Yeremia 7:13 - BAIBLO ALOO NGMAMI KLƆUKLƆU Ɔ

¹³ Nyɛ pee yayami nɛ ɔmɛ tsuo, nɛ i tu munyu kɛ tsɔɔ nyɛ nɔtonɔto, se nyɛ bui tue fɛɛ. Ke i tsɛ nyɛ hu nyɛ he we nɔ.

Yeremia 7:13 ပူးပေါင်းရင်းမြစ်များ

Abɛ Womi 1:24

I hla nyɛ se blɔ, nɛ i tsɛ nyɛ si abɔ ke nyɛɛ ba ye ngɔ. Se nyɛ bui fɛɛ.

Yesaya 50:2

“Mɛni he je lɛ benɛ i ba a, nɔ ko be lejɛ ɔ? Benɛ i tsɛ nyɛ ɔ, mɛni he je nɔ ko pui mi ɔ? Anɛ nyɛ susuɔ kaa ye nine ngɛ kuku nɛ i be nyɛe ma kpɔ nyɛ kɛ je he nyɛlɔ ɔ dɛ mi lo? Ke i wo gbi ɔ, wo miiɔ, nɛ pahi plɛɔ peeɔ nga kplanaa. Ke nyu ɔ mii ta a, lo gboɔ nɛ e saa.

Yesaya 65:12

nyɛɛ lɛɛ nɔ́ nɛ fɔɔ si ha nyɛ ji klaate. Nyɛ tsuo nyɛ maa nɔ basabasa ngɛ klaate nya; ejakaa benɛ i tsɛ nyɛ ɔ, nyɛ he we nɔ, nɛ benɛ i tu munyu kɛ tsɔɔ nyɛ ɔ, nyɛ bui tue. Yayami mohu nyɛ pee ngɛ ye hɛ mi; níhi nɛ i sume ɔ, lɔ ɔmɛ mohu a se nyɛ ya nyɛɛ.

Yesaya 66:4

Lɔ ɔ he ɔ, imi hu ma ha amanehlu nɛ a ngɛ gbeye yee ɔ maa ba a nɔ. Ejakaa i tsɛ mɛ, se nɔ ko nɔ ko he we nɔ; i tu munyu, se a bui tue fɛɛ. Yayami mohu a pee ngɛ ye hɛ mi; nɛ níhi nɛ sɛ ye hɛ mi ɔ, lɔ ɔmɛ mohu a he a nya.”

Yeremia 11:7

Benɛ i je a nɛmɛ ɔmɛ kɛ je Egipt zugba a nɔ ɔ, i ka a hɛ mi saminya nɛ i de mɛ ke a bu mi tue. Kikɛ nɛ ɔ nɔuu i ngɛ ma a hɛ mi kae kɛ ba si mwɔnɛ ɔ.

Yeremia 11:8

Se a bui mi tue fɛɛ; munyu nɛ i kɛ mɛ tu ɔ po, a nui. A wa tue nɛ a pee yayami kaa kekle ɔ mohu. I wo mɛ mlaa ke a ye somi ɔ nɔ, se a kua nɔ yemi. Enɛ ɔ he je ɔ, i gbla a tue wawɛɛ nitsɛ kaa bɔ nɛ somi tsɔɔ ɔ.”

Yeremia 13:10

Nimli yiwutsotsɛmɛ nɛ ɔmɛ kua mi tue bumi. A wa tue, nɛ a pee nɔ́ nɛ a suɔ; a ya ja mawu kpahi, nɛ a sɔmɔ mɛ. Enɛ ɔmɛ a he je ɔ, ma ha nɛ a maa pee kaa bɔjuɛ nɛ ɔ nɛ he be se nami ko hu ɔ.

Yeremia 13:11

Kaa bɔ nɛ bɔjuɛ mɛtɛɛ nɔ mlɛ mi kpɛii ɔ, ja i to nɛ Israel ma a, kɛ Yuda ma a tsuo nɛ a mɛtɛ ye he. I pee nɔ́ nɛ ɔ, konɛ a pee ye ma, nɛ a na biɛ, hɛ mi nyami, kɛ yi jemi kɛ ha mi. Se a bui mi fɛɛ.”

Yeremia 25:3

“Kɛ je be nɛ Yuda matsɛ, Yosia, Amon bi ɔ na jeha nyɔngma kɛ etɛ ngɛ e sɛ ɔ nɔ hluu kɛ ba si mwɔnɛ ligbi nɛ ɔ, jeha nyingmi enyɔ kɛ etɛ sɔuu ji nɛ ɔ nɛ. Kikɛmɛ a be nɛ ɔ tsuo ɔ, be tsuaa be ɔ, i naa sɛ gbi kɛ jeɔ Yawɛ ngɔ kɛ haa nyɛ. I deɔ nyɛ nɔ́ tsuaa nɔ́ fitsofitso; se nyɛ bui tue.

Yeremia 26:5

I de nyɛ ke ye tsɔli gbali ɔmɛ nɛ i tsɔɔ kɛ baa nyɛ ngɔ be tsuaa be ɔ, nyɛɛ bu a munyu ɔmɛ tue. Se nyɛ bui mɛ tue fɛɛ.

Yeremia 29:19

Ní nɛ ɔmɛ maa ba a nɔ, ejakaa sɛ gbi ɔ nɛ i haa mɛ be tsuaa be kɛ guu ye tsɔli gbali ɔmɛ a nɔ ɔ, a bui fɛɛ. A sume kaa a maa nu kɛ a tue po.

Yeremia 32:33

A plɛ a se ngɔ wo mi, nɛ a kua a tsui tsakemi. I gbo dengme kɛ tsɔɔ mɛ ní be babauu, se a bui tue fɛɛ; nɔ́ ko hu a kase we.

Yeremia 35:14

Mlaa nɛ Yonadab, Rekab bi ɔ wo e nina ke a ko nu wai ɔ, a ye nɔ. Nɛ kɛ ba si mwɔnɛ ɔ, a ti nɔ ko nɔ ko nui dã. Nyɛɛ lɛɛ kpamisa nɛ ɔ, i kɛ nyɛ ngɛ munyu tue, se nyɛ bui mi tue fɛɛ.

Yeremia 35:15

Daa nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ. A ba deɔ nyɛ ke nyɛɛ kpale kɛ je nyɛ blɔ yayami ɔmɛ a nɔ, nɛ nyɛɛ pee nɔ́ nɛ da. A bɔ nyɛ kɔkɔ ke nyɛ ko ja mawu kpahi, nɛ nyɛ ko sɔmɔ mɛ hulɔ, bɔ nɛ pee nɛ nyɛɛ hi zugba a nɛ i ha nyɛɛ kɛ nyɛ nɛmɛ ɔmɛ ɔ nɔ. Se nyɛ bui mi tue, nɛ ye munyu ɔmɛ hu nyɛ ngɔɛ.

Yeremia 35:17

Lɔ ɔ he ɔ, imi Yawɛ Tabohiatsɛ, Israel Mawu ɔ, bɔ nɛ i ngɛ dee ji nɛ ɔ nɛ. Nyɛ Yuda ma, kɛ Yerusalem ma mi bi, ní yayamihi tsuo nɛ i wo si ke e maa ba nyɛ nɔ ɔ, ma ngɔ kɛ ba nyɛ nɔ jehanɛ. Ma pee nɔ́ nɛ ɔ, ejakaa i kɛ nyɛ tu munyu, se nyɛ nui; i tsɛ nyɛ, se nyɛ he we nɔ.”

Yeremia 44:23

Haomi mi nɛ nyɛ ngɛ mwɔnɛ nɛ ɔ, nɔ́ nɛ kɛ haomi nɛ ɔ ba ji nyɛ pee yayami kɛ si Yawɛ. Nyɛ sã tsopa kɛ e he via ha mawu kpahi; nyɛ bui Yawɛ gbi tue, nɛ e mlaa amɛ, kɛ e blɔ nya tomi ɔmɛ hu nyɛ yi nɔ.”

Yeremia 44:4

Daa nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ, nɛ a ba deɔ nyɛ ke nyɛ ko pee nɔ́ nɛ ɔ, ejakaa i hie.

Yeremia 5:21

Nyɛ kuasiahi, kɛ nihi nɛ nyɛ be juɛmi! Nyɛ ngɛ hɛngmɛ, se nyɛ hyɛ we nɔ́; nyɛ ngɛ tue, se nyɛ nui nɔ́. Nyɛɛ bu tue!

Yeremia 6:10

I he nɔ ke, “Ke i kɛ mɛ tu munyu nɛ i ka a hɛ mi ɔ, mɛnɔ maa bu mi tue? Ni ɔmɛ a tue wa, nɛ a sume kaa a maa bu o munyu ɔ tue. Ke o ha mi sɛ gbi nɛ i ya de mɛ ɔ, pe a muɔɔ mi; a nya we he.

Yeremia 7:25

Kɛ je ligbi ɔ nɛ nyɛ nɛmɛ ɔmɛ je Egipt hluu kɛ ba si mwɔnɛ ligbi nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ daa be tsuaa be.

Hosea 11:2

Se ke i hla kaa ma gbla mɛ kɛ ba ye ngɔ, kɛkɛ a tsɔ atuã. A ya sãã bɔ kɛ haa Baalhi, nɛ a sãã tsopa kɛ e he via hu kɛ haa amaga kpahi.

Hosea 11:7

Ye ma a fia pɛɛ si kaa a ma kua mi; enɛ ɔ he je ɔ, ma gbla a tue, nɛ nɔ ko nɔ ko be nyɛe maa je ngmlaa ha mɛ.

Hosea 9:17

Ye Mawu ɔ ma kua e ma a; ejakaa a bui lɛ tue. A maa wo lalaalo ngɛ je ma amɛ a kpɛti.

Zakaria 7:13

Akɛnɛ ke i de nɔ́ ko nɛ a bui tue he je ɔ, ke a fa kue ɔ, i he we nɔ.

Mateo 23:37

“Yerusalem! Yerusalem! Mo nɛ o gbee gbali ɔmɛ, nɛ nihi nɛ Mawu tsɔ mɛ o ngɔ ɔ, o fiaa mɛ tɛ! Hyɛ kaa jinɛ i hla si abɔ kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya kɛ woɔ e pɛli sisi ɔ. Se o kplɛɛ we!