Yeremia 6:2 - BAIBLO ALOO NGMAMI KLƆUKLƆU Ɔ

² Zion ma, Yerusalem ɔ ngɛ fɛu kaa yiheyo saminyayoo ko. Se kɛ̃ ɔ, a ma kpata e hɛ mi.

Yeremia 6:2 ပူးပေါင်းရင်းမြစ်များ

Yesaya 1:8

A si Yerusalem kɛ fɔ si mɔbɔmɔbɔ kaa ma nɛ ta sá e yi. E ngɛ kaa bulɔ tsu bi ko ngɛ wai ngmɔ mi, loo gba nɛ a ma ngɛ atlɛ ngmɔ mi.

Yeremia 4:31

I nu gbi ko nɛ ngɛ pɛe kaa yo nɛ nu kɔɔmi; i nu kɛmɛmi ko kaa yo nɛ ngɛ e kekleekle bi fɔe. Mamoo Yerusalem nɛ e kɛ gbafa ngɛ ngmlaa kpae ɔ nɛ. E juale e nine mi, nɛ e ngɛ dee ke, “Akuanyɛ! Ye yi ta pɛ! He nyɛli ɔmɛ miɔ nɛ a maa gbe mi!”

Kɔmɔ Yemi 2:1

Benɛ Nyɔmtsɛ ɔ mi mi wo la a, e ha nɛ bɔku ha Zion nɔ. E kpɔ́ Israel he fɛu ɔ kɛ je hiɔwe kɛ ba pue zugba. Ligbi ɔ nɛ e mi mi fu ɔ, e kua lɛ nitsɛ e we pohu.

Kɔmɔ Yemi 2:13

Yerusalem, i suɔ mo! Yerusalem, mɛni ma de ha mo? Kɛ ma pee kɛ jɔɔ o bua kɛɛ? Nɔ ko nɔ ko nɛ́ amanehlu hyɛ kaa nɔ́ nɛ ba o nɔ nɛ ɔ. O haomi ɔ kle tsɔ, nɛ e nyagbe be. Mɛnɔ ma he o yi wami?

Kɔmɔ Yemi 4:5

Nihi nɛ ye ní kpakpahi be ko nɛ be ɔ, amlɔ nɛ ɔ, a hɛ mi kpata ngɛ gbɛjegbɛ ɔmɛ a nɔ. Nihi nɛ a lɛ mɛ ngɛ he kpakpahi be ko nɛ be ɔ, amlɔ nɛ ɔ, a ngɛ si kukuɔe ngɛ kuku nɔ.

Mose V, 28:56

Yo odehe mi odehe nɛ na ní kpɔtɔɔ, nɛ e hia we lɛ kaa e nyɛɛ kɛ ya he ko po maa pee jã kɛ̃. Ke he nyɛli ɔmɛ ba sá ma a yi ɔ, lɛ hu e yi ma fi ngɛ niye ní blɔ fa mi; e maa ye bimwɔyo he nɛ lɛ nitsɛ e fɔ ɔ ngɛ laami mi, nɛ e maa ye fɔmi se ɔ hulɔ. Lɛ nɔ kake e maa laa maa ye, nɛ e be e huno nɛ e suɔ lɛ saminya a, loo e bimɛ ɔmɛ eko hae.