Yeremia 52:6 - BAIBLO ALOO NGMAMI KLƆUKLƆU Ɔ

⁶ Nyɔhiɔ nɛ ji eywiɛ ɔ we ligbi nɛ ji nɛɛ ɔ, benɛ hwɔ ɔ nya ba wa, nɛ ma mi bi ɔmɛ na we ní nɛ a ye ɔ,

Yeremia 52:6 ပူးပေါင်းရင်းမြစ်များ

Matsɛmɛ II, 25:3

Nyɔhiɔ nɛ ji eywiɛ ɔ we ligbi nɛ ji nɛɛ ɔ, benɛ hwɔ ɔ nya ba wa nɛ ma mi bi ɔmɛ na we ní nɛ a ye ɔ,

Yesaya 3:1

Bu tue! Nyɔmtsɛ Yawɛ Tabohiatsɛ ɔ be blɔ ngmɛe nɛ nihi nɛ a ba ye bua Yuda ma a, kɛ Yerusalem hu. E ma ha a niye ní, kɛ nyu maa ta.

Yeremia 15:2

Ke a bi mo ke jije a maa ya a, de mɛ ke bɔ nɛ imi Yawɛ, i de ji nɛ ɔ nɛ: Nihi nɛ hiɔ maa gbe ɔ, ha nɛ hiɔ nɛ gbe mɛ! Ni nɛmɛ nɛ maa nɔ ta a, ha nɛ a nɔ ta! Nihi nɛ hwɔ maa gbe ɔ ha nɛ hwɔ nɛ gbe mɛ! Ni nɛmɛ hu nɛ a maa nuu nyɔguɛ ɔ, ha nɛ a nuu mɛ nyɔguɛ kɛ ho!

Yeremia 19:9

Ma ha nɛ he nyɛli ma ba sa ma a yi, nɛ a maa hao ma mi bi ɔmɛ wawɛɛ nitsɛ, hluu kɛ yaa si ni nɛmɛ nɛ ngɛ ma a mi ɔ ma bɔni mɛ nitsɛmɛ a he, kɛ a bimɛ nyumuhi kɛ yihi yemi.”

Yeremia 21:9

Nɔ tsuaa nɔ nɛ maa hi ma nɛ ɔ mi ɔ, e yi maa ta; ta, loo hwɔ, loo gbenɔ hiɔ maa gbe lɛ. Se nɔ tsuaa nɔ nɛ maa je ma a mi kɛ ya Babilonia bi nɛ ba sa ma a yi ɔ a ngɔ, nɛ e ma ya nu a nane ɔ, e yi ma na wami; nɛ e maa ya we mi hɛ ngmengmle.

Yeremia 25:10

Ma ha nɛ nyami, kɛ bua jɔmi, kɛ ayɛflo he ní peemi hoo ɔ se maa po. A be nu nae kɛ wo a kane ɔmɛ a mi hu, nɛ blɛfo maa ta.

Yeremia 37:21

Kɛkɛ nɛ Matsɛ Zedekia fa, nɛ a ya wo mi tsu ngɛ matsɛ we ɔ kue ɔ mi. Daa ligbi ɔ a jeɔ abolo sali ɔmɛ a hi he ɔ, ba haa mi abolo bɔbɔɛ kake. Nɔ́ nɛ ɔ ya nɔ hluu kɛ ya si abolo ta ma a mi tsuo.

Yeremia 38:9

“Nɛnɛ, nɔ́ nɛ nimli nɛ ɔmɛ pee nɛ ɔ dɛ. Vu ɔ mi nɛ a ngɔ gbalɔ Yeremia ya wo nɛ ɔ, hwɔ maa gbe lɛ ngɛ lejɛ ɔ; ejakaa niye ní ta ma a mi.”

Yeremia 39:2

Benɛ Zedekia ye jeha nyɔngma kɛ kake ngɛ sɛ ɔ nɔ ɔ, jamɛ a jeha a we nyɔhiɔ eywiɛne ɔ we ligbi nɛ ji nɛɛ ɔ, a ywia Yerusalem gbogbo ɔ nɛ a je puɔ ngɛ mi.

Kɔmɔ Yemi 1:11

E we bi ɔmɛ ngɛ kɛmɛe kɛ ngɛ nɔ́ ko hlae nɛ a ye. A ngɔ a juetli ɔmɛ kɛ tsake niye ní, konɛ a yi nɛ na wami. Ma a ngɛ kue fae ke, “Yawɛ, moo hyɛ nɛ o na mi mɔbɔ, ejakaa ye he guɛ gbo!”

Kɔmɔ Yemi 5:10

Hwɔ nɛ nya wa ha nɛ wa he womi kota kaa nɔ́ nɛ flɔɔnɔɔ la nɛ sã wɔ.

Ezekiel 14:13

“Nɔmlɔ adesa, ke ma ko pee yayami, nɛ e yi mi anɔkuale ɔ, tue gblami nɛ e ma na ji, ma ha nɛ e niye ní se maa po, nɛ hwɔ maa ba ma a nɔ; nimlihi kɛ lohwehi tsuo a hɛ mi ma kpata.

Ezekiel 14:21

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Ma ha tue gblami nɛ nya wa eywiɛ nɛ ɔmɛ maa ba Yerusalem nɔ: ta, hwɔ, lohwe awi yeli, kɛ gbenɔ hiɔ. Nimlihi, kɛ lohwehi tsuo a hɛ mi ma kpata ngɛ lejɛ ɔ.

Ezekiel 31:1

Benɛ a nuu wɔ kɛ ho ma se ya a, jeha nyɔngma kɛ kakene ɔ we nyɔhiɔ etɛ ɔ we kekleekle ligbi ɔ, Yawɛ kɛ mi tu munyu.

Ezekiel 5:16

Ma ha nɛ nyɛ niye ní se maa po kulaa. Hwɔ maa ye nyɛ, nɛ nyɛ maa nu hwɔ ɔ he wawɛɛ kaa nɔ́ nɛ kɛ̃ɛ̃ mi bihi kɛ a nya duɔ nɛ i ngɔ kɛ ngɛ nyɛ hɛ mi kpatae.

Ezekiel 7:15

A maa hia klaate kɛ nyɛɛ gbɛjegbɛ ɔmɛ a nɔ; nɛ gbenɔ hiɔ maa ba we ɔmɛ a mi. Nɔ nɛ ngɛ ta nga nɔ ɔ maa nɔ ngɛ ta a nya; nɔ nɛ ngɛ ma a mi ɔ, gbenɔ hiɔ, loo hwɔ ma kpata e hɛ mi.

Mose III, 26:26

Ma ha nɛ nyɛ niye ní se maa po kulaa. Niye ní he maa hia bɔ nɛ abolo tsuo nɛ nyɛ maa ye ɔ, yihi nyɔngma pɛ maa sã ngɛ flɔɔnɔɔ kake mi. A maa ngmɛ abolo ɔ ngɛ sɛni tɛ nɔ ha nyɛ, nɛ ke nyɛ ye ɔ nyɛ be tɔe.

Zakaria 8:19

“Nyɔhiɔ eywiɛne, enuɔne, kpaagone, kɛ nyɔngmane ɔ nɛ nyɛ haa hwɔ ngɛ a mi ɔ, a ma ba pee bua jɔmi, ní yemi kɛ nyami be ha Yuda ma a. Enɛ ɔ he ɔ, nyɛɛ suɔ anɔkuale, kɛ tue mi jɔmi.”

Mose V, 32:24

Hwɔ kɛ aslã maa gbe mɛ, nɛ hiɔhi nɛ ngɛ gbeyegbeye ma kpata a hɛ mi. Ma ha nga mi lohwe awi yeli ma ba tua mɛ, nɛ sinɔ duɔtsɛmɛ maa kɔɔ mɛ.