Yeremia 51:60 - BAIBLO ALOO NGMAMI KLƆUKLƆU Ɔ

⁶⁰ I ngma amanehlu tsuo nɛ maa ba Babilonia nɔ, kɛ ní kpahi tsuo nɛ kɔɔ Babilonia he kɛ wo womi mi.

Yeremia 51:60 ပူးပေါင်းရင်းမြစ်များ

Yeremia 36:32

Kɛkɛ nɛ i kɛ̃ womi kpo kpa kɛ ha Baruk, womi ngmalɔ ɔ, nɛ e ngma munyuhi tsuo nɛ i tsɛ kɛ ha lɛ ɔ kɛ wo mi. Lɔ ɔmɛ ji munyuhi tsuo nɛ a ngma kɛ wo kekle womi kpo ɔ nɛ Yuda matsɛ, Yehoyakim sã a mi, kɛ munyu kpahi babauu nɛ piɛ he.

Yesaya 30:8

Jehanɛ Mawu de mi ke ma ya ngma nɔ́ nɛ ɔ ngɛ tɛ tɛtlɛɛ nɔ ngɛ ma a hɛ mi. Ee, ma ngma kɛ wo womi mi, konɛ e pee odase nɛ maa hi si daa kɛ maa ya neneene.

Kpojemi 1:19

Lɔ ɔ he ɔ, ngmaa nɔ́ nɛ o na nɛ ngɛ nɔ yae amlɔ nɛ ɔ, kɛ nɔ́ nɛ maa ba hwɔɔ se ɔ.

Kpojemi 1:11

Gbi ɔ de ke, “Ngmaa nɔ́ nɛ o na a ngɔ wo womi mi, nɛ o kɛ mane asafohi nɛ ngɛ ma kpaago nɛ ɔmɛ a mi: Efeso, Smirna, Pergamo, Tiatira, Sarde, Filadelfia, kɛ Laodikea.”

Daniel 12:4

Bɔfo ɔ de mi ke, “Daniel, jehanɛ nga womi ɔ nya, nɛ o sɔu nya kɛ yaa si je mi nyagbe. Kɛ je be nɛ ɔ mi kɛ yaa si jamɛ a be ɔ, nihi babauu ma gbo yaka dengme. A maa nyɛɛ kɛ ya kɛ ba, nɛ a ma hla kaa a le nɔ́ nɛ ngɛ nɔ yae.”

Yeremia 51:61

I de Seraya ke, “Ke o su Babilon ɔ, moo kane níhi tsuo nɛ a ngma ngɛ hiɛ ɔ kɛ ha ma a.

Yeremia 51:1

Bɔ nɛ Yawɛ de ji nɛ ɔ nɛ: “Ma ha nɛ kɔɔhiɔ nɛ puɛɔ ní maa fia ngɛ Babilonia zugba a nɔ, nɛ e ma kpata nihi a hɛ mi.