Yeremia 52:28 - BAIBLO ALOO NGMAMI KLƆUKLƆU Ɔ

²⁸ Nihi tsuo nɛ Nebukadnezar ngɔ nyɔguɛ kɛ ho ɔ, a hiɛmi ji nɛ ɔ nɛ: benɛ e ye jeha kpaago ngɛ matsɛ sɛ ɔ nɔ ɔ, e ngɔ Yuda bi 3,023 kɛ ho;

Yeremia 52:28 ပူးပေါင်းရင်းမြစ်များ

Kronika II, 36:20

Ni nɛmɛ nɛ a yi na wami ɔ, e muɔ mɛ kɛ ho Babilonia ya, nɛ a ya sɔmɔ lɛ, kɛ e nina hluu kɛ ya si be nɛ a to Persia matsɛ yemi ɔ sisi.

Ezra 2:1

Nihi nɛ a nuu kɛ ho ma se ya a babauu kpale kɛ je Babilon kɛ ba Yerusalem kɛ Yuda; nɔ tsuaa nɔ ho lɛ nitsɛ e ma mi ya. A weku li lɛɛ kɛ je be nɛ Matsɛ Nebukadnezer ba nuu mɛ kɛ ho Babilonia ya a, a tlɔ lejɛ ɔ.

Nehemia 7:6

Nihi nɛ Matsɛ Nebukadnezar nuu kɛ ho Babilonia ya a, a kpɛti ni komɛ kpale kɛ ba Yerusalem kɛ Yuda; nɛ nɔ tsuaa nɔ ho lɛ nitsɛ e ma mi ya.

Yeremia 52:29

benɛ e ye jeha nyɔngma kɛ kpaanyɔ ngɛ matsɛ sɛ ɔ nɔ ɔ, e ngɔ nihi 832 kɛ je Yerusalem kɛ ho;

Ezekiel 12:11

De mɛ ke nɔ́ nɛ i pee nɛ ɔ, e ji okadi nɛ tsɔɔ nɔ́ nɛ maa ba a nɔ. A maa pee nihi nɛ do ma, nihi nɛ a nuu mɛ nyɔguɛ.

Yeremia 13:19

A sa Yuda leneyi je ma amɛ a yi; nɔ ko nɔ ko be nɛ maa je ngmlaa ha mɛ. A nuu Yuda bi ɔmɛ tsuo nyɔguɛ kɛ ho.”

Kɔmɔ Yemi 1:5

E he nyɛli ɔmɛ ye kunimi; a nine su e nɔ jehanɛ. Yawɛ lɛ ha nɛ e ngɛ nɔ́ nae ngɛ yayami babauu nɛ e pee ɔ he. E he nyɛli ɔmɛ nuu e bimɛ ɔmɛ nyɔguɛ kɛ ho.