Yeremia 51:56 - BAIBLO ALOO NGMAMI KLƆUKLƆU Ɔ

⁵⁶ A ba kpata Babilon hɛ mi; a nuu Babilon ta buli ɔmɛ, nɛ a ku a kɛ̃ɛ̃ ɔmɛ. Mawu nɛ woɔ yayami he hiɔ ji mi, ma gbla Babilon tue bɔ nɛ sa lɛ.

Yeremia 51:56 ပူးပေါင်းရင်းမြစ်များ

Mose I, 49:24

Se Yosef lɛɛ e kɛ̃ɛ̃ ɔ ji e dɛ gblegbleegble. E he wami ɔ je Yakob Mawu Ope ɔ dɛ mi, To hyɛlɔ ɔ, nɛ ji Israel he bulɔ ɔ.

La 137:8

Mo Babilon, ja a kpata o hɛ mi kokooko! A gbaa nɔ nɛ maa pee mo kɛ to nane mi kaa bɔ nɛ o pee wɔ ɔ.

La 37:15

Se a kɛ a klaate ɔmɛ maa gbe mɛ nitsɛmɛ a he, nɛ a kɛ̃ɛ̃ ɔmɛ tsuo maa ku.

La 46:9

E haa ta se poɔ ngɛ je ɔ mi tsuo; e kuɔ kɛ̃ɛ̃hi, kɛ akplɔhi a mi, nɛ e kɛ la sãã ta zugba lɛhi!

La 76:3

Lejɛ ɔ lɛ e ku he nyɛli ɔmɛ a ta hwumi ní nɛ ɔmɛ tsuo ngɛ: kɛ̃ɛ̃ mi bi, kɛ tsɛ̃i, kɛ klaate.

Yesaya 21:2

I na nina ko nɛ kɔɔ yi wu tso níhi nɛ maa ba a a he; a maa ngɔ nihi kɛ wo amanehlu mi, nɛ a hɛ mi ma kpata. Elam tabo, tee si nɛ o tua mɛ! Media tabo, wo ma amɛ a he ka! Amanehlu nɛ Babilon kɛ ba a, Mawu ma ha e se maa po.

Yesaya 34:8

Yawɛ to be ko nɛ e ma he Zion yi wami, nɛ e maa gbla a he nyɛli ɔmɛ a tue.

Yesaya 35:4

Nyɛ de nɔ tsuaa nɔ nɛ e tsui ngɛ poe ɔ ke, “Wlua mo, koo ye gbeye! Hyɛ, o Mawu ɔ ma nɛ e ba kpɔ mo! E ma nɛ e ba gbla o he nyɛli ɔmɛ a tue.”

Yesaya 59:18

E maa gbla a tue kaa bɔ nɛ a pee ɔ pɛpɛɛpɛ kɛ to nane mi; nɛ ni nɛmɛ nɛ ngɛ ma se tsitsaa po be a he yee.

Yeremia 49:35

Bɔ nɛ Yawɛ Tabohiatsɛ ɔ de ji nɛ ɔ nɛ: “Ma gbe Elam kɛ̃ɛ̃ tsɛ̃li ɔmɛ tsuo; mɛ ji Elam he wami ɔ nɛ.

Yeremia 50:10

A maa ha ní ngɛ Babilonia zugba a nɔ kɛ yaa si nɔ tsuaa nɔ ma na bɔ nɛ e suɔ. Imi, Yawɛ lɛ i de.”

Yeremia 50:36

Ta ma ba na lakpa gbali ɔmɛ, nɛ a ma plɛ pee kuasiahi! Ta ma ba na ta buli ɔmɛ, nɛ sawale maa nu mɛ!

Yeremia 51:24

Yawɛ ke, “Yayamihi tsuo nɛ Babilonia kɛ Babilonia ma mi bi ɔmɛ pee Yerusalem he je ɔ, ma gbla a tue nɛ nyɛ maa na kɛ nyɛ hɛngmɛ.

Yeremia 51:30

Babilonia ta buli ɔmɛ kpa ta hwumi, nɛ a hii si ngɛ a mɔ ɔmɛ a mi. A kɔni mi jɔ̃, nɛ a pee kaa yihi. Babilonia agbo ɔmɛ ku kɛ pueɔ si, nɛ we ɔmɛ sã.

Yeremia 51:48

Nihi maa je omleyi je kɛ ba kpata Babilonia hɛ mi. Jamɛ a be ɔ, níhi tsuo nɛ ngɛ hiɔwe kɛ zugba a nɔ ɔ ma hwɔ lele.

Yeremia 51:53

Ke Babilon kuɔ kɛ ho hiɔwe ya nɛ e ya ma mɔ nɛ he wa ngɛ lejɛ ɔ tete po, ma tsɔ nihi kɛ ya lejɛ ɔ nɛ a ya kpata e hɛ mi. Imi, Yawɛ lɛ i de.”

Yeremia 51:6

Nyɛɛ tu fo kɛ je Babilonia nɛ nyɛ kɛ he nyɛ yi wami. Nyɛ ko ha nɛ a gbe nyɛ ngɛ Babilonia bi ɔmɛ a he yayami ɔ he. Amlɔ nɛ ɔ, i ngɛ ye he lue yee ngɛ a nɔ, nɛ i ngɛ a tue gblae bɔ nɛ sa mɛ.

Kɔmɔ Yemi 3:64

“Yawɛ lee, gbla a tue ngɛ níhi nɛ a pee ɔ a he.

Ezekiel 39:3

Kɛkɛ ɔ, kɛ̃ɛ̃ nɛ ngɛ e muɔ nine mi ɔ, ma fia lɛ nɔ́ nɛ e nɔ zugba, nɛ kɛ̃ɛ̃ mi bihi nɛ ngɛ e hiɔ nine mi ɔ ma pue si.

Ezekiel 39:9

Israel ma mi bi ɔmɛ maa je kpo, nɛ a ma ya mɛ ta hwumi ní ɔmɛ a he la. A maa sã a tsɛ̃i wawi, kɛ̃ɛ̃ mi bihi, akplɔhi, kɛ tso kpokuhi babauu nɛ he nyɛli ɔmɛ si ɔ. A kɛ maa pee lɛ́ nɛ a ma slɛ jeha kpaago sɔuu.

Amos 2:15

Kɛ̃ɛ̃ tsɛ̃li maa gbee senyasenya; ni nɛmɛ nɛ a nane nya sɔɔ a he be mi jee, nɛ ta buli ngɛ ta okpɔngɔhi a nɔ po a yi be wami nae.

Obadia 1:15

“Be ɔ su ta nɛ imi Yawɛ, ma kojo je ma amɛ tsuo. Edom, nɔ́ nɛ o pee ɔ, a kɛ maa pee mo. O ní peemi ní ɔmɛ maa kpale ba bu o yi mi.” Mawu lɛ de.

Habakuk 2:8

Nyɛ nɛ nyɛ ha je mahi babauu a ní ɔ, jehanɛ lɛɛ, je ma amɛ nɛ piɛ ɔ maa ha nyɛ hu nyɛ níhi; ejakaa nyɛ kpata nihi a hɛ mi, nɛ nyɛ pee yi wu tso níhi kɛ si zugba a, kɛ ma a, kɛ nihi nɛ ngɛ ma a mi ɔ tsuo.

Mose V, 32:35

Yawɛ maa ye lue kokooko. E maa gbla he nyɛli ɔmɛ a tue. A maa sane nɔ si amlɔ nɔuu. E be kɛe kulaa nɛ e ma kpata a hɛ mi. A nyagbe ma tlukaa.

2 Tesalonikabi 1:6

Niinɛ, Mawu maa ye dami sane; nihi nɛ ngɛ nyɛ yi mi wae ɔ, Mawu maa hao mɛ ngɔ to nane mi.

Kpojemi 17:16

Koli nyɔngma amɛ nɛ o na a, kɛ lohwe awi yelɔ ɔ maa te si ngɔ wo yo ajuama a; a maa ngɔ e níhi tsuo nɛ e ngɛ ɔ, nɛ e maa hɛɛ e he gu. A maa ye e he lo ɔ, nɛ a kɛ la ma kpata e hɛ mi pɛsɛpɛsɛ.

Kpojemi 18:20

Hiɔwe! Mo nya kaa a kpata Babilon hɛ mi! Nyɛ ni klɔuklɔuhi, bɔfohi, kɛ gbali, nyɛ nya! Ejakaa Mawu bu lɛ fɔ ha nyɛ ngɛ nɔ́ nɛ e pee nyɛ ɔ he!

Kpojemi 19:2

E yeɔ dami sane; e gblaa nɔ tue bɔ nɛ sa! Yo ajuama kpanaku ɔ nɛ ngɔ yahomi kɛ ngɛ je ɔ puɛe ɔ, e bu lɛ fɔ. Mawu gbla e tue, ejakaa e gbe lɛ Mawu ɔ tsɔli ɔmɛ.”

Samuel I, 2:4

Katsɛmɛ ɔmɛ a kɛ̃ɛ̃ ɔmɛ ku, nɛ ni nɛmɛ nɛ a he wɛ ɔ na he wami he.