Yeremia 7:15 - BAIBLO ALOO NGMAMI KLƆUKLƆU Ɔ

¹⁵ Ma fie nyɛ kɛ je hiɛ ɔ kaa bɔ nɛ i fie nyɛ nyɛmimɛ ɔmɛ tsuo, nɛ ji Efraim nina a. Imi, Yawɛ lɛ i de.”

Yeremia 7:15 ပူးပေါင်းရင်းမြစ်များ

Yeremia 15:1

Kɛkɛ nɛ Yawɛ de mi ke, “Ke Mose kɛ Samuel ba da ye hɛ mi nɛ a fa kue ha mi tete po, i be nimli nɛ ɔmɛ mɔbɔ nae. Fie mɛ kɛ je ye hɛ mi hiɛmɛ nɛ ɔ nɛ a ho.

Hosea 13:16

A maa gbla Samaria tue, ejakaa e tsɔ ye hɛ mi atuã. Ta ma kpata ma a mi bi ɔmɛ a hɛ mi; a maa ngɔ a bimwɔwi ɔmɛ ngɔ fiaa si, nɛ a kɛ klaate ma fɛ yihɔyi ɔmɛ a mi mi.”

Yeremia 52:3

Yawɛ mi mi fu Yuda ma a, kɛ nihi nɛ ngɛ Yerusalem ɔ wawɛɛ nitsɛ kɛ ya si e je e hɛ ngɛ a nɔ. Zedekia tsɔ atuã kɛ wo Babilonia matsɛ, Nebukadnezar.

Matsɛmɛ II, 17:23

kɛ ya si Yawɛ je e hɛ ngɛ a he kaa bɔ nɛ e de to kɛ gu e tsɔli gbali ɔmɛ a nɔ ɔ. Lɔ ɔ he ɔ, a ngɔ Israel bi ɔmɛ nyɔguɛ kɛ je mɛ nitsɛmɛ a zugba a nɔ kɛ ho Asiria ya; nɛ a ngɛ lejɛ ɔ kɛ ba si mwɔnɛ ɔ.

Hosea 12:1

“Daa nyɔ kɛ pia a, yi wu tso níhi, kɛ níhi nɛ a he be se nami sɔuu Israel ma a ngɛ pee. A sisiɔ nɔ, nɛ a pueɔ muɔ si. A kɛ Asiria ngɛ huɛ bɔe, nɛ Egipt lɛɛ a kɛ lɛ yeɔ nu jua.”

Hosea 9:9

Ma a puɛ kulaa kɛ yayami peemi kaa bɔ nɛ a pee ngɛ Gibea be ko ɔ. Yayami nɛ a pee ɔ, Mawu hɛ be nɔ jee; e maa gbla a tue kokooko.

Hosea 9:3

Israel be zugba nɛ ɔ nɔ hie daa. A maa kpale kɛ ho Egipt ya, nɛ niye ní nɛ he tsɔ we ɔ, lɔ ɔ a ma ya ye ngɛ Asiria.

Hosea 1:4

Yawɛ de Hosea ke, “Wo bi ɔ biɛ ke ‘Yezreel’; ejakaa e be kɛe kulaa nɛ ma gbla Israel matsɛ ɔ tue ngɛ nihi nɛ e nɛ̃, Yehu kpata a hɛ mi ngɛ Yezreel ɔ a he. Ma ha nɛ Yehu nɔ yemi ɔ se maa po.

Yeremia 23:39

ma wo a nɔ, nɛ ma sake mɛ kɛ fɔ he ngɛ tsitsaa lokoo, mɛ, kɛ ma a nɛ i ngɔ kɛ ha a kɛ a nɛmɛ.

Yeremia 3:8

Yuda na kaa i ha Israel gba mi pomi womi nɛ i fie lɛ, ejakaa e je ye se nɛ e ya bɔ ajuama. Se Yuda nɛ ngɛ kaa e nyɛmiyo Israel ɔ yi gbeye.

Kronika II, 15:9

Nihi babauu ku kɛ je Efraim, Manase, kɛ Simeon ngɛ Israel kɛ ba Asa ngɔ, nɛ a kɛ lɛ ba hi si; ejakaa a nu kaa Yawɛ kɛ lɛ ngɛ. Asa kpee mɛ tsuo kulaa kɛ piɛ Yuda kɛ Benyamin he.

Matsɛmɛ II, 24:20

Yawɛ mi mi fu Yuda ma a, kɛ nihi nɛ ngɛ Yerusalem ɔ wawɛɛ nitsɛ kɛ ya si e je e hɛ ngɛ a nɔ.

La 51:11

Koo fie mi kɛ je o hɛ mi, nɛ ko je o Mumi Klɔuklɔu ɔ kɛ je ye mi.

Yesaya 7:16

Jamɛ a be ɔ be sue tete po nɛ matsɛmɛ enyɔ ɔmɛ nɛ ngɛ nyɛ he gbeye woe ɔ a zugba amɛ a nɔ maa je gu.

Yeremia 9:19

A wo yana ngɛ Zion, nɛ a ngɛ dee ke, “Wa yi ta oo, wa yi ta! Wa hɛ mi pue si pɛ! Nyɛ ha nɛ waa je wa zugba a nɔ, ejakaa a ku wa we ɔmɛ tsuo ngɔ pue si.”

Ezekiel 23:31

O ya wo o nyɛmiyo ɔ nane, lɔ ɔ he ɔ, tue gblami kplu ɔ nɛ i ha o nyɛmi ɔ, lɔ ɔ nɔuu ma ha mo.”

Hosea 7:13

“Musu tloo mɛ! Ma kpata a hɛ mi; ejakaa a tsɔ ye hɛ mi atuã, nɛ a je ye se. I hla kaa ma he a yi wami; se a ja we mi anɔkuale mi.

Hosea 9:13

Imi Hosea, i na ngɛ nina mi nɛ Israel ngɔ e bimɛ ɔmɛ ngɔ ha kaa lohwehi nɛ a maa gbe. Bitsɛmɛ ɔmɛ nitsɛmɛ maa ngɔ a bimɛ ɔmɛ ya ha nɔ gbeli.

Yona 2:4

E pee mi kaa nɔ́ nɛ a je mi we nɛ i be o sɔlemi we klɔuklɔu ɔ nae hu.

Yeremia 23:33

Yawɛ de mi ke, “Yeremia, ke ji nimli nɛ ɔmɛ a ti nɔ ko, aloo gbalɔ ko, aloo osɔfo ko bi mo ke, ‘Mɛni ji Yawɛ sɛ gbi?’ ɔ, de lɛ ke, ‘Mo ji tlomi nɛ Yawɛ tloo ɔ nɛ, nɛ e ma sake mo kɛ fɔ he.’

Ezekiel 33:25

“De mɛ ke imi Nyɔmtsɛ Yawɛ, bɔ nɛ i ngɛ dee ji, nyɛ yeɔ lo nɛ muɔ ngɛ mi. Nyɛ jaa amagahi. Nyɛ pueɔ muɔ si. Mɛni ha nɛ nyɛ susuɔ kaa nyɛ nɔ ji zugba a?