Yeremia 6:13 - BAIBLO ALOO NGMAMI KLƆUKLƆU Ɔ

¹³ Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

Yeremia 6:13 ပူးပေါင်းရင်းမြစ်များ

Yeremia 23:11

Yawɛ ke, “Gbali ɔmɛ, kɛ osɔfo ɔmɛ tsuo li Mawu; nimli yayamihi ji mɛ. I naa mɛ nɛ a ngɛ yayami pee ngɛ ye we ɔ mi tete po.

Yeremia 8:10

Lɔ ɔ he ɔ, ma ngɔ a ngmɔ ɔmɛ kɛ ha ni nɛmɛ nɛ ma ba ye a nɔ ɔ; a yi ɔmɛ hu i kɛ ma ha nyumu kpahi. Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

Mika 3:11

Ma nimeli ɔmɛ heɔ nyɔ mi ní loko a buá sane he; osɔfo ɔmɛ heɔ hiɔwo loko a tsɔɔ mlaa a sisi; gbali ɔmɛ heɔ sika loko a gbaa. Se mɛ tsuo a buɔ Mawu kua pɛɛ nɛ a deɔ ke, “Yawɛ kɛ wɔ ngɛ; nɔ́ ko nɔ ko be wɔ pee!”

Yeremia 22:17

Se moo lɛɛ o susumi pɛ ji bɔ nɛ o maa pee kɛ sisi nihi nɛ o kpɔ a níhi yaka. O pueɔ nihi nɛ pee we nɔ́ ko a muɔ si; o yeɔ o ma a amimi, nɛ o waa mɛ yi mi. Yawɛ lɛ de.

Mika 3:5

Nyɛ lakpa gbali nɛ nyɛ ngɛ ye ma a sisie! Nyɛ nɛ nyɛ gbaa he jɔmi kɛ haa nihi nɛ haa nyɛ ní nɛ nyɛ yeɔ; nɛ nyɛ woɔ ni nɛmɛ nɛ ha we nyɛ nɔ́ ko ɔ a susuma he gbeye! Bɔ nɛ Yawɛ ngɛ nyɛ dee ji nɛ ɔ nɛ,

Yeremia 14:18

Ke i je kpo kɛ ya nga nɔ ɔ, i naa nihi nɛ a gbe mɛ ngɛ ta mi ngɔ pue si. Ke i ya ma amɛ a mi hu i naa nihi nɛ hwɔ gbe mɛ ngɔ pue si. Se gbali ɔmɛ, kɛ osɔfo ɔmɛ lɛɛ kpami kɛkɛ a hii kpae ngɛ zugba nɛ a li nɔ.”

Yeremia 5:31

Gbali ɔmɛ a sɛ gbi ɔ, lakpa sɔuu; nɔ́ nɛ mɛɛ a fa osɔfo ɔmɛ ke a pee ɔ, lɔ ɔ osɔfo ɔmɛ peeɔ. Nɛ ye ma a hu suɔ ja. Se nyagbe ɔ, kɛ a maa pee kɛɛ?”

Yesaya 57:17

Ye mi mi fu mɛ, nɛ i gbla a tue, nɛ i kua mɛ; ejakaa a peeɔ yayami, nɛ a hɛ kɔ̃ɔ̃; se kɛ̃ ɔ, a wa tue, nɛ a ya nɔ pee níhi nɛ mɛ nitsɛmɛ a suɔ.

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.

1 Timoteo 3:3

E ko pee e he dã delɔ; nɛ e ko pee nɔ nɛ hɛ mi jɔɛ, loo nɔ nɛ suɔ pɛ. E ko pee e he sika suɔlɔ.

Luka 16:14

Benɛ Farisi bi ɔmɛ nu ní nɛ ɔmɛ tsuo ɔ, a ye Yesu he fɛu, ejakaa a suɔ sika.

Ezekiel 33:31

Lɔ ɔ he ɔ, ye ma a baa o ngɔ, nɛ a ba hii si ngɛ o hɛ mi nɛ a buɔ munyu ɔmɛ tue, se nɔ́ nɛ o deɔ mɛ ke a pee ɔ, lɔ ɔ lɛɛ a pee we. Á yeɔ nɔ he fɛu, nɛ a se nami he pɛ a susuɔ.

Ezekiel 22:12

Nyɛ ti ni komɛ heɔ nyɔ mi ní nɛ a kɛ pueɔ muɔ si. Ni komɛ paa sika kɛ haa a nyɛmimɛ Israel fɔfɔɛhi, nɛ a heɔ hekpa fuu ngɛ a dɛ kɛ naa a he kpɔtɔɔ. Nɛ a hɛ je ye nɔ.” Nyɔmtsɛ Yawɛ lɛ de.

Kɔmɔ Yemi 4:13

Se e ba mi ja, ejakaa gbali ɔmɛ, kɛ osɔfo ɔmɛ pee yayami; a pue nihi nɛ peeɔ nɔ nɛ da ngɛ ma a mi ɔ a muɔ si.

Yeremia 32:32

ejakaa Yuda ma a, kɛ Yerusalem bi ɔmɛ, a matsɛmɛ ɔmɛ, ma nimeli ɔmɛ, osɔfo ɔmɛ, kɛ gbali ɔmɛ pee yayamihi babauu nɛ a kɛ wo ye mi mi la.

Yeremia 2:26

Yawɛ ke, “Kaa bɔ nɛ ke a nu julɔ nɛ a pueɔ e hɛ mi si ɔ, ja nɔuu lɛ a ma pue nyɛ Israel ma a tsuo, nyɛ matsɛmɛ ɔmɛ, ganɔ ɔmɛ, nyɛ we osɔfo ɔmɛ, kɛ gbali ɔmɛ nyɛ hɛ mi si.

Yeremia 2:8

Osɔfo ɔmɛ bi we ke, ‘Jije Yawɛ ngɛ?’ Imi nitsɛ ye we osɔfohi po li mi. Nɔ yeli ɔmɛ te si kɛ wo mi; gbali ɔmɛ gba ngɛ Baal biɛ mi, nɛ a ya nyɛɛ níhi nɛ a he be se nami a se.

Yesaya 28:7

Gbali ɔmɛ, kɛ osɔfo ɔmɛ pohu tɔɔ dã, nɛ a tataa si. Wai kɛ dã nɛ nya wa fuu tsɔ nɛ a nuu ɔ, haa a hii si tɛe basabasa. Gbali ɔmɛ tɔɔ dã kpɔtɔɔ; lɔ ɔ he ɔ, ninahi nɛ Mawu haa mɛ ɔ, a nui sisi. Osɔfo ɔmɛ hu tɔɔ dã kpɔtɔɔ ja nɔuu; mɛ hu sanehi nɛ a kɛ ba haa mɛ ɔ, a nyɛ we nɛ a hyɛɛ mi.

2 Petro 2:1

Lakpa gbali te si ngɛ ma a mi be ko nɛ be ɔ, nɛ ja nɔuu lakpa tsɔɔli maa te si ngɛ nyɛ hu nyɛ kpɛti. A kɛ lakpa tsɔɔmihi nɛ kpataa nɔ hɛ mi maa ba ngɛ laami mi. Tsɔɔlɔ ɔ nitsɛ nɛ kpɔ mɛ ɔ po a ma kua lɛ, nɛ nɔ́ nɛ ɔ ma ha nɛ a ma kpata mɛ nitsɛmɛ a hɛ mi si kake too.

Yeremia 2:29

Mɛni he je lɛ nyɛ ngɛ ye nya poe ɔ? Nyɛ tsuo pɛpɛɛpɛ nyɛ tsɔ ye hɛ mi atuã!

Yeremia 17:11

Nɔ nɛ náá ní ngɛ blɔ nɛ dɛ nɔ ɔ, e ngɛ kaa bebee nɛ ya bu hlui nɔ nɛ e pɛ bi, nɛ pohu pi lɛ nɛ ngmɛ hlui ɔ. E nihe mi ɔ, e dɛ mi ma ba ta; nɛ e nyagbe be mi ɔ, e ma ba pee kuasia.

Yeremia 27:15

Yawɛ nitsɛ de ke pi lɛ nɛ tsɔ mɛ; pe a ngɔ e biɛ kɛ ngɛ nyɛ sisie kɛkɛ. Lɔ ɔ he ɔ, Yawɛ maa fie nyɛ kɛ je hiɛ ɔ, nɛ nyɛɛ kɛ gbali ɔmɛ tsuo nɛ ngɛ nyɛ lakpa munyu nɛ ɔmɛ tue ɔ, nyɛ hɛ mi ma kpata.”

Yeremia 42:1

Jehanɛ Karea bi Yohanan, Heshaya bi Azaria, kɛ tatsɛmɛ ɔmɛ, kɛ ma a tsuo; nimli wawi kɛ nimli nguahi

Yeremia 23:10

Zugba a nɔ hyi tɔ kɛ nimli nɛ yi Yawɛ anɔkuale. A peeɔ yayami, nɛ a kɛ a he wami tsu we nɔ́ kpakpa. Enɛ ɔ he je ɔ, Mawu gbiɛ zugba a; zugba a bɛ ní hu, nɛ e nɔ pee mɔbɔmɔbɔ.