Yeremia 52:3 - BAIBLO ALOO NGMAMI KLƆUKLƆU Ɔ

³ Yawɛ mi mi fu Yuda ma a, kɛ nihi nɛ ngɛ Yerusalem ɔ wawɛɛ nitsɛ kɛ ya si e je e hɛ ngɛ a nɔ. Zedekia tsɔ atuã kɛ wo Babilonia matsɛ, Nebukadnezar.

Yeremia 52:3 ပူးပေါင်းရင်းမြစ်များ

Yesaya 3:1

Bu tue! Nyɔmtsɛ Yawɛ Tabohiatsɛ ɔ be blɔ ngmɛe nɛ nihi nɛ a ba ye bua Yuda ma a, kɛ Yerusalem hu. E ma ha a niye ní, kɛ nyu maa ta.

Kronika II, 36:13

Babilonia matsɛ, Nebukadnezar nɛ ha Zedekia kɛ Mawu biɛ ka lɛ kita ke e maa bu lɛ ɔ, lɛ hu Zedekia tsɔ atuã kɛ wo lɛ. Zedekia wa tue; e tsakee we e tsui, nɛ e kpale we kɛ ba nyɛɛ Yawɛ, Israel Mawu ɔ se.

Yesaya 19:4

Ma ngɔ Egipt bi ɔmɛ ngɔ wo matsɛ yiwutsotsɛ ko dɛ mi; e maa ye a nɔ, nɛ a ma tsu ní kpakpataa ha lɛ. Imi, Nyɔmtsɛ Yawɛ Tabohiatsɛ ɔ lɛ i de.”

Fiɛlɔ 10:16

Ma nɛ jokuɛyo ngɛ a nɔ matsɛ yee, nɛ ganɔ ɔmɛ yeɔ ní, nɛ a nuɔ ní kpɔtɔɔ daa mɔtu ɔ, musu tloo mɛ.

Abɛ Womi 28:2

Ma nɛ peeɔ yayami ɔ, pe a hii ma nɔ yeli ɔmɛ tsakee nɔtonɔto kpamisa. Se ma nɛ ní leli, kɛ nɔ́ sisi nuli hiɛ ngɛ mi ɔ, e maa si kpɛii.

Matsɛmɛ I, 10:9

Yawɛ, o Mawu ɔ nɛ ná o he bua jɔmi, nɛ e wo mo Israel nɔ matsɛ ɔ, a je e yi. Akɛnɛ suɔmi nɛ Yawɛ suɔ Israel ɔ ngɛ kɛ yaa neneene he je ɔ, e wo mo tsɛ, konɛ o kojo, nɛ o ye dami sane.”

Samuel II, 24:1

Yawɛ mi mi fu Israel ekohu, nɛ e ha David kɛ haomi ba ma a nɔ. Yawɛ de lɛ ke, “Yaa nɛ o ya kane Israel kɛ Yuda!”

Mose I, 4:14

Mwɔnɛ ɔ, o fie mi kɛ je zugba a nɔ, nɛ i be o hɛ mi bae hu. Ma bɔ kó, nɛ ma wo lalaalo ngɛ je ɔ mi; nɛ nɔ tsuaa nɔ nɛ maa na mi ɔ maa gbe mi.”

Mose I, 4:16

Enɛ ɔ se ɔ, Kain je Yawɛ hɛ mi nɛ e ya hi Nod zugba a nɔ, ngɛ Eden beleku je.

Matsɛmɛ II, 24:20

Yawɛ mi mi fu Yuda ma a, kɛ nihi nɛ ngɛ Yerusalem ɔ wawɛɛ nitsɛ kɛ ya si e je e hɛ ngɛ a nɔ.

Yeremia 7:15

Ma fie nyɛ kɛ je hiɛ ɔ kaa bɔ nɛ i fie nyɛ nyɛmimɛ ɔmɛ tsuo, nɛ ji Efraim nina a. Imi, Yawɛ lɛ i de.”

Yeremia 15:1

Kɛkɛ nɛ Yawɛ de mi ke, “Ke Mose kɛ Samuel ba da ye hɛ mi nɛ a fa kue ha mi tete po, i be nimli nɛ ɔmɛ mɔbɔ nae. Fie mɛ kɛ je ye hɛ mi hiɛmɛ nɛ ɔ nɛ a ho.

Matsɛmɛ II, 17:18

Enɛ ɔ he je ɔ, Yawɛ mi mi fu Israel wawɛɛ nitsɛ, nɛ e je e hɛ ngɛ mɛ tsuo pɛpɛɛpɛ a nɔ, ja Yuda wɛtso ɔ pɛ.

Matsɛmɛ II, 17:20

Yawɛ kua Israel nina amɛ tsuo. E ha nɛ a na amanehlu, nɛ e ngɔ mɛ kɛ wo ní hali a dɛ mi kɛ ya si e je e hɛ ngɛ a nɔ kulaa.

Matsɛmɛ II, 17:23

kɛ ya si Yawɛ je e hɛ ngɛ a he kaa bɔ nɛ e de to kɛ gu e tsɔli gbali ɔmɛ a nɔ ɔ. Lɔ ɔ he ɔ, a ngɔ Israel bi ɔmɛ nyɔguɛ kɛ je mɛ nitsɛmɛ a zugba a nɔ kɛ ho Asiria ya; nɛ a ngɛ lejɛ ɔ kɛ ba si mwɔnɛ ɔ.

Ezra 4:15

Ha nɛ a hyɛ o nɛmɛ ɔmɛ a yi nɔ sanehi womi ɔmɛ a mi fitsofitso. Ke o pee ja a, o maa na kaa ma nɛ ɔ, kɛ je blema a, atuã pɛ a tsɔɔ; a nɔ yemi yee. A matsɛmɛ, kɛ nihi nɛ yeɔ kpokpa amɛ a nɔ ɔ, a dooɔ a nya. Enɛ ɔ he je nɛ a kpata ma a hɛ mi ɔ nɛ.

Yesaya 36:5

E bi lɛ ke, “Anɛ o susuu kaa nya puu peemi ji ga kɛ he wami nɛ a kɛ hwuɔ ta lo? Mɛnɔ nɔ po o ngɔ o hɛ kɛ fɔ loko o tsɔ ye hɛ mi atuã a?