Yeremia 6:29 - BAIBLO ALOO NGMAMI KLƆUKLƆU Ɔ

²⁹ La ngɛ tsoe nɛ sumui sileɔ ngɛ mi. Se e he hia we kaa a ya nɔ nɛ a tsu ye ma mi bi ɔmɛ a he hu, ejakaa nimli yayamihi nɛ ngɛ a kpɛti ɔ, a je we mɛ.

Yeremia 6:29 ပူးပေါင်းရင်းမြစ်များ

Abɛ Womi 17:3

La a kɛ tsuɔ sika tsu kɛ sika hiɔ he, se Yawɛ lɛ kaa adesa tsui hyɛɔ.

Yesaya 49:4

Se imi lɛɛ, i de ke, “I gbo dengme yaka gu; i puɛ ye he wami tsuo yaka; i na we se ko.” Se kɛ̃ ɔ, Yawɛ, ye Mawu ɔ maa ye ye sane ɔ ha mi, e maa pee mi kpakpa.

Yeremia 15:19

Yawɛ he nɔ ke, “Ke o kpale kɛ ba a, i kɛ o blɔ he ɔ ma ha mo, nɛ o ma ba pee ye tsɔlɔ ekohu. Ke o maa fiɛ fiɛmi kpakpa, nɛ o be munyu gu tue ɔ, lɛɛ o maa pee ye gbalɔ ekohu. Ma a maa kpale kɛ ba o ngɔ, nɛ e be hiae kaa moo o ya a ngɔ.

Yeremia 9:7

Enɛ ɔmɛ a he je ɔ, Yawɛ Tabohiatsɛ ɔ ke, “Ma gbla a tue, nɛ ma ha nɛ a tsake a je mi babɛ kaa bɔ nɛ sika galɔ tsuɔ sika he ɔ. Ye ma mi bi ɔmɛ pee yayami. Anɛ nɔ́ kpa ko pa ngɛ nɛ ma pee mɛ lo?

Ezekiel 24:12

Hyɛ kaa i gbo dengme yaka! Bɔ nɛ a peeɔ pɛ i pee nɛ ɔ nɛ; se kana babauu pa ngɛ buɛ ɔ mi kɛ sa; la a po nyɛ we kana a nɛ e je.

Ezekiel 24:13

Yerusalem, o yahomi basaa nɛ puɛ mo ɔ ji kana a nɛ. I gbo dengme kɛ bɔ o he mɔde, konɛ o he nɛ tsɔ; se mu ɔ ngɛ o he kpamisa. Lɔ ɔ he ɔ, o he be tsɔe kɛ je o mu ní peemi ní ɔmɛ a mi hu kɛ yaa si be nɛ ma ngɔ mi mi la kɛ gbla o tue wawɛɛ.

Hosea 11:7

Ye ma a fia pɛɛ si kaa a ma kua mi; enɛ ɔ he je ɔ, ma gbla a tue, nɛ nɔ ko nɔ ko be nyɛe maa je ngmlaa ha mɛ.

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

1 Petro 1:7

A kɛ amanehlu nɛ ɔmɛ ngɛ nyɛ kae kaa nyɛ heɔ Mawu yeɔ niinɛ lo. Sika tsu po nɛ puɛɔ ɔ, a kaa ngɛ la mi. Lɔ ɔ he ɔ, nyɛ hemi kɛ yemi ɔ nɛ he jua wa kulaa pe sika tsu ɔ, ja a ka lɛ, bɔ nɛ pee nɛ e mi nɛ wa. Kɛkɛ ɔ, ligbi ɔ nɛ Yesu Kristo maa ba ekohu ɔ, a ma je nyɛ yi, nɛ a maa bu nyɛ, nɛ nyɛ hɛ mi maa ba nyami.

1 Petro 4:12

Nyɛmimɛ nɛ i suɔ, bɔ nɛ a ngɛ nyɛ hemi kɛ yemi ɔ kae, nɛ nyɛ ngɛ nɔ́ nae ɔ, e ko pee nyɛ nyakpɛ. Nyɛ ko susu kaa nɔ́ ko nɛ bɛ hyɛ nyɛ ngɛ nae ɔ.

Manyadali 17:4

Benɛ e kpale sika a kɛ ha e nyɛ ɔ, e nyɛ ɔ je e mi lafa enyɔ kɛ ha sika hiɔ galɔ, nɛ e kɛ pee amaga nɛ a hlɔ nɛ kɛ sika hiɔ ha he; nɛ a ngɔ amaga a kɛ ma Mika we ɔ mi.