Yeremia 51:39 - BAIBLO ALOO NGMAMI KLƆUKLƆU Ɔ

³⁹ Ke a he mi akɔnɔ te si ɔ, ma tsɛ mɛ ní yemi; ma ha mɛ dã nɛ a nu nɛ a de. Kɛkɛ ɔ, a maa sɛ mahe vii mi, nɛ a be si tee hu.

Yeremia 51:39 ပူးပေါင်းရင်းမြစ်များ

Yeremia 51:57

Ma ha nɛ a ma nimeli ɔmɛ, ní leli ɔmɛ, amlaalo ɔmɛ, ma ní tsuli ɔmɛ, kɛ ta buli ɔmɛ maa tɔ dã. Ke a hwɔ si ɔ, a be si tee hu. Imi, matsɛ ɔ lɛ i de. Ye biɛ ji Yawɛ Tabohiatsɛ.

Yeremia 25:27

Jehanɛ, Yawɛ de mi ke, “De ma a ke imi Yawɛ Tabohiatsɛ, Israel Mawu ɔ, i ngɛ mɛ fae ke nɔ tsuaa nɔ nɛ nu nɔ́ nɛ ngɛ kplu ɔ mi ɔ kɛ yaa si e maa tɔ dã, nɛ e maa vie, kɛ yaa si e maa nɔ si nɛ e be nyɛe maa te si hu; ejakaa i tsɔ ta nɛ nya wa wawɛɛ nitsɛ kɛ ma a ngɔ.

Nahum 3:11

Nineve, mo hu o maa pee kaa nɔ nɛ tɔ dã! O ma hla kaa o maa je o he nyɛli ɔmɛ a dɛ mi.

Nahum 1:10

Kaa bɔ nɛ a buaa mio tsohi, kɛ go gbigbli nya nɛ a sãã a, jã e maa sã nyɛ butuu!

Daniel 5:30

Jamɛ a nyɔ ɔ mi nɔuu ɔ, a gbe Belshazar, Babilonia matsɛ ɔ;

Yeremia 48:26

Bɔ nɛ Yawɛ de ji nɛ ɔ nɛ: “Nyɛ ha nɛ Moab nɛ pee kaa nɔ ko nɛ tɔ dã, ejakaa e te si kɛ si mi. Moab ma kokloo si ngɛ lɛ nitsɛ e vie mi, nɛ nihi maa muɔ lɛ.

La 13:3

Yawɛ, ye Mawu! Moo hyɛ mi, nɛ o ha mi heto. Ha mi nɔmlɔ tso he wami, konɛ ma ko gbo.

Nahum 3:18

Asiria matsɛ, o we amlaalo ɔmɛ gbo, nɛ o ma nimeli ɔmɛ hwɔ mahe kɛ yaa neneene! O we bi ɔmɛ gbɛ fĩa yo ɔmɛ a nɔ, nɛ nɔ ko be nɛ maa ngɔ mɛ kɛ ba we ekohu.