Yeremia 52:24 - BAIBLO ALOO NGMAMI KLƆUKLƆU Ɔ

²⁴ Nebuzaradan, tatsɛ ɔ ngɔ osɔfo nɔkɔtɔma Seraya e se yelɔ, osɔfo Zefania, kɛ Yawɛ we buli etɛ ɔmɛ hu nyɔguɛ.

Yeremia 52:24 ပူးပေါင်းရင်းမြစ်များ

Matsɛmɛ II, 25:18

Tatsɛ ɔ ngɔ osɔfo nɔkɔtɔma Seraya kɛ e setsɔ, nɛ ji osɔfo Zefania, kɛ Yawɛ we ɔ buli etɛ ɔmɛ hu nyɔguɛ.

Yeremia 37:3

Matsɛ Zedekia tsɔ Yehukal, Shelemia bi ɔ, kɛ osɔfo Zefania, Maaseya bi ɔ kɛ ba ye ngɔ ke a ba de mi nɛ ma kpa Yawɛ, wa Mawu ɔ pɛɛ ha wa ma a.

Yeremia 35:4

I ngɔ mɛ kɛ ba Yawɛ we ɔ, nɛ i kɛ mɛ ba wo gbalɔ Hanan, Igdalia bi ɔ se nyɛɛli ɔmɛ a tsu ɔ mi. Tsu nɛ ɔ ngɛ ma nimeli ɔmɛ a tsu ɔ kasa nya, ngɛ Shalum bi Maaseya tsu ɔ yiti je. Maaseya ji agbo nya bulɔ.

Yeremia 21:1

Yuda matsɛ, Zedekia tsɔ Pashur, Malkia binyumu ɔ, kɛ osɔfo Zefania, Maaseya binyumu ɔ kɛ ba ye ngɔ kɛ sɛ gbi nɛ ɔ ke,

Kronika I, 6:14

Seraya, kɛ Yehozadak.

Yeremia 52:15

Nihi nɛ piɛ ngɛ ma a mi, ni nɛmɛ nɛ ku nigii kɛ ho Babilonia matsɛ ɔ ngɔ ya, kɛ ga ní tsuli nɛ piɛ ɔ, Nebuzaradan ngɔ mɛ tsuo kɛ ho Babilonia ya.

Yeremia 29:29

Osɔfo Zefania kane womi nɛ ɔ ngɔ tsɔɔ mi.

Ezra 7:1

Ní nɛ ɔmɛ a se benɛ Artaherhes ngɛ tsɛ yee ngɛ Persia zugba a nɔ ɔ, nyumu ko ba hi si. E biɛ ji Ezra. E tsɔɔ e weku kpa hluu kɛ ya pi osɔfo nɔkɔtɔma Aaron kikɛ nɛ ɔ: Ezra tsɛ ji Seraya, Seraya tsɛ ji Azaria, Azaria tsɛ ji Hilkia.

Yeremia 52:12

Babilonia matsɛ, Nebukadnezar yi nɔ jeha nyɔngma kɛ nɛɛ ɔ mi, nyɔhiɔ nɛ ji enuɔ ɔ we ligbi nɛ ji nyɔngma a nɔ ɔ, Nebukadnezar tatsɛ, kɛ tsɔlɔ nɛ a tsɛɛ lɛ Nebuzaradan ɔ ya Yerusalem.

La 84:10

Ligbi kake nɛ nɔ ko maa ye ngɛ o we ɔ hi pe ligbi akpe nɛ e maa ye ngɛ he kpa ko. Ma suɔ nɛ ma pee agbo nya bulɔ ngɛ ye Mawu ɔ we ɔ mohu, pe kaa ma hi yayami peeli a we mi.

Matsɛmɛ II, 23:4

Enɛ ɔ se ɔ, Matsɛ Yosia fa osɔfo nɔkɔtɔma pe kulaa Hilkia, kɛ osɔfo wawi ɔmɛ, kɛ Yawɛ we ɔ agbo nya buli ɔmɛ ke a ya je níhi tsuo nɛ a kɛ jaa Baal, kɛ yo mawu Ashera, kɛ dodoehi ngɛ Yawɛ we ɔ kɛ ba. Matsɛ ɔ ya sã ní nɛ ɔmɛ tsuo ngɛ Yerusalem ma a nya ngɛ Kidron kɔ̃ ɔ kasa nya, nɛ e ha a muɔ la zu ɔ kɛ ho Betel ya.

Yeremia 34:21

Yuda matsɛ, Zedekia kɛ e ma nimeli ɔmɛ hu, ma ngɔ mɛ kɛ wo a he nyɛli ɔmɛ, kɛ ni nɛmɛ nɛ ngɛ mɛ hlae nɛ a gbe ɔ a dɛ mi. Ma ngɔ mɛ kɛ wo Babilonia tabo ɔ nɛ jɔɔ nyɛ se nyɛɛmi ɔ a dɛ mi.

Kɔmɔ Yemi 4:16

Yawɛ hyɛ we a nɔ hu. Yawɛ nitsɛ nɛ e gbɛ mɛ ngɔ fĩa. E pee we osɔfo ɔmɛ a he akɔtaa hu, nɛ wa ma nimeli ɔmɛ hu, e nɛ mɛ mɔbɔ.

Ezekiel 11:7

“Lɔ ɔ he ɔ, bɔ nɛ imi Nyɔmtsɛ Yawɛ, i ngɛ nyɛ dee ji nɛ ɔ nɛ. Niinɛ, dade kutu agbo ji ma nɛ ɔ; se lo ɔ nɛɛ? Nihi nɛ nyɛ gbe ngɔ pue ma a mi gbɛjegbɛ ɔmɛ a nɔ ɔ, mɛ ji lo ɔ nɛ! Nyɛ be hiɛmɛ nɛ ɔ hie hu; ma ha a ma je nyɛ kɛ je ma a mi!

Ezekiel 24:5

Gbee to nɛ hi pe kulaa, ngɔɔ e lo ɔ tsuo kɛ wo buɛ ɔ mi; moo to lɛ́ kɛ wo sisi. Ha nɛ e fia nɛ e be saminya; wu ɔmɛ tete po, a be ngɛ buɛ ɔ mi.”

Ezekiel 34:10

Imi Nyɔmtsɛ Yawɛ, i ke i kɛ nyɛ ná. Ma kpɔ ye to ɔmɛ ngɛ nyɛ dɛ. I be hae nɛ nyɛɛ lɛ nyɛ nitsɛmɛ nyɛ he hu. Ma kpɔ ye to ɔmɛ kɛ je nyɛ dɛ; kɛkɛ ɔ, nyɛ be mɛ nae maa ye hu.

Yeremia 20:4

Yawɛ nitsɛ ke, ‘Ma ha o ma plɛ pee bubui ha mo nitsɛ o he, kɛ o huɛmɛ ɔmɛ tsuo. He nyɛli maa gbe o huɛmɛ ɔmɛ ngɔ pue si kɛ klaate, nɛ o maa na paa kɛ o hɛngmɛ. Ma ngɔ Yuda bi ɔmɛ tsuo ngɔ wo Babilonia matsɛ ɔ dɛ; e maa nuu ni komɛ nyɔguɛ kɛ ho e ma mi ya, nɛ e ma ya gbe mɛ ngɛ lejɛ ɔ.