Yeremia 52:8 - BAIBLO ALOO NGMAMI KLƆUKLƆU Ɔ

⁸ Babilonia tabo ɔ nyɛɛ Zedekia se, nɛ a ya nu lɛ ngɛ Yeriko nga a nɔ; e ta buli ɔmɛ tsuo gbɛ fĩa kɛ je e he.

Yeremia 52:8 ပူးပေါင်းရင်းမြစ်များ

Yeremia 38:23

Jehanɛ, i de matsɛ ɔ ke, “A ma kpaka o yi ɔmɛ, kɛ o bimɛ ɔmɛ tsuo kɛ ya ha Babilonia bi ɔmɛ, nɛ mo nitsɛ hu o be a dɛ mi jee. Babilonia matsɛ ɔ maa nu mo, nɛ ma nɛ ɔ lɛɛ a maa sã.”

Yeremia 34:21

Yuda matsɛ, Zedekia kɛ e ma nimeli ɔmɛ hu, ma ngɔ mɛ kɛ wo a he nyɛli ɔmɛ, kɛ ni nɛmɛ nɛ ngɛ mɛ hlae nɛ a gbe ɔ a dɛ mi. Ma ngɔ mɛ kɛ wo Babilonia tabo ɔ nɛ jɔɔ nyɛ se nyɛɛmi ɔ a dɛ mi.

Yeremia 32:4

nɛ Yuda matsɛ, Zedekia be e he yee. A maa nu lɛ kɛ ya ha Babilonia matsɛ ɔ; e maa na lɛ hɛ mi kɛ hɛ mi, nɛ e kɛ lɛ maa tu munyu.

Yeremia 21:7

Se mo, Yuda matsɛ, Zedekia! Mo, kɛ o tsɔli ɔmɛ, kɛ nihi tsuo nɛ a yi ma na wami ngɛ ta, kɛ hwɔ, kɛ gbenɔ hiɔ ɔ se ɔ, nyɛɛ lɛɛ ma ngɔ nyɛ kɛ wo Babilonia matsɛ, Nebukadnezar, kɛ nyɛ he nyɛli ɔmɛ nɛ ngɛ nyɛ hlae nɛ a gbe ɔ a dɛ mi. Nebukadnezar ma kpata nyɛ tsuo pɛpɛɛpɛ nyɛ hɛ mi. E be nyɛ ti nɔ ko nɔ ko he ngmɛɛe, nɛ e be nɔ ko nɔ ko mɔbɔ nae. Imi, Yawɛ lɛ i de.”

Yeremia 39:5

Se Babilonia tabo ɔ nyɛɛ a se, nɛ a ya nu Zedekia ngɛ Yeriko nga a nɔ. A ngɔ lɛ kɛ ba ha Matsɛ Nebukadnezar ngɛ Ribla, ngɛ Hamat zugba a nɔ. Nɛ lejɛ ɔ Nebukadnezar kojo lɛ nɛ e bu lɛ fɔ ngɛ.

Yeremia 37:18

Jehanɛ, i bi Matsɛ Zedekia ke, “Mɛni yayami i pee mo, loo o tsɔli ɔmɛ, loo ma nɛ ɔ, loko nyɛ wo mi tsu ɔ?

Yeremia 37:17

Be ko se ɔ, Matsɛ Zedekia tsɔ nɛ a ba ngɔ mi kɛ ba e ngɔ. Nɛ e bi mi ngɛ laami mi zaa ngɛ matsɛ we ɔ mi ke, “Anɛ sɛ gbi ko je Yawɛ ngɔ lo?” I he nɔ ke, “Ee, sɛ gbi ko ba!” I ya nɔ nɛ i de lɛ ke, “A maa ngɔ mo kɛ wo Babilonia matsɛ ɔ dɛ mi.”