Yeremia 6:27 - BAIBLO ALOO NGMAMI KLƆUKLƆU Ɔ

²⁷ Kaa bɔ nɛ sika he ní tsulɔ hlaa sika nitsɛ ngɛ sika yaya kpɛti ɔ, jã kɛ̃ i hla mo Yeremia, konɛ o hyɛ ye ma mi bi ɔmɛ fitofitso kaa kɛ ji bɔ nɛ a je mi bami ngɛ kɛɛ.

Yeremia 6:27 ပူးပေါင်းရင်းမြစ်များ

Yeremia 1:18

Yeremia, bu tue! Nɔ tsuaa nɔ nɛ ngɛ zugba nɛ ɔ nɔ ɔ: Yuda matsɛmɛ ɔmɛ, ganɔ ɔmɛ, osɔfo ɔmɛ, kɛ ma mi bi ɔmɛ maa te kɛ wo mo. Se mwɔnɛ ligbi nɛ ɔ, i ngɛ mo he wami hae nɛ o ye a nɔ. I pee mo kaa ma nɛ a fia gbogbo ngɔ wo he, aloo dade titima, aloo gbogbo nɛ a kɛ akɔblee pee. A be mo nyɛe; ejakaa i kɛ mo ngɛ, nɛ ma je mo kɛ je a dɛ mi. Imi, Yawɛ lɛ i de.”

Yeremia 15:20

Ma ha nɛ o maa pee kaa akɔblee gbogbo nɛ he wa ngɛ a hɛ mi; a kɛ mo maa hwu ta, se a be mo nyɛe. I kɛ mo maa hi si; ma bu o he, nɛ ma he o yi wami.

Ezekiel 22:2

nɛ e de mi ke, “Nɔmlɔ adesa, anɛ o pee klaalo nɛ o maa kojo ma nɛ muɔ si pɛ a pueɔ ngɛ mi ɔ lo? Ke jã a, lɛɛ ha nɛ e le ní hiemi níhi nɛ e pee ɔ tsuo.

Ezekiel 20:4

“Nɔmlɔ adesa, o maa kojo mɛ lo? Ke jã a, lɛɛ ha nɛ a le ní hiemi níhi nɛ a tsɛmɛ ɔmɛ tsu.

Yeremia 9:7

Enɛ ɔmɛ a he je ɔ, Yawɛ Tabohiatsɛ ɔ ke, “Ma gbla a tue, nɛ ma ha nɛ a tsake a je mi babɛ kaa bɔ nɛ sika galɔ tsuɔ sika he ɔ. Ye ma mi bi ɔmɛ pee yayami. Anɛ nɔ́ kpa ko pa ngɛ nɛ ma pee mɛ lo?