Yeremia 6:15 - BAIBLO ALOO NGMAMI KLƆUKLƆU Ɔ

¹⁵ Anɛ zo gbe mɛ benɛ a tsu musu ní nɛ ɔmɛ lo? Dɛbi, zo gbi mɛ fɛɛ; nɔ́ nɛ a tsɛɛ zo po a li. Enɛ ɔ he je ɔ, mɛ hu a ma gbo kɛ piɛ ni nɛmɛ nɛ a maa gbe ɔ a he. Ke i gbla a tue kɛkɛ a nyagbe ji lɔ ɔ nɛ. Imi, Yawɛ lɛ i de.”

Yeremia 6:15 ပူးပေါင်းရင်းမြစ်များ

Yeremia 8:12

Anɛ zo gbe mɛ benɛ a tsu musu ní nɛ ɔmɛ lo? Dɛbi, zo gbi mɛ fɛɛ; nɔ́ nɛ a tsɛɛ ke zo po a li. Enɛ ɔ he je ɔ, mɛ hu a ma gbo kɛ piɛ ni nɛmɛ nɛ a maa gbe ɔ a he. Ke i gbla a tue kɛkɛ a nyagbe ji lɔ ɔ nɛ. Imi, Yawɛ lɛ i de.

Mateo 15:14

Nyɛ ko hao nyɛ he ngɛ a he kulaa! Hɛ yuyuili nɛ ngɛ hɛ yuyuili blɔ tsɔɔe ji mɛ. Ke hɛ yuyuilɔ ngɛ hɛ yuyuilɔ blɔ tsɔɔe ɔ, mɛ ni enyɔ ɔmɛ tsuo a maa nɔ muɔ mi.”

Yeremia 3:3

Enɛ ɔmɛ a he je lɛ a tsi hiɔmi nɛmi nya, nɛ gbo hiɔmi po nɛ ɔ nɛ. O ngɛ kaa yo yaholɔ nɛ e zo tɔ ywia pɛ.

Filipibi 3:19

Kikɛmɛ a nimli nɛ ɔmɛ ɔ, a ma kpata a hɛ mi kɛ maa ya neneene. Ejakaa mɛɛ lɛɛ a muklii ji a mawu nɛ a jaa. A nyaa zo níhi a he, nɛ je mi níhi pɛ a he a susuu.

Zefania 3:5

Se Yawɛ ngɛ ma a mi; lɛɛ dalɔ ji lɛ; e pee we nɔ́ nɛ dɛ. Daa ligbi ɔ, e yeɔ dami sane. Se kɛ ɔ, yayami peeli ɔmɛ yaa nɔ nɛ a peeɔ yayami, nɛ nɔ́ nɛ ɔ pee we mɛ zo.

Mika 7:4

A ti ni kpakpahi, loo ni nɛmɛ nɛ da pe kulaa po, a ngɛ kaa nga kɛkɛ; a he be se nami. Be ɔ nɛ Mawu maa gbla e ma a tue ɔ su ta; haomi kɛ he hiami, kɛ hɛ mi kpatami be ɔ su ta.

Mika 3:6

“Nyɛ ligbi ɔ nya ta, nɛ du miɔ nɛ e ma bu nyɛ. Nyɔ mi ɔ, nyɛ be ní nae hu; ke diblii wo ɔ, nyɛ be klaae hu.” Yawɛ lɛ de.

Hosea 9:7

Be nɛ a maa gbla Israel ma a tue ɔ su. Be ɔ su nɛ a maa wo mɛ hiɔ. Kɛkɛ ɔ, nɔ tsuaa nɔ maa hɛli si! Nyɛ deɔ ke, “Gbalɔ nɛ ɔ biɛ lo! Nyumu ɔ nɛ na mumi ɔ nu godo!” Nyɛ deɔ enɛ ɔ, ejakaa nyɛ he yayami hiɛ babauu; nɛ nyɛ sume mi saasaa.

Ezekiel 24:7

A pue muɔ si ngɛ ma a mi. Pi zugba nɛ muɔ ɔ pue nɛ a maa ngɔ tabo zu kɛ tsi nɔ, se tɛ sa kpataa nɔ.

Ezekiel 2:4

Ma nɛ e mi bi a tue wa, nɛ a bui mi a ngɔ i ngɛ mo tsɔe ɔ nɛ. Yaa de mɛ nɔ́ nɛ imi Nyɔmtsɛ Yawɛ i ngɛ mɛ dee ɔ.

Yeremia 23:12

Blɔhi nɛ a ngɛ nɔ nyɛɛe ɔ, blɔ ɔmɛ a nɔ maa sla, nɛ a maa wo diblii; ma ha nɛ a ma tɛ nɔ, nɛ a maa nɔɔ si. I kɛ haomi maa ba a nɔ; a tue gblami be ɔ su ta. Imi, Yawɛ lɛ i de.

Yeremia 5:29

“Anɛ e sɛ kaa i gblaa a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, e sɛ kaa i gblaa a tue lo?

Yeremia 5:9

Anɛ e sɛ kaa a gblaa a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, e sɛ kaa i gblaa a tue lo?

Yesaya 10:4

Nɔ́ nɛ maa ba nyɛ nɔ ji, nyɛ maa nɔ ngɛ ta mi, aloo a maa nuu nyɛ kɛ ho kaa pamitsɛmɛ. Enɛ ɔ tsuo se ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Yesaya 3:9

A ní peepee yeɔ odase kɛ siɔ mɛ; ejakaa a jeɔ a hɛ mi paa kɛ peeɔ yayami kaa Sodom bi; a kɛ laa we. Musu tloo mɛ! Mɛ nitsɛmɛ nɛ a ye a he awi ɔ nɛ.

Abɛ Womi 29:1

Nɔ nɛ ke a ka e hɛ mi, nɛ e waa tue kɛ mwɔɔ ɔ, e maa ku kɛ pue si tlukaa, nɛ e be hie tsami.

Mose II, 32:34

Moo lɛɛ yaa nɛ o ya kpaka ye ma a kɛ ya he nɛ i de mo ɔ. Ye bɔfo ɔ maa nyɛɛ o hɛ mi. Se be ma nɛ ma wo ma a hiɔ ngɛ a he yayami ɔ he.”

Yeremia 8:9

Zo gbe nyɛ ní leli ɔmɛ; bibi gbe mɛ, nɛ a pa li nɔ́ nɛ nɔ nɛ a ngɛ hu. A kua ye munyu ɔ, lɛɛ mɛni ji ní ɔ nɛ a le ɔ mɔ?

Yeremia 18:23

Se mo Yawɛ! Gahi tsuo nɛ a ngɛ toe kɛ ngɛ ye he woe konɛ a kɛ gbe mi ɔ, o le. Koo ngɔ a he kɛ ke mɛ, nɛ ko je o hɛ ngɛ a ní yayami ɔmɛ a he. Ha nɛ a nɔɔ si ngɛ o hɛ mi, nɛ o kɛ mɛ nɛ ye, be mi nɛ o mi mi fu.”

Yeremia 44:10

Se kɛ ba si mwɔnɛ ligbi nɛ ɔ, nyɛ bɛ nyɛ he si. Nyɛ wui ye hɛ mi nyami, nɛ mlaahi tsuo nɛ i wo nyɛ, kɛ nyɛ nɛmɛ ɔmɛ ɔ, nyɛ yi mlaa amɛ a nɔ.

Ezekiel 13:14

Gbogbo ɔ nɛ nyɛ kpa he kalo ɔ maa ku kɛ pue si butuu; e sisi tomi ɔ tsuo maa je kpo. Ee, e maa ku kɛ pue nyɛ nɔ haa bum! Nɛ nyɛ hɛ mi ma kpata. Lɔ ɔ loko nyɛ maa le kaa imi ji Yawɛ!

Zefania 2:1

Nyɛ ma nɛ zo be nyɛ hɛ mi, nyɛ bua nyɛ he nya nɛ nyɛɛ pee juɛmi,

Zakaria 13:4

Jamɛ a be ɔ, e maa pee gbali tsuo zo kaa nina nɛ maa je kpo ha mɛ ɔ, a ma de, loo kaa a ma tsɛ mɛ gbali tete. A be tade kunyaa woe nɛ a kɛ sisi nihi hu.

Mose I, 19:34

E nɔ jena a, Dede ɔ de e senɔ ɔ ke, “Hiɛ nyɔ mi ɔ, i kɛ tsaatsɛ ya hwɔ. Ha nɛ wa ha lɛ dã ekohu nyɔ nɛ ɔ mi, nɛ mo hu o kɛ lɛ ya hwɔ, konɛ wɔ tsuo waa kɛ wa tsɛ nɛ fɔ, bɔ nɛ pee nɛ weku kpa a se ko po.”

Yeremia 14:15

Lɔ ɔ he ɔ, jamɛ a gbali ɔmɛ nɛ i tsɔ we mɛ, nɛ a kɛ ye biɛ ngɛ munyu tue, nɛ a ngɛ dee ke ta, loo hwɔ be zugba nɛ ɔ nɔ bae ɔ, bɔ nɛ i ngɛ dee ngɛ a he ji, i kɛ ta, kɛ hwɔ ma kpata a hɛ mi.

Hosea 4:5

Nyɛ ma tɛ si nyɔ kɛ pia; nyɛɛ kɛ gbali ɔmɛ tsuo ma tɛ si, nɛ ma kpata nyɛ nyɛ Israel ɔ hɛ mi.