Yeremia 52:11 - BAIBLO ALOO NGMAMI KLƆUKLƆU Ɔ

¹¹ Lɔ ɔ se ɔ, e ta Zedekia hɛngmɛhi; e bɔ lɛ pã, nɛ e ngɔ lɛ kɛ ya Babilon, nɛ e ya wo lɛ tsu. Zedekia hi tsu ɔ mi kɛ ya si e gbenɔ ligbi.

Yeremia 52:11 ပူးပေါင်းရင်းမြစ်များ

Ezekiel 12:13

Ma tsɔ lɛ klama nɛ ma du lɛ. Ma ngɔ lɛ kɛ ya Babilon ngɛ Kaldea bi ɔmɛ a zugba a nɔ. Se e ma gbo nɛ e li tete po kaa e su lejɛ ɔ.

Yeremia 39:7

Lɔ ɔ se ɔ, e ta Zedekia hɛngmɛ. E ha nɛ a bɔ lɛ pã, nɛ a ngɔ lɛ kɛ ho Babilonia ya.

Ezekiel 17:16

Nyɔmtsɛ Yawɛ ke, “I ngɛ ye he kita kae ke Yuda matsɛ nɛ ɔ ma gbo ngɛ Babilonia, akɛnɛ somi nɛ e kɛ Babilonia matsɛ ɔ so, kɛ si nɛ e wo lɛ ɔ, e yi nɔ ɔ. (Babilonia matsɛ ɔ lɛ wo Yuda matsɛ ɔ tsɛ).

Yeremia 21:7

Se mo, Yuda matsɛ, Zedekia! Mo, kɛ o tsɔli ɔmɛ, kɛ nihi tsuo nɛ a yi ma na wami ngɛ ta, kɛ hwɔ, kɛ gbenɔ hiɔ ɔ se ɔ, nyɛɛ lɛɛ ma ngɔ nyɛ kɛ wo Babilonia matsɛ, Nebukadnezar, kɛ nyɛ he nyɛli ɔmɛ nɛ ngɛ nyɛ hlae nɛ a gbe ɔ a dɛ mi. Nebukadnezar ma kpata nyɛ tsuo pɛpɛɛpɛ nyɛ hɛ mi. E be nyɛ ti nɔ ko nɔ ko he ngmɛɛe, nɛ e be nɔ ko nɔ ko mɔbɔ nae. Imi, Yawɛ lɛ i de.”

Kɔmɔ Yemi 2:6

Mawu we ɔ, he nɛ wa jaa lɛ ngɛ ɔ, e ywia lɛ dukuduku ngɔ pue si. E gu nyami be ɔmɛ, kɛ Hejɔɔmi ligbi ɔ. Abofu nɛ nya wa nɛ ɔ sa matsɛmɛ, kɛ osɔfohi tsuo a he.

Ezekiel 23:24

Ta buli kɛ a ta zugba lɛhi babauu, kɛ a tlɔɔkehi kɛ a mi tlomi maa je omleyi je kɛ ba tua mo. A kɛ tsɛ̃i agbohi, tsɛ̃i wawi, kɛ dade pɛɛ ma gba ta kɛ wo o he. Ma ha a maa kojo mo ngɛ mɛ nitsɛmɛ a mlaa nya.