Yeremia 52:10 - BAIBLO ALOO NGMAMI KLƆUKLƆU Ɔ

¹⁰ Nebukadnezar gbe Zedekia binyumu ɔmɛ ngɛ Zedekia hɛ mi ngɛ Ribla. E gbe Yuda ma nimeli ɔmɛ tsuo hulɔ.

Yeremia 52:10 ပူးပေါင်းရင်းမြစ်များ

Yeremia 22:30

“A gbiɛ nyumu nɛ ɔ gbidigbidi, e be bimɛ nae kɔkɔɔkɔ; e be nɔ yae gblegbleegble e wami be ɔ tsuo. E be nina nae nɛ ma ba ye tsɛ ngɛ David se, ngɛ Yuda zugba a nɔ. Imi, Yawɛ lɛ i de.”

Matsɛmɛ II, 25:7

A gbe Zedekia binyumu ɔmɛ ngɛ e hɛ mi. Lɛ nitsɛ lɛɛ a ta e hɛngmɛhi, nɛ a bɔ lɛ pã; nɛ a ngɔ lɛ kɛ ho Babilon ya.

Mose V, 28:34

Hɛdo ní nɛ nyɛ maa na a, ma ha nyɛ maa fo godo.

Mose I, 44:34

Kɛ ma pee kɛ kpale kɛ ya tsaatsɛ ngɔ kɛɛ, nɛ niheyo wayo ɔ piɛ we ye he kɛ yɛ? Aywilɛho nɛ maa pee tsaatsɛ ɔ, i be nyɛe ma hyɛ.”

Mose I, 21:16

nɛ e ho ya hi si ngɛ he ko banee, maa pee gugue nyingmi enuɔ loo nɔ kɛmi kɛ je he nɛ jokuɛ ɔ ngɛ ɔ. E de ngɛ e yi mi ke, “I be nyɛe nɛ ma hi jokuɛ ɔ hɛ mi hyɛe kɛ yaa si e ma gbo.” Benɛ e hii si ngɛ lejɛ ɔ, e bɔni ya fomi.

Ezekiel 9:6

Nyɛɛ gbe ni ɔmɛ tsuo: nikɔtɔmahi, nihewi, yihewi, jokuɛwi, bimwɔwi kɛ a nyɛmɛ. Se nɔ tsuaa nɔ nɛ okadi ɔ ngɛ e hɛ nya a lɛɛ nyɛ ko ta e he. Nyɛɛ je sisi kɛ je ye he klɔuklɔu ɔ.” Kɛkɛ nɛ a bɔni ni ɔmɛ gbemi kɛ je ma nimeli ɔmɛ nɛ daa si ngɛ Yawɛ we ɔ hɛ mi ɔ a nɔ.

Yeremia 34:21

Yuda matsɛ, Zedekia kɛ e ma nimeli ɔmɛ hu, ma ngɔ mɛ kɛ wo a he nyɛli ɔmɛ, kɛ ni nɛmɛ nɛ ngɛ mɛ hlae nɛ a gbe ɔ a dɛ mi. Ma ngɔ mɛ kɛ wo Babilonia tabo ɔ nɛ jɔɔ nyɛ se nyɛɛmi ɔ a dɛ mi.

Ezekiel 24:5

Gbee to nɛ hi pe kulaa, ngɔɔ e lo ɔ tsuo kɛ wo buɛ ɔ mi; moo to lɛ́ kɛ wo sisi. Ha nɛ e fia nɛ e be saminya; wu ɔmɛ tete po, a be ngɛ buɛ ɔ mi.”