Yeremia 51:41 - BAIBLO ALOO NGMAMI KLƆUKLƆU Ɔ

⁴¹ Bɔ nɛ Yawɛ de ngɛ Babilon he ji nɛ ɔ nɛ: “Kɛ e ba lɛ kɛɛ nɛ a ngɔ Babilon, ma nɛ je ɔ tsuo jeɔ e yi ɔ! Kɛ e ba lɛ kɛɛ loko Babilon ba pee nɔ́ nɛ a hiee ngɛ je ma amɛ tsuo a kpɛti kikɛ nɛ ɔ!

Yeremia 51:41 ပူးပေါင်းရင်းမြစ်များ

Yesaya 13:19

Babilonia nɔ yemi ɔ ji nɔ yemi ko nɛ hɛ mi ngɛ nyami pe kulaa; nɛ lɔ ɔ he ɔ, e mi bi ɔmɛ fĩaa. Se imi Yawɛ, ma kpata Babilon hɛ mi pɛsɛpɛsɛ kaa bɔ nɛ i pee Sodom kɛ Gomora a!

Yeremia 49:25

Kɛ ba lɛ kɛɛ loko ma nɛ he biɛ, kɛ e mi bua jɔmi babauu ɔ, a je ma a he kikɛ nɛ ɔ?

Daniel 4:30

e de ke, “Nyɛɛ hyɛ bɔ nɛ Babilon kle agbo ha! Imi nitsɛ lɛ i po Babilon, nɛ i kɛ lɛ pee ye matsɛ ma, konɛ ma kɛ tsɔɔ ye he wami kpetekpleenyɛ ye biɛ, ye hɛ mi nyami, kɛ ye agboje.”

Daniel 4:22

“Nɛnɛ, mo ji jamɛ a tso gagaa a nɛ he wa a nɛ. O kle, nɛ o nɔ kuɔ kɛ ya su hiɔwe tɔɔ, nɛ o ngɛ he wami ngɛ je ɔ tsuo nɔ.

Daniel 2:38

Mawu ngɔ nimli adesahi ngɛ je nɛ ɔ mi tsuo, pu mi lohwehi, kɛ we mi lohwehi ngɔ wo o dɛ nɛ o ye a nɔ. Mo ji jamɛ yi nɛ a kɛ sika tsu pee ɔ nɛ.

Ezekiel 27:35

“Bɔ nɛ o nyagbe ba ji nɛ ɔ? E pee nihi tsuo nɛ ngɛ wo nya ma amɛ a mi ɔ nyakpɛ; a matsɛmɛ ɔmɛ po ye gbeye, nɛ a hɛ mi pee mɛ yaa.

Yeremia 51:37

Ma ha nɛ Babilon maa pee ma doku; e maa pee nga mi gbehi a hi he, nɛ nɔ ko nɔ ko be lejɛ ɔ hie hu. Nihi nɛ ma ba be ngɛ lejɛ ɔ, a nya maa kpɛ a he, nɛ a maa ye gbeye.

Yeremia 50:46

Ke Babilon hɛ mi kpata a, ose nɛ a ma he ɔ nya maa wa wawɛɛ nitsɛ, bɔ nɛ zugba po ma mimiɛ. Je ma kpa amɛ tsuo maa nu ose nɛ ɔ he.”

Yeremia 50:23

Babilonia, hamle ngua a nɛ ngɛ je ɔ tsuo ywiae dukuduku ɔ, hyɛ bɔ nɛ lɛ hu a ku lɛ ngɔ pue si mwɔnɛ nɛ ɔ! Kɛ ba lɛ kɛɛ loko Babilonia ba plɛ pee ma doku ngɛ je ma amɛ a kpɛti ɔ?

Yesaya 14:4

Ke Yawɛ pee enɛ ɔ, nyɛ Israel bi ɔmɛ hu nyɛ maa ye Babilonia matsɛ ɔ he fɛu ke, “Matsɛ yiwutsotsɛ ɔ nɔ si! E be nɔ ko nɔ ko yi mi wae hu.

Kronika II, 7:21

“Amlɔ nɛ ɔ, bu ngɛ we nɛ ɔ he wawɛɛ nitsɛ. Se jamɛ a be ɔ mi ɔ, we nɛ ɔ maa pee we doku, nɛ nɔ tsuaa nɔ nɛ bee ɔ, e he mi ma jɔ̃, nɛ e nya maa kpɛ e he, nɛ e ma bi ke, ‘Mɛni he je nɛ Yawɛ pee zugba nɛ ɔ, kɛ we nɛ ɔ kikɛ nɛ ɔ?’

Mose V, 28:37

Ma amɛ, he nɛ Yawɛ maa ngɔ nyɛ kɛ ya a, a mi bi ɔmɛ maa ye gbeye ngɛ nyakpɛ nɔ́ nɛ ba nyɛ nɔ nɛ ɔ he; a maa muɔ nyɛ, nɛ a maa ye nyɛ he fɛu.