Yeremia 52:4 - BAIBLO ALOO NGMAMI KLƆUKLƆU Ɔ

⁴ Enɛ ɔ he je ɔ, Zedekia yi nɔ jeha nɛ ji nɛɛ ɔ, nyɔhiɔ nɛ ji nyɔngma a we ligbi nɛ ji nyɔngma a nɔ ɔ, Babilonia matsɛ, Nebukadnezar kɛ e tabo ɔ tsuo ba tua Yerusalem. A sa ma a yi, nɛ a fia kpokuhi kɛ bɔle ma a kɛ kpe.

Yeremia 52:4 ပူးပေါင်းရင်းမြစ်များ

Yesaya 29:3

Mawu ma ba tua ma a, nɛ e ma sa ma a yi; a maa fia kpoku gojogojoohi kɛ wo e he ka.

Yeremia 21:2

“Babilonia matsɛ, Nebukadnezar ba tua wɔ. Lɔ ɔ he ɔ, i kpa mo pɛɛ nɛ o bi Yawɛ ga womi ha wɔ kaa alini Yawɛ ma tsu nyakpɛ ni ha wɔ, nɛ e ma ha nɛ Nebukadnezar maa kpale e se lo.”

Yeremia 32:24

“Babilonia bi ɔmɛ fia kpoku kɛ wo ma a he konɛ a ngɔ ma a; amlɔ nɛ ɔ, a tua ma a. Ta, hwɔ, kɛ gbenɔ hiɔ ma ha nɛ a maa ngɔ ma a. O maa na kaa níhi nɛ o de ɔ tsuo ba mi.

Yeremia 34:1

Benɛ Babilonia matsɛ, Nebukadnezar kɛ e tabo ɔ, kɛ je mahi tsuo nɛ ngɛ e sisi ɔ ba tua Yerusalem kɛ mahi nɛ bɔle Yerusalem ɔ, i ná sɛ gbi kɛ je Yawɛ ngɔ.

Yeremia 39:1

Yuda matsɛ, Zedekia yi nɔ jeha nɛɛne ɔ we nyɔhiɔ nɛ ji nyɔngma a mi ɔ, Babilonia matsɛ, Nebukadnezar ngɔ e tabo ɔ tsuo kɛ ba Yerusalem, nɛ e ba sa ma a yi.

Yeremia 4:17

A ma sá Yerusalem ma a yi kɛ kpe kaa bɔ nɛ buli buɔ zugba he ɔ; ejakaa ma mi bi ɔmɛ tsɔ Yawɛ hɛ mi atuã. Yawɛ lɛ de.

Yeremia 52:7

a hule gbogbo ɔ nɛ a fia kɛ wo ma a he ɔ. Jamɛ a be ɔ mi ɔ, Babilonia bi ɔmɛ bɔle ma a kɛ kpe mohu, se matsɛ ɔ, kɛ ta buli ɔmɛ tsuo tu fo nyɔ ɔ mi. A gu matsɛ abɔɔ ɔ mi kɛ ya be ngɛ agbo ɔ nɛ ngɛ gbogbo enyɔ ɔmɛ a kpɛti ɔ mi, nɛ a ngɔ a yi ngɔ ka Yordan kɔ̃ ɔ mi blɔ.

Ezekiel 21:22

Kɛ̃ɛ̃ nɛ e hɛɛ ngɛ e hiɔ nine mi ɔ maa tsɔɔ Yerusalem. E maa tsɔɔ lɛ kaa e ya fia gbogbo kumi kpoku kɛ wo ma a he; e kpa ngmlaa nɛ e he ose wawɛɛ; e ngɔ gbogbo kumi níhi kɛ to agbo ɔmɛ a nya; e fia kpokuhi, nɛ e ma mɔhi.

Ezekiel 21:27

Ma doku, ma doku oo, ma doku! Ma pee ma a ma doku! Se nɔ́ nɛ ɔ be mi bae kɛ yaa si nɔ nɛ e sa kaa e tsuɔ nɔ́ nɛ ɔ maa ba; nɛ ma ngɔ ma a kɛ wo e dɛ mi.

Ezekiel 26:8

Nihi nɛ ngɛ o ma amɛ a mi ngɛ nga a nɔ ɔ, ma kpata a hɛ mi. Ma ha o he nyɛlɔ ɔ maa tsua muɔ kɛ bɔle mo; e maa fia kpoku kɛ wo o he, nɛ e kɛ tsɛ̃i maa ma si kaa gbogbo kɛ bɔle mo.

Ezekiel 33:21

Benɛ a nuu wɔ kɛ ho ma se ya a, jeha nyɔngma kɛ enyɔne ɔ we nyɔhiɔ nyɔngmane ɔ we ligbi enuɔne ɔ, nyumu ko nɛ tu fo kɛ je Yerusalem, ba bɔ mi amaniɛ ke he nyɛli ba ywia Yerusalem ma a.

Ezekiel 40:1

Benɛ a nuu wɔ kɛ ho ma se ya a we jeha nyingmi enyɔ kɛ enuɔne ɔ ji jeha nyɔngma kɛ eywiɛ pɛpɛɛpɛ nɛ a kpata Yerusalem ma a hɛ mi. Jeha he ɔ we ligbi nyɔngma a, Yawɛ he wami ba ye nɔ wawɛɛ, nɛ e ngɔ mi kɛ je.

Mose III, 26:25

Ma ha ta ma ba tua nyɛ; ma ngɔ ta a kɛ gbla nyɛ tue. Ke nyɛ bua nyɛ he nya kɛ laa nyɛ he ngɛ ma amɛ a mi ɔ, ma ha hiɔ nɛ be tsa ba maa sɛ nyɛ kpɛti; ma ngɔ nyɛ ngɔ wo nyɛ he nyɛli ɔmɛ a dɛ mi.

Zakaria 8:19

“Nyɔhiɔ eywiɛne, enuɔne, kpaagone, kɛ nyɔngmane ɔ nɛ nyɛ haa hwɔ ngɛ a mi ɔ, a ma ba pee bua jɔmi, ní yemi kɛ nyami be ha Yuda ma a. Enɛ ɔ he ɔ, nyɛɛ suɔ anɔkuale, kɛ tue mi jɔmi.”

Luka 19:43

Be ma nɛ o he nyɛli ɔmɛ ma sa o yi kɛ kpe; a maa tsi blɔhi tsuo ngɛ ma a mi, nɛ a ma tua mo kɛ je he slɔɔtohi.

Luka 21:20

“Ke nyɛ na nɛ he nyɛli ba sa Yerusalem ma a yi ɔ, kɛkɛ nyɛ maa le kaa ma a hɛ mi kpatami be ɔ su ta.