Yeremia 52:20 - BAIBLO ALOO NGMAMI KLƆUKLƆU Ɔ

²⁰ Akɔblee níhi nɛ Matsɛ Salomo pee kɛ wo Yawɛ we ɔ nɛ ji titima enyɔ ɔmɛ, nyu nɔ́ agbo ɔ, kɛ na ku nyɔngma kɛ enyɔ ɔmɛ nɛ nyu nɔ́ ɔ maa si ngɛ a nɔ ɔ, kɛ a sisi daka amɛ lɛɛ a nyɛ we nɛ a ngmɛ, ejakaa a jiɔ tsɔ.

Yeremia 52:20 ပူးပေါင်းရင်းမြစ်များ

Matsɛmɛ I, 7:47

Salomo ha we nɛ a ngmɛ akɔblee ní ɔmɛ nɛ a pee ɔ, ejakaa a hiɛ tsɔ; lɔ ɔ he ɔ, nɔ ko nɔ ko li akɔblee ɔ nya.

Matsɛmɛ II, 25:16

Akɔblee níhi nɛ Matsɛ Salomo pee kɛ wo Yawɛ we ɔ mi, nɛ ji titima enyɔ ɔmɛ, kɛ nyu nɔ́ agbo ɔ kɛ e sisi daka amɛ lɛɛ a nyɛ we nɛ a ngmɛ, ejakaa akɔblee ɔ jiɔ tsɔ.

Kronika II, 4:18

Ní ɔmɛ nɛ a pee ɔ hiɛ babauu nitsɛ nɛ nɔ ko li akɔblee nɛ a kɛ pee mɛ ɔ nya.

Kronika I, 22:14

I gbo dengme bua ní nɛ ɔmɛ a nya kɛ to, konɛ a kɛ po Yawɛ we ɔ: sika tsu nɛ jiɔmi ji tɔn akpe etɛ kɛ lafa eywiɛ, sika hiɔ nɛ jiɔmi ji tɔn akpe nyingmi etɛ kɛ eywiɛ, akɔblee kɛ dade babauu nɛ a li nya, tso, kɛ tɛ. Bɔɔ mɔde nɛ mo hu o na eko kɛ piɛ he.

Matsɛmɛ I, 7:25

Nyu nɔ́ ɔ maa si ngɛ akɔblee na nyɔngma kɛ enyɔ a nɔ; etɛ plɛ a hɛ mi ngɔ kpee omleyi je; etɛ plɛ a hɛ mi ngɔ kpee bonyoku je; etɛ plɛ a hɛ mi ngɔ kpee leneyi je, nɛ etɛ hu plɛ a hɛ mi ngɔ kpee beleku je. Mɛ tsuo a plɛ a se ngɔ wo nyu nɔ́ ɔ.

Yeremia 52:17

Babilonia bi ɔmɛ ywia akɔblee titima amɛ nɛ ngɛ Yawɛ we ɔ, kɛ akɔblee nyu nɔ́ agbo ɔ kɛ e sisi daka amɛ; nɛ a muɔ akɔblee ɔ tsuo kɛ ho Babilon ya.