ezekiel 16:26

Lɔ ɔ se hu, o kɛ Egipt bi, he lo akɔnɔtsɛmɛ ɔmɛ nɛ ngɛ o kasa nya a hu bɔ ajuama ja nɔuu. O kɛ o we ajuama bɔmi babauu ɔ wo ye mi mi la.

Yeremia 1:16

Ma gbla ye ma a tue, ejakaa a pee yayami: a kua mi, a sã bɔ kɛ ha mawu kpahi, nɛ a ja mɛ nitsɛmɛ a nine nya níhi nɛ a pee.

Yeremia 44:4

Daa nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ, nɛ a ba deɔ nyɛ ke nyɛ ko pee nɔ́ nɛ ɔ, ejakaa i hie.

Ezekiel 8:16

Lɔ ɔ he ɔ, e kɛ mi ba Yawɛ we ɔ kue ɔ nɛ ngɛ mi mi je ɔ mi. Nyumuhi maa pee nyingmi enyɔ kɛ enuɔ daa si ngɛ kue ɔ, kɛ bɔ sami la tɛ ɔ a kpɛti. A plɛ a se kɛ wo Yawɛ we ɔ; a ngɔ a hɛ mi kɛ kpee beleku je, nɛ a ngɛ pu nɛ te si kɛ ma a jae.