Yeremia 6:11 - BAIBLO ALOO NGMAMI KLƆUKLƆU Ɔ

¹¹ Yawɛ, enɛ ɔmɛ a he je ɔ, ye mi mi fu mɛ wawɛɛ nitsɛ kaa bɔ nɛ mo hu o mi mi fu mɛ ɔ pɛ; jehanɛ lɛɛ i be nyɛe tsui tomi hu.” Kɛkɛ nɛ Yawɛ de mi ke, “Ngɔɔ ye mi mi fumi ɔ kɛ kple jokuɛwi a nɔ ngɛ gbɛjegbɛ ɔ nɔ; ngɔɔ kɛ kple nihewi a nɔ ngɛ a he nya buami he ɔmɛ. A maa nuu nyumuhi kɛ a yihi kɛ je, nɛ nihi nɛ bwɔ kotokoto po be a he yee.

Yeremia 6:11 ပူးပေါင်းရင်းမြစ်များ

Yeremia 20:9

Se ke i de ke, “I be Yawɛ biɛ ta woe hu, nɛ i be fiɛe ngɛ e biɛ mi hu” ɔ, o sɛ gbi ɔ peeɔ kaa la nɛ ngɛ tsoe ngɛ ye tsui mi, kɛ ye wuhi a mi. I bɔɔ mɔde saminya kaa ma tsi nya, se jehanɛ lɛɛ, i pa nyɛ we hu.

Yeremia 9:21

Gbenɔ kuɔ wa saflɛ ɔmɛ kɛ ba sɛ wa mɔ ɔmɛ a mi, nɛ e kpata wa nihewi ɔmɛ, kɛ wa yihewi ɔmɛ a hɛ mi; jokuɛwi pa fiɛ we ngɛ gbɛjegbɛ ɔmɛ a nɔ hu, nɛ nihewi kɛ yihewi ta jua amɛ a nɔ.

Mika 3:8

Se imi lɛɛ Yawɛ ngɔ e mumi ɔ kɛ wo ye mi tɔ. E ha mi he wami, kɛ dami sane yemi, kɛ kã nɛ ma kɛ jaje Israel ma a he yayami ɔ kɛ tsɔɔ mɛ.

Kpojemi 16:1

Jehanɛ ɔ, i nu gbi ko nɛ ngɛ pɛe gegeege kɛ je sɔlemi we ɔ. Gbi ɔ ngɛ bɔfo kpaago ɔmɛ dee ke, “Wai ɔ nɛ daa si ha Mawu mi mi fumi ɔ nɛ ngɛ kplu kpaago ɔmɛ a mi ɔ, nyɛɛ ya nɛ nyɛ ya plɛ ngɔ pue zugba.”

Ni Tsumi 18:5

Benɛ Sila kɛ Timoteo je Makedonia kɛ ba a, jehanɛ Paulo tsu we nɔ kpa ko hu pe munyu ɔ fiɛmi kɛkɛ; nɛ e yeɔ odase veveeve ngɔ tsɔɔ Yuda bi ɔmɛ kaa Yesu ji Kristo ɔ nɛ.

Ni Tsumi 17:16

Benɛ Paulo ngɛ Atene, nɛ e ngɛ Sila kɛ Timoteo blɔ hyɛe ɔ, e na amaga babauu ngɛ ma a mi, nɛ nɔ́ nɛ ɔ hao lɛ.

Ni Tsumi 4:20

Ejakaa wɔɔ lɛɛ, níhi nɛ wa na, kɛ níhi nɛ wa nu ɔ, wa be nyɛe ma ma wa nya ngɔ to nɔ kaa ja wa de.”

Luka 17:34

I ngɛ nyɛ dee ke, jamɛ a nyɔ ɔ mi ɔ, ni enyɔ maa hwɔ sa kake nɔ; a maa ngɔ nɔ kake kɛ je, nɛ a ma si nɔ kake ngɛ se.

Ezekiel 9:6

Nyɛɛ gbe ni ɔmɛ tsuo: nikɔtɔmahi, nihewi, yihewi, jokuɛwi, bimwɔwi kɛ a nyɛmɛ. Se nɔ tsuaa nɔ nɛ okadi ɔ ngɛ e hɛ nya a lɛɛ nyɛ ko ta e he. Nyɛɛ je sisi kɛ je ye he klɔuklɔu ɔ.” Kɛkɛ nɛ a bɔni ni ɔmɛ gbemi kɛ je ma nimeli ɔmɛ nɛ daa si ngɛ Yawɛ we ɔ hɛ mi ɔ a nɔ.

Ezekiel 3:14

Yawɛ he wami ba ye nɔ wawɛɛ nitsɛ; nɛ benɛ mumi ɔ wo mi kɛ yaa a, e dɔ mi, nɛ ye bua jɔɛ kulaa.

Yeremia 18:21

Se Yawɛ, jehanɛ lɛɛ, ha nɛ a bimɛ ɔmɛ nɛ a gbo kɛ hwɔ; ha nɛ a gbe mɛ ngɛ ta mi. Ha nɛ nyɛmɛ ɔmɛ nɛ a pee yalɔyihi kɛ yosahi; ha nɛ gbenɔ hiɔ nɛ gbe tsɛmɛ ɔmɛ, konɛ nihewi ɔmɛ lɛɛ a gbe mɛ ngɛ ta nga nɔ.

Yeremia 7:20

Lɔ ɔ he ɔ, imi Nyɔmtsɛ Yawɛ, ma plɛ ye mi mi fumi nɛ nya wa kaa la nɛ ngɛ tsoe plamplam nɛ hí gbemi ɔ kɛ pue we nɛ ɔ nɔ. Ye mi mi ma fu nimli, lohwehi, tsohi, kɛ ngmɔ niba ní tsuo.

Yesaya 40:30

Nihewi kpakpataa po gbɔjɔɔ, nɛ pɔ tɔɔ mɛ; nihewi a he wami taa, nɛ a nɔɔ si.

Yeremia 15:6

Nyɛ kua mi; nyɛ plɛ nyɛ se kɛ wo mi. Enɛ ɔ he je ɔ, imi hu i wo ye nine nɔ ngɛ nyɛ nɔ, nɛ i kpata nyɛ hɛ mi. Ejakaa bɔ nɛ i ngɔɔ nyɛ he kɛ kee nyɛ daa nɛ ɔ, pɔ ba tɔ mi jehanɛ.

Yeremia 15:17

I ya piɛ we nihi nɛ ngɛ mle yee ɔ a he; i kɛ mɛ muɛ, nɛ i kɛ mɛ nya we. Se imi nɔ kake too i hi si kaa bɔ nɛ o fa mi ke ma pee ɔ; ejakaa o ha nɛ ye mi mi fu wawɛɛ nitsɛ.

Kɔmɔ Yemi 1:15

“Nyɔmtsɛ ɔ kua ye ta buli katsɛmɛ ɔmɛ. E tsɔ tabo ko kɛ ba nɛ a ba kpata ye nihewi ɔmɛ a hɛ mi. Nyɔmtsɛ ɔ naa Yuda nɛ ngɛ kaa yomiyo ɔ nɔ kaa a ngaa wai ngɛ wai muɔ mi.

Kɔmɔ Yemi 2:21

Jokuɛwi kɛ nikɔtɔmahi tsuo gbo kɛ pueɔ si ngɛ gbɛjegbɛ ɔmɛ a nɔ. He nyɛli ɔmɛ kɛ klaate gbe nihewi, kɛ yihewi. Ligbi ɔ nɛ o mi mi wo la a, o gbe mɛ tsuo basabasa nɛ o nɛ́ mɔbɔ kulaa.

Ezekiel 3:3

E de mi ke, “Nɔmlɔ adesa, yé womi kpo nɛ i ngɔ ha mo nɛ ɔ, nɛ o mi mi nɛ hyi tɔ.” I ye, nɛ e ngɔ ngɛ ye nya mi kaa hwo.

Ezekiel 24:21

ma ngɔ sɛ gbi nɛ ɔ kɛ ha Israel ma a, nɛ ma de mɛ ke, bɔ nɛ imi Nyɔmtsɛ Yawɛ, i de ji nɛ ɔ nɛ: Ma ble ye he klɔuklɔu ɔ, he nɛ nyɛ fĩaa ngɔ fɔɔ nɔ ke nyɛ naa he wami kɛ jeɔ ɔ. We ɔ peeɔ nyɛ fɛu saminya, nɛ nyɛ suɔ kɛ nyɛ tsui tsuo kaa nyɛ maa ya lejɛ ɔ. Ma ha nyɛ bimɛ, yi ɔmɛ kɛ nyumu ɔmɛ tsuo nɛ nyɛ si ngɛ Yerusalem ɔ maa nɔ ngɛ klaate nya.

Yeremia 5:9

Anɛ e sɛ kaa a gblaa a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, e sɛ kaa i gblaa a tue lo?

Yeremia 9:20

I de ke, “Nyɛ yi ɔmɛ, nyɛɛ bu Yawɛ tue, nɛ nyɛɛ ye e munyu ɔmɛ a nɔ. Nyɛɛ tsɔɔ nyɛ biyi ɔmɛ kɔmɔ yemi, kɛ nyɛ huɛmɛ ɔmɛ ya la lami.