Yeremia 52:18 - BAIBLO ALOO NGMAMI KLƆUKLƆU Ɔ

¹⁸ A muɔ buɛ ɔmɛ, sofi ɔmɛ, la gbemi ní ɔmɛ, tsopa kɛ e he via kã amɛ, kɛ akɔblee ní ɔmɛ nɛ a kɛ sɔmɔɔ ngɛ Yawɛ we ɔ hulɔ kɛ ho.

Yeremia 52:18 ပူးပေါင်းရင်းမြစ်များ

Mose IV, 4:14

Jehanɛ, a ngɔ ní ɔmɛ tsuo nɛ a kɛ sɔmɔɔ ngɛ lejɛ ɔ kɛ ma nɔ: ngɛyuhi, sofihi, gbowehi, kɛ kahi. Lɔ ɔ se ɔ, a ngɔ apletsi he womi nɛ a je blɔ pee kɛ ha he, loko a ngɔ tsohi nɛ a kɛ maa hɛɛ lɛ ɔ kɛ hɔɔ a blɔ hehi.

Mose II, 27:3

Moo pee e he ngɛyuhi nɛ a kɛ muɔ la zu, sofihi, kahi, gbowehi, kɛ la jemi ngɛyuhi. Ngɔɔ akɔblee kɛ pee ní nɛ ɔmɛ tsuo.

Matsɛmɛ I, 7:40

Jehanɛ, Huram pee buɛhi, sofihi, kɛ kãhi. Yawɛ we ɔ he ní tsumi nɛ Matsɛ Salomo ha lɛ tsumi ɔ, e gbe lɛ tsuo nya. Níhi nɛ e pee ɔ ji nɛ ɔmɛ nɛ: Akɔblee titima enyɔ. Akɔblee kpɔ enyɔ nɛ ma titima amɛ a yi mi. Ya enyɔ nɛ a lo, kɛ mɔmɔ jlasi nɛ a pee kaa kɔsɔkɔsɔ ngɔ ma titima enyɔ ɔmɛ a yi mi. Akɔblee kpɔ kokloohi kaa tso yiblii lafa eywiɛ nɛ a pee ngɔ wo gbaka enyɔɔnyɔ a mi kɛ bɔle kpɔ ɔmɛ. Tlɔɔke nyɔngma. Kã nyɔngma. Nyu nɔ́. Akɔblee na ku nyɔngma kɛ enyɔ nɛ nyu nɔ́ ɔ maa si ngɛ a nɔ. Buɛ ɔmɛ, sofi ɔmɛ, kɛ kã amɛ. Yawɛ we ɔ he ní nɛ ɔmɛ tsuo nɛ Huram pee ha Matsɛ Salomo ɔ, akɔblee nɛ a sa he a kɛ pee.

Kronika II, 4:22

la gbemi ní ɔmɛ, kã amɛ, ngɛyu ɔmɛ nɛ a kɛ tsopa kɛ e he via woɔ a mi ɔ, kɛ ngɛyu ɔmɛ nɛ a kɛ jeɔ la a. A kɛ sika tsu ngmingmiingmi pee ní nɛ ɔmɛ tsuo. A kɛ sika tsu ha Yawɛ we ɔ kpo nɔ je sinya amɛ, kɛ he klɔuklɔu pe kulaa a sinya amɛ a he.

Kronika II, 4:11

Jehanɛ, Huram pee buɛhi, sofihi, kɛ kãhi. Mawu we ɔ he ní tsumi nɛ Matsɛ Salomo ha lɛ tsumi ɔ, e gbe lɛ tsuo nya. Níhi nɛ e pee ɔ ji nɛ ɔmɛ nɛ: Akɔblee titima enyɔ ɔmɛ Akɔblee kpɔ enyɔ ɔmɛ nɛ ma titima amɛ a yi mi ɔ Ya enyɔ ɔmɛ nɛ a lo kɛ mɔmɔ nɛ a pee kaa kɔsɔkɔsɔ ngɔ ma titima enyɔ ɔmɛ a yi mi ɔ Akɔblee kpɔ kokloohi kaa tso yiblii lafa eywiɛ nɛ a pee ngɔ wo kla enyɔɔnyɔ a mi kɛ bɔle kpɔ ɔmɛ ɔ Tlɔɔke nyɔngma amɛ Kã nyɔngma amɛ Nyu nɔ́ ɔ Akɔblee na ku nyɔngma kɛ enyɔ ɔmɛ nɛ nyu nɔ́ ɔ maa si ngɛ a nɔ ɔ Buɛ ɔmɛ, sofi ɔmɛ, kɛ faka amɛ. Yawɛ we ɔ he ní nɛ ɔmɛ tsuo nɛ Huram pee ha Matsɛ Salomo ɔ, akɔblee nɛ a sa he lɛ a kɛ pee.

Kronika II, 4:8

A kpɛ okplɔɔ nyɔngma kɛ ma Yawɛ we ɔ mi; enuɔ ngɛ hiɔ nɔ, nɛ enuɔ ngɛ muɔ nɔ. A pee sika tsu kã lafa hulɔ.

Kronika I, 28:17

Jehanɛ, David tsɔɔ sika tsu ngmingmiingmi hiɛmi nɛ a kɛ pee faka amɛ, ka amɛ, kɛ kplu ɔmɛ. E tsɔɔ sika hiɔ, kɛ sika tsu hiɛmi nɛ a kɛ pee likɔkɔ ɔmɛ.

Matsɛmɛ I, 7:50

kplu ɔmɛ, la gbemi ní ɔmɛ, kã amɛ, kɛ ngɛyu ɔmɛ nɛ a kɛ jeɔ la a; he klɔuklɔu pe kulaa a sinya amɛ a se asa amɛ, kɛ Yawɛ we ɔ kpo nɔ je sinya amɛ a se asa amɛ.

Mose IV, 4:7

“Okplɔɔ ɔ nɛ a kɛ abolo klɛdɛɛ nɛ a kɛ maa Yawɛ hɛ mi ɔ maa nɔ ɔ, á ngɔ bo bluu kɛ ha nɔ loko a ngɔ plɛɛtehi, kahi nɛ a kɛ tsopa kɛ e he via kɛ bɔhi woɔ a mi ɔ, kɛ kpluhi nɛ a kɛ wai bɔhi woɔ a mi ɔ kɛ ma nɔ.

Mose II, 38:3

E pee bɔ sami la tɛ ɔ he ní ɔmɛ tsuo: ngɛyuhi, sofihi, kahi, gbowehi, kɛ la jemi ngɛyuhi. E ngɔ akɔblee kɛ pee ní nɛ ɔmɛ tsuo.

Mose II, 37:23

Jehanɛ, e pee kane kpaago kɛ ma kane tso ɔ nɔ; nɛ e kɛ sika tsu ngmingmiingmi pee kane ɔ sumi kɛ e gbemi nɔ́ ɔ, kɛ nɔ́ nɛ a kɛ maa muɔ la zu.

Mose II, 37:16

E ngɔ sika tsu ngmingmiingmi kɛ pee ní nɛ ɔmɛ nɛ a kɛ maa ma okplɔɔ ɔ nɔ ɔ: plɛɛtehi, kahi nɛ a kɛ tsopa kɛ e he via maa wo a mi, kpluhi, kɛ likɔkɔhi nɛ a kɛ maa sã wai bɔ.

Mose II, 25:29

Ngɔɔ sika tsu ngmingmiingmi kɛ pee plɛɛtehi kɛ kahi nɛ a kɛ maa sã tsopa kɛ e he via, kɛ kpluhi, kɛ likɔkɔhi nɛ a kɛ maa sã wai bɔ.

Mose II, 25:38

Kane ɔ sumi kɛ e gbemi nɔ́ ɔ, kɛ nɔ́ nɛ a kɛ maa muɔ la zu ɔ hu a ngɔ sika tsu ngmingmiingmi kɛ pee.