Yeremia 51:5 - BAIBLO ALOO NGMAMI KLƆUKLƆU Ɔ

⁵ Niinɛ, Israel kɛ Yuda pee yayami kɛ si imi, Israel Nɔ Klɔuklɔu ɔ. Se imi Yawɛ Tabohiatsɛ Mawu ɔ, imi lɛɛ i kua we mɛ.

Yeremia 51:5 ပူးပေါင်းရင်းမြစ်များ

Zakaria 12:8

Ma bu nihi nɛ ngɛ Yerusalem jamɛ a be ɔ a he. A ti nɔ wudɔwudɔ pe kulaa po maa pee kaa David. David nina maa nyɛɛ a hɛ mi kaa Yawɛ bɔfo, loo imi Mawu nitsɛ.

Zakaria 12:6

“Jamɛ a be ɔ, ma ha Yuda we puɔ nya amɛ maa pee kaa buɛ kɛ e he la gegeege nɛ a to lɛ́ ngɔ wo sisi, loo kaa blɛfo nɛ a kpɔ, nɛ a bua nya pue jatɛ kɛ e nya la nɔ. Je ma amɛ nɛ bɔle mɛ ɔ tsuo a hɛ mi ma kpata, se Yerusalem lɛɛ e maa ma e ma he ɔ nɔuu.

Hosea 4:1

Nyɛ Israel bi, nyɛɛ bu nɔ́ nɛ Yawɛ ngɛ dee ɔ tue. Yawɛ ke Israel ma a tɔ̃ e nɔ. E ke, “Anɔkuale yemi ta zugba a nɔ; suɔmi be, nɛ imi Mawu nitsɛ hu a li mi.

Zakaria 2:12

Jehanɛ, Yawɛ maa ngɔ Yuda kaa e nɔ́ nɛ he hia saminya ngɛ e zugba klɔuklɔu ɔ nɔ, nɛ Yerusalem maa pee ma nɛ e suɔ pe kulaa ekohu.

Mika 7:20

Wɔ o ma, Abraham kɛ Yakob a nina a, o maa gbaa wɔ, nɛ o maa na wɔ mɔbɔ daa kaa bɔ nɛ o wo wa nɛmɛ ɔmɛ si blema lokoo ɔ.

Mika 7:18

Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.

Hosea 1:10

Israel bi a he ma ba hiɛ babauu kaa wo nya zia, nɛ nɔ ko be nyɛe maa kane mɛ; nɔ ko nɔ ko be nyɛe maa kale a yibɔ. Amlɔ nɛ ɔ, Mawu ngɛ mɛ dee ke, “Pi ye ma ji nyɛ”; se be ma nɛ e ma de mɛ ke, “Imi Mawu hɛ ngmengmletsɛ ɔ, ye bimɛ ji nyɛ!”

Ezekiel 9:9

Mawu he nɔ ke, “Israel kɛ Yuda bi ɔmɛ pee yayami agbo; fɔ nɛ a ye ɔ kle tsɔ. Zugba a nɔ tsuo hyi tɔ kɛ muɔ si puemi; nɛ Yerusalem ma a mi hu a yi dami sane. A ngɛ dee ke imi Yawɛ, i kua zugba a, nɛ i nɛ mɛ.

Ezekiel 8:17

Jehanɛ, Yawɛ de mi ke, “Nɔmlɔ adesa, tse o na enɛ ɔ hulɔ! Anɛ ní hiemi níhi nɛ Yuda ma a ngɛ pee ngɛ hiɛmɛ nɛ ɔ pi ha mɛ lolo lo? Hyɛ, a ngɛ yi wu tso níhi pee tsɔ ngɛ zugba a nɔ. Anɛ pi ye mi mi la nɛ a ngɛ woe wawɛɛ nɛ ɔ? A ngɔ ní nɛ ɔmɛ kɛ ba sɛ ye we ɔ mi nitsɛ tɔɔ! A ngɛ tsɔɔe kaa a bui mi fɛɛ, pi jã?

Yeremia 50:20

Ke jamɛ a be ɔ su ɔ, a ma hla kaa a maa na Israel he yayami ko lo, se a be nae. Yuda hu a be yi wu tso nɔ́ ko nae ngɛ he e, ejakaa ni nɛmɛ nɛ i he a yi wami ɔ, ma ngɔ a he yayami ɔmɛ kɛ pa mɛ. Imi, Yawɛ lɛ i de.”

Yeremia 46:28

Ye ma, nyɛ tsui ko po, ejakaa i kɛ nyɛ ngɛ. Je ma amɛ, hehi nɛ i fie nyɛ kɛ ho ɔ, ma kpata mɛ tsuo a hɛ mi; se nyɛɛ lɛɛ i be nyɛ hɛ mi kpatae. Se kɛ̃ ɔ, i be hae nɛ nyɛɛ ye nyɛ he kulaa; ma gbla nyɛ tue bɔ nɛ sa kɛkɛ. Imi, Yawɛ lɛ i de.”

Yeremia 31:37

Ke a ma nyɛ ma susu hiɔwe, nɛ zugba a sisi tomi ɔ hu a ma nyɛ ma hla a, lɛɛ Yawɛ hu ma kua Israel ma a ngɛ níhi tsuo nɛ a pee ɔ a he. Yawɛ lɛ de.

Yeremia 23:15

“Lɔ ɔ he ɔ, bɔ nɛ imi, Yawɛ Tabohiatsɛ ɔ i ngɛ dee ngɛ Yerusalem gbali ɔmɛ a he ji nɛ ɔ nɛ: ‘Ma ha mɛ agba nɛ a maa ye kaa niye ní, nɛ i kɛ duɔ maa wo nyu mi ha mɛ nɛ a nu. Ejakaa mɛ Yerusalem gbali ɔmɛ a he je nɛ ní yayamihi gbɛ fĩa zugba a nɔ tsuo.’ ”

Yeremia 19:4

Ma pee kikɛmɛ a nɔ́ nɛ ɔ, ejakaa ma a kua mi, nɛ a sã bɔhi kɛ ha mawu kpahi, nɛ a kɛ ble hiɛ ɔ. Kikɛmɛ a mawu nɛ ɔmɛ ɔ, nihi nɛ ngɛ zugba a nɔ amlɔ nɛ ɔ jio, a nɛmɛ ɔmɛ jio, Yuda matsɛmɛ ɔmɛ jio, a ti nɔ ko nɔ ko ja we hyɛ. A pue nihi babauu nɛ pee we nɔ́ ko a muɔ si ngɛ hiɛmɛ nɛ ɔ,

Yeremia 16:18

Ma gbla a tue si enyɔ ngɛ a yayami ɔmɛ, kɛ a yi wu tso ní ɔmɛ a he. A ngɔ amagahi nɛ ngɛ kaa ni gbogboehi nɛ wami ko be a mi ɔ kɛ ble ye zugba a; nɛ zugba a hyi tɔ kɛ a níhi nɛ a hiee ɔ.”

Yesaya 62:12

A ma tsɛ nyɛ ke, “Ma klɔuklɔu”, “Ma nɛ Yawɛ kpɔ mɛ.” A ma tsɛ Yerusalem ke, “Ma nɛ a ya hla nɛ a na”, “Ma nɛ Mawu kua we lɛ.”

Yesaya 44:21

Yawɛ ke, “Israel, o hɛ ko je nɔ́ nɛ ɔ nɔ! Kai kaa ye tsɔlɔ ji mo. Imi lɛ i bɔ mo, konɛ o pee ye tsɔlɔ; lɔ ɔ he ɔ, ye hɛ be o nɔ jee gblegbleegble.

La 94:14

Yawɛ be e ma a he ngmɛɛe kɔkɔɔkɔ; nihi nɛ e je blɔ hla mɛ ɔ, e be mɛ kuae.

Ezra 9:9

A pee wɔ nyɔguɛhi, se ngɛ wa nyɔguɛ si himi ɔ mi ɔ, o je o suɔmi nɛ ngɛ daa a kpo kɛ tsɔɔ wɔ. O ngmɛɛ we wa he, nɛ o ha Persia matsɛmɛ ɔmɛ na wɔ mɔbɔ, nɛ a ha wa nɔ gbagba te ekohu, bɔ nɛ pee nɛ Mawu we ɔ nɛ ku kɛ pue si ɔ, waa ma lɛ ekohu, nɛ waa hi hiɛmɛ nɛ ɔ ngɛ Yuda kɛ Yerusalem ngɛ tue mi jɔmi mi.

Samuel I, 12:22

Yawɛ be e ma nɛ e hla a he ngmɛɛe. Ke e pee ja pɛ kɛkɛ e biɛ kpetekpleenyɛ ɔ puɛ; ejakaa e sa e hɛ mi kaa e kɛ nyɛ maa pee lɛ nitsɛ e ma.

Matsɛmɛ II, 21:16

Ngɛ yayamihi nɛ Manase ha nɛ Yuda pee kɛ si Yawɛ ɔ se ɔ, e pue nihi babauu nitsɛ nɛ pee we nɔ́ ko a muɔ si; nɛ Yerusalem he tsuaa he hyi kɛ muɔ.

Matsɛmɛ I, 6:13

I kɛ ye ma Israel maa hi si, nɛ i be a he jee.”

Hosea 4:2

Kita kami, lakpa yemi, muɔ si puemi, ju, kɛ gba puɛmi sɔuu ji a ní tsumi. Nɔ́ ko nɔ́ ko si we mɛ kpu, nɛ muɔ si kɛkɛ a ngɛ puee.

Yesaya 51:15

“Imi ji Yawɛ, o Mawu ɔ nɛ. Imi nɛ i haa wo gliɔ, nɛ oslɔke ɔmɛ peeɔ hoo. Yawɛ Tabohiatsɛ ji ye biɛ!

Yeremia 14:9

Mɛni he je o pee kaa nyumu nɛ nɔ́ ko ti lɛ si tlukaa, loo katsɛ nɛ nyɛ we nɔ yi wami nɛ e he ɔ? Yawɛ, niinɛ o kɛ wɔ ngɛ! O ma ji wɔ; ko kua wɔ.’ ”

Yeremia 14:19

Yawɛ, anɛ o kua Yuda kulaa lo? Anɛ o ngɛ Zion bi ɔmɛ hiee lo? Mɛni he je mɔ lɛ o plaa wɔ kikɛ nɛ ɔ nɛ e hi tsami ɔ? Wa hyɛ blɔ kaa tue mi jɔmi maa ba, se nɔ́ kpakpa ko ji mi kɛ bɛ; wa hyɛ blɔ kaa be maa ba nɛ a ma tsa wɔ, se haomi kɛ gbeye sɔuu lɛ bɔle wɔ.

Yeremia 51:19

Yakob Mawu ɔ be kaa mɛ; lɛ ji nɔ nɛ pee nɔ́ tsuaa nɔ́, nɛ e hla Israel kɛ pee lɛ nitsɛ e ma. E biɛ ji Yawɛ Tabohiatsɛ.

Hosea 2:1

Lɔ ɔ he ɔ, nyɛ tsɛ nyɛ nyɛmimɛ Israel bi ɔmɛ ke, “Mawu ma”, kɛ “Nihi nɛ Nyɔmtsɛ suɔ mɛ.”

Hosea 2:3

Ke pi ja a, ma kpa bo ngɛ e he, nɛ e he maa fɔ si paslapaa kaa bɔ nɛ a fɔ lɛ ɔ. Ma ha e maa pee kaa zugba gbigbli nɛ bɛ ní; nɛ nyu kuma maa gbe lɛ.