Yeremia 51:44 - BAIBLO ALOO NGMAMI KLƆUKLƆU Ɔ

⁴⁴ Ma gbla Babilonia mawu ɔ nɛ a tsɛɛ Bel ɔ tue, nɛ ma je e ju ní ɔmɛ kpo; je ma amɛ be lɛ jae hu. “Babilon gbogbo ɔmɛ ku kɛ pueɔ si.

Yeremia 51:44 ပူးပေါင်းရင်းမြစ်များ

Kronika II, 36:7

Nebukadnezar muɔ june nɛ ngɛ Yawɛ we ɔ eko kɛ ho, nɛ e kɛ ya to e we mi ngɛ Babilon.

Hiob 20:15

Ní kpakpahi nɛ yayami peelɔ mi ɔ, e vieɔ kɛ pueɔ si ekohu. Mawu nitsɛ jeɔ ní ɔmɛ kɛ jeɔ e mi mi.

Yesaya 2:2

Hwɔɔ se ko ɔ, Yawɛ we ɔ maa ma yo gagaa ko yi mi; yo nɛ ya hiɔwe gojoo pe yo ɔmɛ tsuo yi mi e maa ma. Je ma amɛ tsuo ma bu yuu kɛ ba e he,

Yesaya 21:9

Tlukaa a, ta zugba lɛ kɛ e mi nimli, kɛ okpɔngɔ ta buli nɛ to enyɔɔnyɔ ji nɛ ɔ nɛ ba hia kpo. Kɛkɛ nɛ bulɔ ɔ kpa ngmlaa ekohu ke, “Babilon hɛ mi kpata oo, e hɛ mi kpata! Amaga amɛ nɛ a ngɛ jae ɔ tsuo ku pueɔ si!”

Yesaya 60:5

Ke e ba mi ja a, o bua maa jɔ; o maa muɔ jɛɛ, nɛ o ma nya saminya; ejakaa je ma amɛ maa ngɔ a juetli, kɛ sika nɛ a na ngɛ wo se ɔ tsuo kɛ ba o ngɔ.

Yeremia 50:15

Nyɛ he ose kɛ wo ma a he! Jehanɛ lɛɛ Babilon ha yi. Ma a sisi tomi ɔmɛ, kɛ e gbogbo ɔmɛ ku kɛ pueɔ si. I ngɛ Babilonia bi ɔmɛ a tue gblae. Lɔ ɔ he ɔ, nyɛ hu nyɛɛ ye nyɛ nitsɛmɛ nyɛ he lue; bɔ nɛ a pee ni komɛ ɔ, nyɛ hu nyɛɛ pee mɛ kɛ to nane mi.

Yeremia 50:2

“Nyɛɛ fiɛ munyu nɛ ɔ kɛ ha je ma amɛ! Nyɛɛ si aflaangaa, nɛ nyɛɛ fiɛ! Nyɛ ko laa nɔ́ ko nɔ; nyɛ de ke, ‘A ngɔ Babilon oo, a ngɔ Babilon! Babilon mawu ɔ nɛ a tsɛɛ Marduk ɔ, a kpata e hɛ mi. A pue Babilon wɔ ɔmɛ a hɛ mi si, nɛ a ywia amaga amɛ dukuduku.’

Yeremia 51:18

Amaga amɛ ɔ, se nami ko be a he, yakayaka níhi, kɛ zo níhi kɛkɛ ji mɛ. Be mi nɛ Yawɛ ma ba gbla ma a tue ɔ, a we amaga amɛ hu a maa ku mɛ dukuduku.

Yeremia 51:34

Babilonia matsɛ, Nebukadnezar poo Yerusalem mi nɛ e ye. E muɔ níhi kɛ je ma a mi, nɛ ma a fɔɔ si kaa buɛ mi gu. E mi ma a kaa bɔ nɛ sinɔ ngua miɔ nɔ́ ɔ. E ye ma a mi ní kpakpa amɛ, nɛ e sake nɔ́ nɛ piɛ ɔ ngɔ pue he.

Yeremia 51:47

Lɔ ɔ he ɔ, be ma nɛ i kɛ Babilonia amaga amɛ maa to ní. Babilonia zugba a tsuo hɛ mi ma pue si, nɛ Babilonia bi ɔmɛ tsuo a hɛ mi ma kpata.

Yeremia 51:53

Ke Babilon kuɔ kɛ ho hiɔwe ya nɛ e ya ma mɔ nɛ he wa ngɛ lejɛ ɔ tete po, ma tsɔ nihi kɛ ya lejɛ ɔ nɛ a ya kpata e hɛ mi. Imi, Yawɛ lɛ i de.”

Yeremia 51:58

A maa hule Babilonia gbogbohi kɛ a hɛ mi gbajagbajaa a ngɔ pue si, nɛ a maa mɛ agbo gagaaga amɛ a he la. Je ma amɛ tsu yaka ní pɛ; a gbo dengme kɛ ha la nɛ e ba sã. Imi, Yawɛ Tabohiatsɛ ɔ lɛ i de.”

Daniel 1:2

Nyɔmtsɛ ɔ ngɔ Matsɛ Yehoyakim ngɔ wo e dɛ, nɛ Nebukadnezar muɔ june nɛ ngɛ Yawɛ we ɔ ekomɛ kɛ je kɛ ho. Babilon ya. June nɛ e muɔ ngɛ Mawu we ɔ e kɛ ya to e mawu ɔmɛ a nito he ɔ.

Daniel 3:29

“Lɔ ɔ he ɔ, i ngɛ mlaa woe ke nihi tsuo nɛ je je ma slɔɔtoslɔɔtohi a nɔ, nɛ tuɔ gbi slɔɔtoslɔɔtohi nɛ maa tu Shadrak, Meshak kɛ Abednegomɛ a Mawu ɔ he munyu yaya ko ɔ, a ma tsɔtslɔɔ a mi kpɔ nya kpɔ nya, nɛ a maa pee e we ɔmɛ we doku hi. Ejakaa mawu kpa ko be nɛ ma nyɛ ma he nɔ yi wami kaa kikɛ nɛ ɔ.”

Daniel 4:1

Matsɛ Nebukadnezar kɛ sɛ gbi nɛ ɔ mane je ma amɛ a nɔ bi, kɛ nihi nɛ tuɔ gbi slɔɔtoslɔɔto ɔmɛ tsuo ke, “Nyɛ he manye!

Daniel 4:22

“Nɛnɛ, mo ji jamɛ a tso gagaa a nɛ he wa a nɛ. O kle, nɛ o nɔ kuɔ kɛ ya su hiɔwe tɔɔ, nɛ o ngɛ he wami ngɛ je ɔ tsuo nɔ.

Daniel 5:19

Bɔ nɛ e he wami ɔ kle ha a, je ma amɛ, kɛ nihi nɛ tuɔ gbi slɔɔtoslɔɔto ɔmɛ yeɔ lɛ gbeye; ke a nu e biɛ kɛkɛ sawale nu mɛ. Nɔ́ nɛ e suɔ ɔ, lɔ ɔ e peeɔ. Ke e to kaa e maa gbe nɔ ko ɔ, kɛkɛ e gbe lɛ; ke e to kaa e maa baa nɔ ko yi ɔ, e baa e yi. Ke e to kaa e ma wo nɔ ko nɔ ɔ, kɛkɛ e wo e nɔ; ke e de ke e maa ba nɔ ko si ɔ, kɛkɛ e pee ja.

Daniel 5:26

E sisi ji nɛ ɔ nɛ: MENE: Mawu kane o matsɛ yemi ligbi ɔmɛ, nɛ e kɛ o matsɛ yemi ɔ ba nyagbe.

Daniel 5:31

nɛ Media no ɔ nɛ a tsɛɛ Darius ɔ ba ngɔ matsɛ yemi ɔ pani nya. Darius ye jeha nyingmi ekpa kɛ enyɔ jamɛ a be ɔ mi.