Yeremia 7:11 - BAIBLO ALOO NGMAMI KLƆUKLƆU Ɔ

¹¹ E peeɔ nyɛ kaa ye we ɔ, juli a laami he, pi ja? Nyɛ na nɛ nyɛɛ le kaa níhi nɛ nyɛ ngɛ pee ɔ, i na kɛ ye hɛngmɛ. Imi, Yawɛ lɛ i de.

Yeremia 7:11 ပူးပေါင်းရင်းမြစ်များ

Yesaya 56:7

“Ma ngɔ nyɛ kɛ ba Zion, ye yo klɔuklɔu ɔ nɔ; ma ha nyɛ bua maa jɔ ngɛ ye sɔlemi we ɔ, nɛ bɔ ɔmɛ tsuo nɛ nyɛ maa sã ngɛ ye bɔ sami la tɛ ɔ nɔ ɔ, ma he. Ejakaa a ma tsɛ ye we ɔ je mahi tsuo a sɔlemi we.”

Mateo 21:13

nɛ e de mɛ ke, “A ngma ngɛ ngmami ɔmɛ a mi ke, Mawu de ke, ‘A ma tsɛ ye we ɔ sɔlemi we.’ Se nyɛɛ lɛɛ nyɛ ngɔ kɛ pee ojo fiali a laami he!”

Marko 11:17

E tsɔɔ ni ɔmɛ ke, “A ngma ke, ‘Ye we ɔ, a ma tsɛ lɛ je ɔ tsuo sɔlemi we’. Se nyɛɛ lɛɛ nyɛɛ kɛ pee ojo fiali a laami he!”

Kronika II, 6:33

moo nu e pɛɛ kpami ɔ ngɛ o hi he ɔ ngɛ hiɔwe, nɛ o pee nɔ́ nɛ e ngɛ hlae ɔ ha lɛ, konɛ nimli tsuo nɛ ngɛ je ɔ mi ɔ nɛ a le mo, nɛ a bu mo kaa bɔ nɛ o ma, Israel buu mo ɔ. Kɛkɛ ɔ, a maa le kaa we nɛ ɔ nɛ i po ɔ, o biɛ ngɛ he.

Yohane 2:16

Nihi nɛ ngɛ lahuɛhi juae ɔ, e de mɛ ke, “Nyɛ je ní nɛ ɔmɛ kɛ je hiɛ ɔ esɔ! Tsaatsɛ we ɔ, nyɛ ko ngɔ kɛ pee jua nɔ.”

Yeremia 23:24

Anɛ nɔ ko ma nyɛ maa laa e he ngɛ he ko nɛ i be lɛ nae lo? Anɛ nyɛ li kaa i ngɛ he tsuaa he lo? I ngɛ hiɔwe kɛ zugba tsuo.

Hebribi 4:13

Nɔ́ ko nɔ́ ko be nɛ a kɛ laa Mawu. Nɔ́ tsuaa nɔ́ ngɛ je nɛ ɔ mi fɔɔ si paa ngɛ Mawu hɛ mi. Nɛ nɔ tsuaa nɔ maa bu lɛ nitsɛ e we akɔtaa ngɛ e hɛ mi.

Yeremia 29:23

Nɔ́ nɛ maa ba a nɔ ji nɛ ɔ nɛ, ejakaa a pee ní yayamihi ngɛ Israel; a puɛ gba, nɛ a tu lakpa munyuhi ngɛ Yawɛ biɛ mi, pohu e fa we mɛ ke a tu jamɛ a munyu ko. Pi Yawɛ suɔmi nya ní ji nɛ ɔ; nɔ́ tsuaa nɔ́ nɛ a pee ɔ, e na, nɛ e ma nyɛ maa ye he odase. Yawɛ lɛ de.”

Yeremia 2:34

Ohiatsɛmɛ nɛ pee we yayami ko a muɔ ji so nɛ ngɛ nyɛ tadehi a mi; pi ojo fiali a muɔ. “Se enɛ ɔmɛ tsuo a se ɔ,

Yeremia 7:10

Ke nyɛ pee níhi nɛ i hiee nɛ ɔ ta a, nyɛ baa nɛ nyɛ ba daa si ngɛ ye hɛ mi, ngɛ imi nitsɛ ye we nɛ ɔ mi, nɛ nyɛ deɔ ke, ‘Oo, a he wa yi wami momo!’ Konɛ nyɛ ya pee musu ní nɛ ɔmɛ tsuo ekohu lo?

Ezekiel 35:13

Pupuupu nɛ o pee, nɛ o tu musu bɔmi munyuhi babauu kɛ si mi ɔ, i nu lɛ tsuo.”

Yesaya 1:12

Mɛnɔ de nyɛ ke ke nyɛ ma mi jami ɔ, nyɛɛ ngɔ ní nɛ ɔmɛ tsuo kɛ ba sã bɔ ha mi? Mɛnɔ de nyɛ ke nyɛ ba nyɛɛ ye sɔlemi we ɔ kpo ɔ nɔ?

Daniel 9:18

Ye Mawu lee, wa kpa mo pɛɛ nɛ o bu wɔ tue. Hyɛ haomi mi nɛ wa ngɛ, kɛ bɔ nɛ ma a nɛ a kɛ o biɛ wo lɛ ɔ pee ma doku ha. Wa ngɛ kue fae ha mo, ejakaa mɔbɔ nalɔ ji mo, se pi kaa wa pee nɔ́ nɛ da.