Yeremia 51:8 - BAIBLO ALOO NGMAMI KLƆUKLƆU Ɔ

⁸ Babilonia nɔ si tlukaa, nɛ e hɛ mi kpata. Nyɛ nya awe ha lɛ! Nyɛɛ to e pa amɛ a nɔ tsopa kaa alini e ma na he wami lo.

Yeremia 51:8 ပူးပေါင်းရင်းမြစ်များ

Yesaya 21:9

Tlukaa a, ta zugba lɛ kɛ e mi nimli, kɛ okpɔngɔ ta buli nɛ to enyɔɔnyɔ ji nɛ ɔ nɛ ba hia kpo. Kɛkɛ nɛ bulɔ ɔ kpa ngmlaa ekohu ke, “Babilon hɛ mi kpata oo, e hɛ mi kpata! Amaga amɛ nɛ a ngɛ jae ɔ tsuo ku pueɔ si!”

Yesaya 47:11

Lɔ ɔ he ɔ, haomi maa ba o nɔ, nɛ o be nya nyɛe maa da. Oslaa ma ba na mo, se o be e nya nyɛe maa tsi. O hɛ mi ma kpata tlukaa be nɛ o li o he be.

Yesaya 47:9

Se tlukaa, ligbi kake mi ɔ, nɔ́ enyɔ nɛ ɔmɛ maa ba o nɔ; o maa ye kunya, nɛ o maa fi kablɛ babauu, se o huno, kɛ o bimɛ tsuo maa laa mo.

Yeremia 46:11

Egipt ma, nyɛɛ ya Gilead nɛ nyɛ ya hla tsopa ngɛ lejɛ ɔ! Tsopahi babauu nɛ nyɛ ngɛ pee ɔ he be se nami; nyɛ be he wami nae.

Yeremia 48:20

A ma he nɔ ke, ‘A bɔ Moab ahlua; a kpata Moab hɛ mi. Nyɛɛ wo yana nɛ nyɛ nya awe! Nyɛɛ fiɛ ngɛ Arnon pa a nya ke a kpata Moab hɛ mi!’

Yeremia 48:31

Lɔ ɔ he ɔ, ma fo ya ha nihi tsuo nɛ ngɛ Moab zugba a nɔ ɔ, nɛ ma ye kɔmɔ ha Kir Heres bi ɔmɛ.

Yeremia 50:2

“Nyɛɛ fiɛ munyu nɛ ɔ kɛ ha je ma amɛ! Nyɛɛ si aflaangaa, nɛ nyɛɛ fiɛ! Nyɛ ko laa nɔ́ ko nɔ; nyɛ de ke, ‘A ngɔ Babilon oo, a ngɔ Babilon! Babilon mawu ɔ nɛ a tsɛɛ Marduk ɔ, a kpata e hɛ mi. A pue Babilon wɔ ɔmɛ a hɛ mi si, nɛ a ywia amaga amɛ dukuduku.’

Yeremia 51:41

Bɔ nɛ Yawɛ de ngɛ Babilon he ji nɛ ɔ nɛ: “Kɛ e ba lɛ kɛɛ nɛ a ngɔ Babilon, ma nɛ je ɔ tsuo jeɔ e yi ɔ! Kɛ e ba lɛ kɛɛ loko Babilon ba pee nɔ́ nɛ a hiee ngɛ je ma amɛ tsuo a kpɛti kikɛ nɛ ɔ!

Yeremia 8:22

Anɛ tsopa be Gilead lo? Tsopatsɛ ko be lejɛ ɔ lo? Mɛni he je mɔ nɛ a tsa we ye ma mi bi ɔmɛ lolo ɔ?

Ezekiel 30:2

“Nɔmlɔ adesa, gbaa nɛ o ha nɛ a le nɔ́ nɛ imi Nyɔmtsɛ Yawɛ, i ngɛ dee ɔ. Wo yana nɛ o de ke, Ligbi yaya! Ligbi yaya ko ma!

Daniel 5:24

Enɛ ɔ he je nɛ Mawu tsɔ nine nɛ ɔ kɛ ba o ngɔ, konɛ e ba ngma munyu nɛ ɔmɛ ɔ nɛ.

Daniel 5:31

nɛ Media no ɔ nɛ a tsɛɛ Darius ɔ ba ngɔ matsɛ yemi ɔ pani nya. Darius ye jeha nyingmi ekpa kɛ enyɔ jamɛ a be ɔ mi.

Nahum 3:19

Tsa ba ko be ha o plaami ɔmɛ, nɛ o pa a kle. Nihi tsuo nɛ maa nu o hɛ mi kpatami ɔ he ɔ, a bua maa jɔ, nɛ a maa fia a dɛ. Yi wu tso níhi babauu nɛ o pee ɔ, anɛ nɔ ko ngɛ nɛ e he je mi lo?

Kpojemi 14:8

Bɔfo enyɔne ba ngɛ kekleekle nɔ́ ɔ se, nɛ e ngɛ dee ke, “Babilon hɛ mi kpata! Babilon ma kpetekpleenyɛ ɔ hɛ mi kpata! Babilon yakayaka ní peemi ɔmɛ ha nɛ je ɔ tsuo puɛ; e ngɛ kaa dã nɛ nya wa nɛ e ha mɛ nɛ a nu.”

Kpojemi 18:2

E kpa ngmlaa wawɛɛ ke, “Babilon hɛ mi kpata! Babilon ma kpetekpleenyɛ ɔ hɛ mi kpata! Piɔ lɛɛ e plɛ mumi yayamihi tsuo a si himi he; e plɛ lohwe pɛlitsɛmɛ, kɛ lohwe awi yeli nɛ a hiee tsuo a si himi he.