Yeremia 51:51 - BAIBLO ALOO NGMAMI KLƆUKLƆU Ɔ

⁵¹ Nyɛ deɔ ke, ‘Wa hɛ mi pue si! Ahlua bɔ wɔ! Wa yi ta pɛ! Ejakaa he klɔuklɔuhi ngɛ Yawɛ we ɔ, nibwɔhi ba ngɔ.’

Yeremia 51:51 ပူးပေါင်းရင်းမြစ်များ

La 109:29

Zo nɛ gbe ye he nyɛli ɔmɛ kpɔtɔɔ. Zo nɛ ha a he kaa bo.

La 71:13

Ha nɛ zo nɛ gbe ye he nyɛli ɔmɛ, nɛ a hɛ mi nɛ kpata pɛsɛpɛsɛ. Nihi nɛ a ngɛ hlae nɛ a pee mi yayami ɔ, ha nɛ zo nɛ gbe mɛ, nɛ ahlua hu nɛ bɔ mɛ.

La 79:1

Mawu, ma je li ɔmɛ ba tua o zugba a. A ble o we klɔuklɔu ɔ, nɛ a pee Yerusalem ma doku.

La 79:12

Nyɔmtsɛ, je mahi tsuo nɛ ye o he fɛu ɔ, gbla a tue si kpaago kɛ to nɔ́ nɛ a pee ɔ nya.

La 79:4

Je ma amɛ nɛ bɔle wɔ ɔ bɔ wɔ ahlua; a muɔ wɔ, nɛ a ye wa he fɛu.

La 89:46

Yawɛ, mɛni be o maa laa o he kɛ ya si? O maa laa o he kɛ maa ya neneene lo? O mi mi fumi nɛ ngɛ kaa la nɛ ngɛ tsoe ɔ, mɛni be lɛ e se maa po?

Yesaya 13:1

Sɛ gbi nɛ kɔɔ Babilon tue gblami he nɛ Mawu ngɔ ha Yesaya, Amoz bi ɔ, ngɛ nina mi ji nɛ ɔ nɛ.

Yesaya 14:1

Yawɛ maa na e ma Israel mɔbɔ ekohu, nɛ e ma ná a he tsui kaa lɛ nitsɛ e ma. E maa to mɛ si ngɛ mɛ nitsɛmɛ a zugba nɔ. Nibwɔhi ma ba to mɛ, nɛ a kɛ mɛ maa hi si.

Yesaya 21:1

Sɛ gbi nɛ kɔɔ Babilonia he ji nɛ ɔ nɛ. Kaa bɔ nɛ lasiogblee bee huu ngɛ leneyi je nga kplanaa a nɔ kɛ puɛɔ ní ɔ, jã kɛ̃ hɛ mi kpatami maa je zugba ko nɛ nɔ ngɛ gbeye nɔ kɛ ba.

Yesaya 47:1

Yawɛ ke, “Babilon, mo kple si kɛ je matsɛ sɛ ɔ nɔ! Ba hi si ngɛ zugba, ngɛ bunyuku mi! Be ko nɛ be ɔ, o ngɛ kaa yomiyo, se jehanɛ lɛɛ a be mo hɛɛ dɔdɔɔdɔ hu!

Yeremia 14:3

Odehe ɔmɛ tsɔɔ ke a ya yɛ nyu kɛ ba, se ke tsɔli ɔmɛ ya su vu ɔmɛ a he ɔ, a nɛ nyu, nɛ a kpaleɔ buɛ mi gu kɛ baa. Ke a hɛ mi pue si kikɛ nɛ ɔ, a kɛ nɔ́ haa a hɛ mi kɛ tsiɔ zo.

Yeremia 31:19

Jinɛ wa je o se, se wa pia wa he, nɛ wa tsake wa tsui. Benɛ o gbla wa tue se ɔ, wa ywilɛ ho wa he. Zo gbe wɔ kpɔtɔɔ; ejakaa wa pee yayamihi babauu ngɛ wa nihe mi.’

Yeremia 52:13

E sã Yawɛ we ɔ, matsɛ we ɔ, kɛ ni nguahi tsuo nɛ ngɛ Yerusalem ɔ a wehi,

Kɔmɔ Yemi 1:10

E he nyɛli ɔmɛ kpɔ e june ní tsuo ngɛ e dɛ. E ngɛ he nyɛli ɔmɛ hyɛe kikɛ nɛ ɔ nɛ a bu kɛ sɛ sɔlemi we ɔ mi nitsɛnitsɛ. He nɛ mlaa ngmɛ́ ma je li blɔ nɛ a ya a po, a sɛ lejɛ ɔ.

Kɔmɔ Yemi 2:20

Yawɛ lee, hyɛ koo! Moo hyɛ nihi nɛ o ngɛ mɛ yi mi wae ɔ! Yihi ngɛ mɛ nitsɛmɛ a muklii mi bimɛ nɛ a suɔ ɔ yee! Mawu we ɔ nitsɛnitsɛ mi po a ngɛ osɔfohi, kɛ gbalihi gbee!

Kɔmɔ Yemi 5:1

Yawɛ lee, mo kai amanehlu nɛ wa na a; moo hyɛ bɔ nɛ zo gbe wɔ ha.

Ezekiel 24:21

ma ngɔ sɛ gbi nɛ ɔ kɛ ha Israel ma a, nɛ ma de mɛ ke, bɔ nɛ imi Nyɔmtsɛ Yawɛ, i de ji nɛ ɔ nɛ: Ma ble ye he klɔuklɔu ɔ, he nɛ nyɛ fĩaa ngɔ fɔɔ nɔ ke nyɛ naa he wami kɛ jeɔ ɔ. We ɔ peeɔ nyɛ fɛu saminya, nɛ nyɛ suɔ kɛ nyɛ tsui tsuo kaa nyɛ maa ya lejɛ ɔ. Ma ha nyɛ bimɛ, yi ɔmɛ kɛ nyumu ɔmɛ tsuo nɛ nyɛ si ngɛ Yerusalem ɔ maa nɔ ngɛ klaate nya.

Ezekiel 36:30

Ma ha tso yiblii, kɛ ngmɔ niba ní maa hiɛ babauu, konɛ hwɔ ko ye nyɛ nɛ nyɛ pue nyɛ hɛ mi si ngɛ je ma amɛ a kpɛti hu.

Ezekiel 7:18

A ma bu kpekpe ya bo; sawale maa nu mɛ. A ma sã mɛ tsuo a yi nɔ ha mɛ, nɛ zo maa gbe mɛ kpɔtɔɔ.

Ezekiel 9:7

Mawu de mɛ ke, “Nyɛɛ ya nɛ nyɛ ya ble we ɔ! Nyɛ ha nɛ kue ɔmɛ a mi nɛ a hyi kɛ ni gbogboehi. Nyɛɛ je kpo!” Kɛkɛ nɛ a je kpo, nɛ a ya gbe ni ɔmɛ ngɛ ma a mi.

Daniel 11:31

Ta buli nɛ e wo blɔ ɔ ma ya sɛ Yawɛ we ɔ, kɛ mɔ ɔ mi, nɛ a ma ble lejɛ ɔ. A maa jɔɔ daa ligbi bɔ ɔmɛ sami, nɛ a maa ngɔ amaga ko nɛ he ngɛ gbeye kɛ ya ma Yawɛ we ɔ.

Amos 7:9

A ma kpata hehi tsuo nɛ Isak nina a jaa mi ngɛ ɔ a hɛ mi. Israel he klɔuklɔu ɔmɛ maa pee kaa kuku nɔ, nɛ ma ha nɛ Yeroboam matsɛ yemi ɔ se maa po.”

Mika 6:16

Ní nɛ ɔmɛ maa ba mi, ejakaa nyɛ ya ye Matsɛ Omri mlaa amɛ a nɔ, nɛ níhi nɛ e bi Ahab pee ɔ, nyɛ hu nyɛ pee jamɛ a ní ɔmɛ nɔuu. Nyɛ ya nyɛɛ a blɔ yayami ɔmɛ a nɔ. Enɛ ɔ he je ɔ, ma kpata nyɛ hɛ mi pɛsɛpɛsɛ. Je ma amɛ ma li nyɛ, nɛ a maa ye nyɛ he fɛu; nɔ tsuaa nɔ nɛ maa na nyɛ ɔ maa hie nyɛ.” Yawɛ lɛ de.

Mika 7:10

Wa he nyɛli ɔmɛ maa na nɔ́ nɛ ɔ, nɛ zo maa gbe mɛ. Mɛ lɛ a ye wa he fɛu nɛ a bi wɔ ke, “Jije Yawɛ, nyɛ Mawu ɔ ngɛ?” Wa maa na kaa a ye a nɔ kunimi, nɛ a naa a nɔ kaa mɔsɔ ngɛ gbɛjegbɛ nɔ.