Yeremia 6:16 - BAIBLO ALOO NGMAMI KLƆUKLƆU Ɔ

¹⁶ Yawɛ de e ma a ke, “Nyɛ ya da blɔ gbla nya nɛ nyɛɛ hyɛ. Nyɛ bi nɛ a tsɔɔ nyɛ blema nane blɔ kpakpa amɛ nɛ nyɛɛ nyɛɛ nɔ. Nyɛɛ pee ja, konɛ nyɛ na tue mi jɔmi.” Se ma a he nɔ ke, “Dɛbi, wa be pee fɛɛ!”

Yeremia 6:16 ပူးပေါင်းရင်းမြစ်များ

Matsɛmɛ I, 8:36

moo bu mɛ tue ngɛ hiɔwe. Ngɔɔ matsɛ ɔ, kɛ Israel ma a a he yayami ɔ ngɔ pa mɛ. Tsɔɔ mɛ nɛ a pee nɔ́ nɛ da. Lɔ ɔ se ɔ, Yawɛ, ha nɛ hiɔmi nɛ nɛ ngɛ o zugba a nɛ o ngɔ kɛ ha o ma a kaa a weto ní kɛ yaa neneene ɔ nɔ.

Kronika II, 19:11

Sanehi tsuo nɛ kɔɔ Yawɛ jami he ɔ, ke Amaria, osɔfo nɔkɔtɔma pe kulaa a ngɔ e nya ngɔ wo mi pɛ, a po sisi; nɔ kpa ko be he blɔ nɛ e deɔ nɔ́ ko hu. Ma mi sanehi lɛɛ, nɔkɔtɔma pe kulaa nɛ maa to blɔ nya ji Ishmael binyumu Zebadia, amlaalo ɔ nɛ ngɛ Yuda a. Ke lɛɛ e tu munyu ɔ, nɔ kpa ko be he blɔ nɛ e deɔ nɔ́ ko hu. Ke a ye sane ko gbe nya nɛ a buá he ɔ, Levi bi ɔmɛ a blɔ nya ní tsumi ji kaa a hyɛ konɛ blɔ nya nɛ kojomi he ɔ to ɔ, a ye nɔ. Nyɛɛ pee kã, nɛ nyɛɛ ye mlaa nɛ ɔmɛ a nɔ. Yawɛ nɛ piɛ nɔ nɛ peeɔ nɔ́ nɛ da a he!”

La 116:7

Ye nɔ gbagba maa te, nɛ ye bua maa jɔ ekohu; ejakaa Yawɛ dloo mi babauu.

Yesaya 2:5

Jehanɛ, nyɛ Yakob nina, nyɛ ha waa nyɛɛ ngɛ la nɛ Yawɛ ha wɔ ɔ mi!

Yesaya 28:12

Mawu de nyɛ ke e ma ha nyɛ he jɔmi, kɛ tue mi jɔmi, se nyɛ bui lɛ tue fɛɛ.

Yesaya 30:21

Ke nyɛ ngɛ nyɛɛe, nɛ nyɛ gba kɛ je blɔ ɔ nɔ kɛ ya hiɔ nɔ, loo muɔ nɔ ɔ, nyɛ maa nu e gbi ngɛ nyɛ se nɛ ngɛ dee ke, “Blɔ ɔ ji nɛ oo! Nyɛɛ nyɛɛ blɔ ɔ nɔ.”

Yesaya 46:9

Nyɛ kai níhi nɛ i pee blema lokoo ɔ; ejakaa Mawu kpa ko be nɛ kɛ mi sɔ.

Yesaya 57:2

Nihi nɛ baa a je mi saminya, nɛ a peeɔ nɔ́ nɛ da a, ke a gbo ɔ, a naa tue mi jɔmi, kɛ he jɔmi.

Yesaya 8:20

Ke a de nyɛ ja a, nyɛ he nɔ ke, “Nyɛɛ bu nɔ́ nɛ Yawɛ ngɛ nyɛ tsɔɔe ɔ tue! Nyɛ ko bu ní peeli tue. Níhi nɛ a deɔ nyɛ ɔ, a he be se nami.”

Yeremia 12:16

Je ma nɛ ɔmɛ tsɔɔ ye ma a, nɛ a kɛ Baal biɛ kaa kita. Ke a ma kpa a yi mi, nɛ a maa ngɔ mi kɛ pee a Mawu ngɛ Baal nane mi, nɛ a kɛ ye biɛ ma ka kita ja a, lɛɛ a maa bu mɛ ngɔ si ye ma mi bi ɔmɛ a nɔ.

Yeremia 18:12

Ke o de mɛ ja a, a ma he nɔ ke, ‘Dɛbi! Nɔ́ nɛ wa tsui suɔ ɔ, lɔ ɔ wa maa pee. Wa maa wa tue, nɛ wa maa pee yayami bɔ nɛ wa suɔ.’ ”

Yeremia 18:15

Se ye ma a lɛɛ, a hɛ je ye nɔ; a sãã tsopa kɛ e he via kɛ haa amagahi. A je blema blɔ kpakpa amɛ a nɔ, nɛ a ya ngɛ lakpa blɔhi a nɔ nyɛɛe. A nyɛɛ we gbɛjegbɛ ɔmɛ a nɔ hu; nane blɔhi a nɔ mohu lɛ a ngɛ nyɛɛe.

Yeremia 2:25

I de mo ke, Israel, kpa mawu kpahi a se nyɛɛmi, bɔ nɛ pee nɛ o nane nɛ ko ba gbo, nɛ kuma ba gbe mo. Se o de ke, ‘Dɛbi! I be ye se kpalee; i suɔ ma se mawuhi, nɛ ma se mawuhi a se lɛ ma nyɛɛ.’ ”

Yeremia 22:21

Benɛ nyɛ ná nyɛ he ɔ, Yawɛ kɛ nyɛ tu munyu, se nyɛ kua lɛ tue bumi. Kɛ je nyɛ nihe mi ɔ, nɔ́ nɛ nyɛ peeɔ ji kaa nyɛ bui Yawɛ tue.

Yeremia 31:21

Nyɛɛ ma tsohi ngɛ blɔ he kɛ to blɔ ɔ he so. Blɔ nɛ nyɛ maa nyɛɛ nɔ kɛ ya a, nyɛɛ to blɔ ɔ he hɛ saminya. Israel ma, nyɛɛ kpale kɛ ba koo! Nyɛɛ kpale kɛ ba nyɛ nitsɛmɛ nyɛ ma amɛ a mi.

Yeremia 42:3

Kpa Yawɛ, wa Mawu ɔ pɛɛ konɛ e tsɔɔ wɔ blɔ nɛ wa maa nyɛɛ nɔ, kɛ nɔ́ nɛ sa wɔ peemi.”

Yeremia 44:16

“Munyu ɔ nɛ o kɛ wɔ tu ngɛ Yawɛ biɛ mi ɔ, wa be tue bue fɛɛ.

Yeremia 50:5

A ma bi ke a tsɔɔ mɛ Zion blɔ, nɛ a maa nyɛɛ nɔ kɛ ba. A ma de ke, ‘Nyɛ ha nɛ waa ngɔ wa he ya mɛtɛ Yawɛ he. Nyɛ ha nɛ waa kɛ lɛ nɛ so neneene somi nɛ a be mi poe gblegbleegble.’

Yeremia 7:23

Mlaa nɛ i wo mɛ ji a bu mi, konɛ ma pee a Mawu, nɛ a pee ye ma. I de mɛ ke mlaa nɛ i wo mɛ ɔ, a ye nɔ, konɛ e hi ha mɛ.

Yeremia 7:24

Se nɔ́ nɛ i de mɛ ɔ, a bui tue fɛɛ; nɔ́ nɛ i ke a pee ɔ hu a pee we. Mohu, nɔ́ tsuaa nɔ́ nɛ a juɛmi de mɛ ke a pee ɔ, lɔ ɔ a kpliiɔ a tsui nɛ hyi kɛ yayami ɔ nɛ a peeɔ. Enɛ ɔ he je ɔ, a ya se, se pi hɛ mi.

Malaki 4:4

“Mlaa slɔɔtoslɔɔtohi nɛ i ngɔ kɛ ha nyɛ ngɛ Sinai yo ɔ nɔ kɛ gu ye tsɔlɔ Mose nɔ ɔ, nyɛ kai nɛ nyɛɛ ye a nɔ.

Luka 16:29

“Abraham de lɛ ke, ‘Mose kɛ gbali ɔmɛ ngɛ lejɛ ɔ; o nyɛmimɛ ɔmɛ nɛ bu mɛ tue.’

Yohane 12:35

Yesu he nɔ ke, “Be bɔɔ ko pɛ nɛ e piɛ nɛ la a kɛ nyɛ maa hi si kɛ yaa si. Be mi nɛ la a ngɛ nɛ ɔ, nyɛɛ nyɛɛ blɔ ɔ nɔ, konɛ diblii ɔ nɛ ko ba na nyɛ, ejakaa nɔ nɛ nyɛɛɔ diblii mi ɔ, e li he nɛ e yaa.

Yohane 13:17

Amlɔ nɛ ɔ nɛ nyɛ na le anɔkuale ɔ, ke nyɛ tsu e nya ní ɔ, a gbaa nyɛ!

Yohane 5:39

Nyɛ hlaa ngmami ɔmɛ a mi, ejakaa nyɛ susuɔ kaa a mi nyɛ ma na neneene wami ngɛ; nɛ lɔ ɔmɛ nɔuu yeɔ ye he odase.

Ni Tsumi 17:11

Beroya bi ɔmɛ a tue wɛ kaa Tesalonika bi ɔmɛ. Mɛɛ lɛɛ a he munyu ɔ ye kɛ a tsui tsuo, nɛ daa nɛ ɔ, a kpaa ngmami ɔmɛ a mi kaa níhi nɛ Paulo de a ngɛ mi ja lo.

Romabi 4:12

Lɛ nɔuu kɛ̃ e peeɔ nihi nɛ a po mɛ ɔ a tsɛ; pi ngɛ pomi nɛ a po mɛ ɔ kɛkɛ he, se mohu kaa hemi kɛ yemi nɛ wa tsɛ Abraham hɛɛ mi benɛ a na we nɛ a po lɛ tete ɔ, a hɛɛ jamɛ a hemi kɛ yemi ɔ nɔuu mi.

Mose V, 32:7

“Nyɛ susu blema lokoo ɔ he; nyɛ bi nyɛ nɛmɛ, kɛ nimeli ɔmɛ nɛ a gba nyɛ blema sane.

Kolosebi 2:6

Akɛnɛ nyɛ he Kristo Yesu kaa nyɛ Nyɔmtsɛ ɔ, nyɛɛ ya nɔ nyɛɛ kɛ lɛ nɛ pee kake.

Hebribi 11:2

Hemi kɛ yemi lɛ ha nɛ Mawu ná nihi nɛ hi si blema a a he bua jɔmi.

Hebribi 6:12

Nyɛ ko pee hejɔ; se mohu nihi nɛ he Mawu ye, nɛ a to a tsui si, nɛ lɔ ɔ he a nine su nɔ́ nɛ Mawu wo si ɔ nɔ ɔ, nyɛɛ kase mɛ.

Manyadali 2:17

Se manyadali ɔmɛ po a bui mɛ; nɛ Yawɛ hu a yi lɛ anɔkuale. Mohu ɔ, a ya nyɛɛ mawu kpahi a se, nɛ a ja mɛ; nɛ a je blɔ nɛ a nɛmɛ ɔmɛ nyɛɛ nɔ ɔ nɔ. A nɛmɛ ɔmɛ ye Yawɛ mlaa amɛ a nɔ; se mɛɛ lɛɛ a pee we ja.