Yeremia 51:57 - BAIBLO ALOO NGMAMI KLƆUKLƆU Ɔ

⁵⁷ Ma ha nɛ a ma nimeli ɔmɛ, ní leli ɔmɛ, amlaalo ɔmɛ, ma ní tsuli ɔmɛ, kɛ ta buli ɔmɛ maa tɔ dã. Ke a hwɔ si ɔ, a be si tee hu. Imi, matsɛ ɔ lɛ i de. Ye biɛ ji Yawɛ Tabohiatsɛ.

Yeremia 51:57 ပူးပေါင်းရင်းမြစ်များ

Yeremia 46:18

Imi Yawɛ Tabohiatsɛ ɔ, imi ji Mawu hɛ kalɔ ɔ nɛ. Kaa bɔ nɛ Tabor yo ɔ daa si gagaa ngɛ yo ɔmɛ a kpɛti, aloo kaa bɔ nɛ Karmel yo ɔ daa si ngɛ wo tue ɔ, jã ji bɔ nɛ nɔ nɛ ma mo tuami ɔ e he wami ngɛ.

Yeremia 48:15

A kpata Moab zugba a, kɛ ma amɛ tsuo a hɛ mi; a gbe Moab nihewi kpakpa amɛ tsuo. Imi matsɛ ɔ, Yawɛ Tabohiatsɛ ɔ, imi lɛ i de.

Yeremia 25:27

Jehanɛ, Yawɛ de mi ke, “De ma a ke imi Yawɛ Tabohiatsɛ, Israel Mawu ɔ, i ngɛ mɛ fae ke nɔ tsuaa nɔ nɛ nu nɔ́ nɛ ngɛ kplu ɔ mi ɔ kɛ yaa si e maa tɔ dã, nɛ e maa vie, kɛ yaa si e maa nɔ si nɛ e be nyɛe maa te si hu; ejakaa i tsɔ ta nɛ nya wa wawɛɛ nitsɛ kɛ ma a ngɔ.

Yeremia 51:39

Ke a he mi akɔnɔ te si ɔ, ma tsɛ mɛ ní yemi; ma ha mɛ dã nɛ a nu nɛ a de. Kɛkɛ ɔ, a maa sɛ mahe vii mi, nɛ a be si tee hu.

Kpojemi 18:9

Je nɛ ɔ mi matsɛmɛ ɔmɛ nɛ a kɛ Babilon bɔ ajuama, nɛ a fiɛ a yi nɔ ɔ, ke be nɛ a sã ma a, nɛ a na la su ku nɛ ngɛ jee ɔ, a maa wo yana, nɛ a ma nya awe ha ma a.

Malaki 1:14

Nɔ nɛ to ku ngɛ e to tsu mi, nɛ e wo si ke e kɛ lɔ ɔ maa sã bɔ ha mi, se mohu e ngɔ nɔ́ nɛ kpa ngɛ he kɛ ba a, musu tloo kikɛmɛ a sisilɔ nɛ ɔ! Ejakaa matsɛ nguaa ji mi, nɛ je ma amɛ tsuo yeɔ mi gbeye.” Yawɛ Tabohiatsɛ ɔ lɛ de.

Nahum 1:10

Kaa bɔ nɛ a buaa mio tsohi, kɛ go gbigbli nya nɛ a sãã a, jã e maa sã nyɛ butuu!

Yesaya 37:36

Jamɛ a nyɔ ɔ mi nɔuu ɔ, Yawɛ bɔfo ko ya gbe ta buli 185,000 ngɛ Asiria ta a mi. E nɔ jena makɛ ɔ, ne mɛ nɛ a gbo kɛ pueɔ si.

Yesaya 6:5

Kɛkɛ nɛ i de ke, “Akuanyɛ! Ye yi ta pɛ! Ejakaa i na matsɛ ɔ nɛ ji Yawɛ Tabohiatsɛ ɔ! Ye nya mi munyu he tsɔ we; nɛ nimli nɛ i ngɛ a kpɛti ɔ, mɛ hu a nya mi munyu he tsɔ we ja nɔuu!”

Yesaya 44:25

Imi ji nɔ nɛ haa lakpa gbali ɔmɛ, kɛ dodoe mi hyɛli a we okadi ɔmɛ peeɔ yaka. Imi ji nɔ nɛ kuɔ ní leli a nya la, nɛ i haa a nile plɛɔ peeɔ kuasia jemi.

Yeremia 13:13

Jehanɛ, de mɛ ke imi Yawɛ, ma ha nihi tsuo nɛ ngɛ zugba nɛ ɔ nɔ, matsɛmɛ ɔmɛ nɛ ji David nina a, osɔfo ɔmɛ, gbali ɔmɛ, kɛ Yerusalem bi ɔmɛ tsuo dã nɛ a nu kɛ yaa si a maa de kpɔtɔɔ.

Yeremia 50:30

Enɛ ɔ he je ɔ, a maa gbe e nihewi ɔmɛ tsuo ngɔ pue si ngɛ gbɛjegbɛ ɔmɛ a nɔ ngɛ ma a mi; nɛ a ma kpata e ta buli ɔmɛ tsuo a hɛ mi jamɛ a ligbi ɔ. Imi, Yawɛ lɛ i de.

Ezekiel 20:33

“Imi Nyɔmtsɛ Yawɛ, i ngɛ ye he kita kae ke i ngɛ nyɛ si woe kaa ma ngɔ abofu, kɛ nine si wami tsuo kɛ ye nyɛ nɔ.

Nahum 3:18

Asiria matsɛ, o we amlaalo ɔmɛ gbo, nɛ o ma nimeli ɔmɛ hwɔ mahe kɛ yaa neneene! O we bi ɔmɛ gbɛ fĩa yo ɔmɛ a nɔ, nɛ nɔ ko be nɛ maa ngɔ mɛ kɛ ba we ekohu.