Yeremia 6:26 - BAIBLO ALOO NGMAMI KLƆUKLƆU Ɔ

²⁶ Yawɛ de e ma a ke, “Nyɛ bu kpekpe ya bo, nɛ nyɛɛ ngɔ nyɛ he kɛ wuwlua si ngɛ la zu mi. Nyɛɛ wo yana nɛ nyɛɛ ye kɔmɔ kaa a yeɔ kɔmɔ kɛ haa bi kake too nɛ gbo, ejakaa ta a nɛ ma nyɛ hɛ mi kpatami ɔ ma ba tua nyɛ tlukaa.

Yeremia 6:26 ပူးပေါင်းရင်းမြစ်များ

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

Yeremia 4:8

Enɛ ɔ he je ɔ, nyɛ bu kpekpe ya bo; nyɛɛ wo yana nɛ nyɛ nya awe, ejakaa Yawɛ mi mi fumi nɛ nya wa a ji Yuda nɔ lolo.

Yakobo 5:1

Jehanɛ nyɛ niatsɛmɛ hu nyɛɛ bu tue! Nyɛɛ wo yana, nɛ nyɛ nya awe; ejakaa aywilɛho sanehi maa ba nyɛ nɔ!

Yakobo 4:9

Nyɛɛ ye kɔmɔ; nyɛɛ wo yana, nɛ nyɛ nya awe. Nyɛ kpa muɔmi, nɛ nyɛɛ wo yana. Nyɛ kpa nyami, nɛ nyɛɛ nu sawale!

Luka 7:12

Benɛ e su ma a agbo ɔ nya ta a, nimli babauu ji nɛ nɛ je ma a mi kɛ ma. Nyumu ko gbo, nɛ a nyɛɛ gbogboe ɔ se. Nyumu nɛ ɔ, e nyɛ bi kake pɛ ji lɛ; yalɔyo ji e nyɛ ɔ, nɛ nihi babauu ba e ngɔ.

Amos 8:10

Jehanɛ se hu, be mi nɛ nyɛ ngɛ ní yee, nɛ nyɛ ngɛ nyae ɔ, ma ha nɛ nyɛ ma bɔni kɔmɔ yemi jamɛ a be ɔ mi nɔuu; ma tsake nyɛ bua jɔmi la amɛ kɛ pee kɔmɔ yemi lahi. Ma ha nɛ nyɛ ma sã nyɛ yi nɔ, nɛ nyɛ ma bu kpekpe ya bo. Ma ha nɛ nyɛ maa ye kɔmɔ kaa nɔ ko nɛ e bi kake too pɛ ɔ gbo; nɔ tsuaa nɔ maa pee mɔbɔmɔbɔ jamɛ a ligbi ɔ.

Kɔmɔ Yemi 4:10

Ye ma a hɛ mi kpatami ɔ ngɛ gbeye. Binyɛmɛ nɛ suɔ a bimɛ kaa nɔ́ ko po, hoo mɛ nitsɛmɛ a bimɛ kaa niye ní nɛ a ye.

Kɔmɔ Yemi 4:6

A gbla ye ma a tue wawɛɛ pe Sodom. Sodom lɛɛ e tue gblami ɔ ba ngɛ hɛngmɛfia mi, nɛ adesa nine be mi.

Kɔmɔ Yemi 4:3

Nga mi gbe po haa e bimɛ nyɔ nɛ a pupɔɔ, se ye ma a lɛɛ a yi mi wa; a ngɛ kaa dugumahi ngɛ nga nɔ.

Kɔmɔ Yemi 3:48

Vo nyu ngɛ ye hɛngmɛ mi jee kɛ ngɛ si puee kaa pa nɛ hia kɛ bee; ejakaa a kpata ye ma a hɛ mi.

Kɔmɔ Yemi 2:11

I fo ya hluu, nɛ ye hɛngmɛ tsuo fuu. I ngɛ he hiami mi wawɛɛ. Ye tsui ngɛ mi yee, ejakaa a ywia ye we bi ɔmɛ a ma a. Jokuɛwi kɛ bimwɔwi ngɛ hɛlie ngɛ gbɛjegbɛ ɔmɛ a nɔ ngɛ ma a mi.

Kɔmɔ Yemi 1:16

“Enɛ ɔ he i wo yana, nɛ vo nyu ngɛ ye hɛngmɛ mi jee kɛ ngɛ si puee. I be bua wolɔ ko nɛ maa wo mi he wami. Peepee ta ye bimɛ ɔmɛ a he, ejakaa he nyɛlɔ ɔ ye ye nɔ kunimi.

Kɔmɔ Yemi 1:2

Ya sɔuu e ngɛ foe nyɔnyɔɔnyɔ tsuo; nɛ vo nyu ngɛ e hɛngmɛ mi jee kɛ ngɛ si kplee. E suɔli ɔmɛ hu a ti nɔ ko nɔ ko be nɛ maa jɔɔ e bua. E huɛmɛ ɔmɛ tsuo kpa ngɛ e se, nɛ a ba pee e he nyɛli.

Yeremia 15:8

I ha nɛ yalɔyihi a he hiɛ babauu ngɛ nyɛ zugba a nɔ pe wo nya zia. I gbe nyɛ nihewi ɔmɛ ngɛ a nihe mi, nɛ i ha nɛ a nyɛmɛ ɔmɛ na nɔ́. I ha nɛ haomi nɛ nya wa, kɛ ní gbeyegbeyehi ba a nɔ tlukaa.

Yeremia 14:17

Yawɛ fa mi ke ma de ma a ke, “Ye hɛngmɛ nɛ tɔ nyu nyɔ kɛ pia daa nɛ ɔ nɛ ma ko kpa ya fomi gblegbleegble. Ejakaa a fia ye ma mi bi ɔmɛ ní kɛ pue si nɛ a plaa wawɛɛ nitsɛ.

Yeremia 13:17

Se ke nyɛ bui tue kɛ mwɔɔ ɔ, lɛɛ ma fo ya ngɛ laami mi ngɛ nyɛ he nɔ womi ɔ he. Ma fo ya hluu kɛ yaa si ye hɛngmɛ maa tɔ nyu, ejakaa a nuu Yawɛ ma mi bi ɔmɛ nyɔguɛ kɛ je.

Yeremia 12:12

Ní hali ba ha ní ngɛ yoku kpataa amɛ tsuo a nɔ. I ha nɛ ta ba kpata zugba a tsuo hɛ mi, nɛ nɔ ko nɔ ko be tue mi jɔmi hu.

Yeremia 9:10

I de ke, “Ma ye kɔmɔ ha yoku ɔmɛ, nɛ ma fo ya ha lohwehi a lɛmi he ɔmɛ ngɛ nga a nɔ. Ejakaa lejɛ ɔmɛ gbli, nɛ a fɔɔ si gu; nɔ ko nɔ ko gui lejɛ ɔmɛ hu. A pa nui kaa na ngɛ pɛe muu muu ngɛ lejɛ ɔmɛ hu; lohwe pɛlitsɛmɛ, kɛ pu mi lohwehi tsuo tu fo kɛ je.”

Yeremia 8:21

Bɔ nɛ ye ma mi bi ɔmɛ a he mi ngɛ mɛ hiae ɔ, ja nɔuu imi hu ye he mi ngɛ mi hiae. Ye ywilɛ ho ye he; gbeye kɛ sawale nu mi.

Yeremia 8:19

Nyɛɛ bu tue! Ngɛ zugba a tsuo nɔ ɔ, i nu nɛ ye ma a ngɛ ngmlaa kpae nɛ a ngɛ bie ke, “Anɛ Yawɛ be Zion hu lo? Zion matsɛ ɔ be ma a mi hu lo?” Yawɛ bi ke, “Mɛni he je lɛ nyɛ ya ja amagahi, nɛ nyɛɛ kɛ nɔ́ nɛ ɔ peemi wo ye mi mi la a? Mɛni he je lɛ nyɛ ya kpla si ha ma se wohi?”

Yeremia 6:14

Pá nɛ ngɛ ye ma mi bi ɔmɛ a he ɔ, a tsɔɔ lɛ fa kɛ fa kɛkɛ, nɛ e peeɔ mɛ kaa pa a gbo. Lɔ ɔ he ɔ, a deɔ ke, ‘Wa ngɛ tue mi jɔmi, wa ngɛ tue mi jɔmi,’ be mi nɛ tue mi jɔmi ko be.

Yeremia 4:20

Haomi ɔmɛ ba nɔtonɔto kɛ ya si zugba a tsuo hɛ mi kpata. A hule wa bo tsu ɔmɛ ngɔ pue si tlukaa, nɛ a hía bo ɔmɛ a mi dukuduku.

Yeremia 4:11

Be ma nɛ a ma de Yerusalem bi ɔmɛ ke ahlabata kɔɔhiɔ ko maa hia kɛ je nga kplanaa a nɔ kɛ ba a ngɔ; pi kɔɔhiɔ hɛlii nɛ maa muɔ jakati kɛ ho kɛkɛ.

Yesaya 32:11

Nyɛ yihi nɛ nyɛ he mi jɔ nyɛ, nɛ haomi ko be nyɛ nɔ, jehanɛ lɛɛ nyɛɛ ye gbeye, nɛ nyɛ he nɛ do blibliibli! Nyɛ kpa bo ngɛ nyɛ he, nɛ nyɛɛ hɛɛ nyɛ he gu. Nyɛɛ ngɔ kpekpe ya bo kɛ fi nyɛ mlɛ mi.

Yesaya 30:13

Lɔ ɔ he ɔ, nyɛ yeɔ fɔ. Nyɛ ngɛ kaa gbogbo gojoo ko nɛ e mi gba kɛ je e yi mi kɛ ba ma si, nɛ kpa kasa, nɛ miɔ nɛ e ku kɛ pue si; tlukaa ngɛ hɛngmɛfia mi ɔ, e maa ku kɛ pue si bum!

Yesaya 22:12

Jamɛ a ligbi ɔ, Nyɔmtsɛ Yawɛ Tabohiatsɛ ɔ tsɛ ke nyɛ fo ya nɛ nyɛɛ ye kɔmɔ; nyɛɛ sɛ nyɛ yi kpalokpalo, nɛ nyɛɛ ha kpekpe ya bo,

Yesaya 22:4

Nyɛɛ ngmɛɛ ye he nɛ ma nyɛ ya wawɛɛ ha nihi nɛ gbo ɔ. Nyɛ ko gba nyɛ he nya kaa nyɛ maa jɔɔ ye bua.

Mose I, 21:16

nɛ e ho ya hi si ngɛ he ko banee, maa pee gugue nyingmi enuɔ loo nɔ kɛmi kɛ je he nɛ jokuɛ ɔ ngɛ ɔ. E de ngɛ e yi mi ke, “I be nyɛe nɛ ma hi jokuɛ ɔ hɛ mi hyɛe kɛ yaa si e ma gbo.” Benɛ e hii si ngɛ lejɛ ɔ, e bɔni ya fomi.

Hiob 2:8

Hiob ho ya hi la zu mi, nɛ e ngɔ ngɛyu kɛ ngɛ e he hluae.

Yeremia 9:1

I ná nɛ ye yi pee kaa vu kɛ e mi nyu, nɛ ye hɛngmɛhi plɛ pee nyu hɛngmɛ nɛ vo nyu ngɛ mi jee babaaba. Jinɛ i ko fo ya nyɔ kɛ pia kɛ ha ye ma mi bi ɔmɛ nɛ a gbe ɔ.

Yeremia 18:22

Ha nɛ ta nɛ ba tua mɛ tlukaa, nɛ bubuubui nɛ pɛ ngɛ a we ɔmɛ a mi. A tsua muɔ ngɔ fɔ si ha mi nɛ ma nɔ mi, nɛ a tsɔ mi klama nɛ ma du.

Kɔmɔ Yemi 3:16

E ha nɛ i kokloo si ngɛ zugba, nɛ ye lungu kli kaa nɔ nɛ kpe tɛ ngmlitsa.

Yona 3:6

Benɛ Nineve matsɛ ɔ nu he ɔ, e te si ngɛ e sɛ ɔ nɔ. E kpa e he ablade bo ɔ, nɛ lɛ hu e bu kpekpe ya bo, nɛ e hi si ngɛ la zu mi ngɛ zugba.

Hiob 15:21

E tue mi maa hi ngmlɛ fiae kɛ wo e he gbeye. Be mi nɛ e susu kaa e ngɛ he jɔmi mi ɔ, ojo fiali ma ba tua lɛ tlukaa.

Yesaya 3:24

Nu je via be hae nɛ a he maa je via hu, a he maa je fu mohu; tangme kpa titlii a kɛ maa fi a mlɛ mi, pi mlɛ mi fimi nɔ́ saminyawiiwi ɔmɛ hu; yi nɛ a hɔɔ saminyayoo ɔ maa pee kpalokpalo; a heha ní kpakpa amɛ ma plɛ pee tako piɛ; a he fɛu ɔ ma plɛ pee zo ha mɛ!

Yeremia 30:5

“Wa nu gbi ko nɛ ngɛ pɛe, sawale kɛ gbeye, se pi tue mi jɔmi.