Yeremia 51:42 - BAIBLO ALOO NGMAMI KLƆUKLƆU Ɔ

⁴² Wo ɔ te si kɛ wo Babilon, nɛ wo oslɔke ɔmɛ nɛ ngɛ pɛe ɔ ha e nɔ.

Yeremia 51:42 ပူးပေါင်းရင်းမြစ်များ

Daniel 9:26

Jeha lafa kɛ nyingmi etɛ kɛ eywiɛ se ɔ, a maa gbe hɛ mi nyɛɛlɔ ɔ nɛ Mawu hla a yaka gu. Lɔ ɔ se ɔ, ganɔ ngua ko ma ba tua Yerusalem, nɛ e tabo ɔ ma kpata ma a, kɛ Yawɛ we ɔ a hɛ mi. Nyagbe ɔ maa ba kaa nyu kpekpemi, nɛ ta kɛ hɛ mi kpatami nɛ Mawu de to ɔ maa nyɛɛ se.

Luka 21:25

“Nyakpɛ níhi maa ba pu, nyɔhiɔ, kɛ dodoehi a hɛ mi. Nihi babauu ngɛ je ɔ mi a kɔni mi ma jɔ̃; ke wo gli nɛ oslɔke pɛ kɛkɛ gbeye nu mɛ.

Yeremia 51:55

I ngɛ Babilon hɛ mi kpatae nɛ nɔ ko pa be e he nue hu. Ta buli ɔmɛ a he sɔ kɛ ba sɛ ma a mi, nɛ a ba tua a he nyɛli ɔmɛ gidigidi kɛ ngmlaa kaa bɔ nɛ oslɔke kuɔ kɛ ba pueɔ wo dɔ mi ɔ.

La 93:3

Yawɛ, wo ɔ ngɛ gbi woe; ee, wo ɔ ngɛ pɛe; oslɔke ɔmɛ ngɛ kue kɛ ngmlaa.

La 65:7

Ke wo gli, nɛ oslɔke ɔmɛ pee hamahama a, mo lɛ o jɔɔ a he lɛ a peeɔ dii kulaa. Nimli adesahi nɛ ngɛ basabasa hu mo nɔuu lɛ o jɔɔ a he.

La 18:16

Yawɛ sɔ́le e nine kɛ je hiɔwe; e nu mi, nɛ e gbla mi kɛ je nyu babauu ɔ mi.

La 18:4

Gbenɔ oslaa bɔle mi kɛ kpe; niinɛ, nimli yayamihi babauu bɔle mi kaa pa nɛ hia kɛ bee.

Yesaya 21:1

Sɛ gbi nɛ kɔɔ Babilonia he ji nɛ ɔ nɛ. Kaa bɔ nɛ lasiogblee bee huu ngɛ leneyi je nga kplanaa a nɔ kɛ puɛɔ ní ɔ, jã kɛ̃ hɛ mi kpatami maa je zugba ko nɛ nɔ ngɛ gbeye nɔ kɛ ba.

Ezekiel 26:3

“Lɔ ɔ he ɔ, bɔ nɛ imi Nyɔmtsɛ Yawɛ, i ngɛ dee ji: Tiro, i kɛ mo ná. Ma ha je mahi babauu ma ba tua mo; a maa ba nɔtonɔto kaa bɔ nɛ wo oslɔkehi kuɔ kɛ baa wo dɔ mi.

Daniel 11:10

“Siria matsɛ ɔ bimɛ ma dla kɛ ha ta, nɛ a ma bua tabohi babauu a nya. A maa hia kɛ ya tua a he nyɛli ɔmɛ a mɔ ɔ kaa pa nɛ hia kɛ bee.

Daniel 7:2

I na nɛ wo nɔ kɔɔhiɔ nɛ nya wa te ngɛ wo ɔ nɔ, nɛ kɔɔhiɔ ngɛ fiae kɛ je he tsuaa he.