Yeremia 51:37 - BAIBLO ALOO NGMAMI KLƆUKLƆU Ɔ

³⁷ Ma ha nɛ Babilon maa pee ma doku; e maa pee nga mi gbehi a hi he, nɛ nɔ ko nɔ ko be lejɛ ɔ hie hu. Nihi nɛ ma ba be ngɛ lejɛ ɔ, a nya maa kpɛ a he, nɛ a maa ye gbeye.

Yeremia 51:37 ပူးပေါင်းရင်းမြစ်များ

Kpojemi 18:2

E kpa ngmlaa wawɛɛ ke, “Babilon hɛ mi kpata! Babilon ma kpetekpleenyɛ ɔ hɛ mi kpata! Piɔ lɛɛ e plɛ mumi yayamihi tsuo a si himi he; e plɛ lohwe pɛlitsɛmɛ, kɛ lohwe awi yeli nɛ a hiee tsuo a si himi he.

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Yeremia 18:16

A ha nɛ a zugba a pee gbeyegbeye kaa nɔ́ ko nɛ a maa hie daa. Nɔ tsuaa nɔ nɛ ma ba be ngɛ lejɛ ɔ, e he mi maa po, nɛ e ma mimiɛ e yi.

Zefania 2:15

Ma nɛ e mi bi woɔ a he nɔ, nɛ a fĩaa ngɔ fɔɔ mɛ nitsɛmɛ a he wami nɔ, nɛ a deɔ a he ke ma ko be nɛ kɛ mɛ sɔ ɔ, nɔ́ nɛ maa ba jamɛ a ma a nɔ ji nɛ ɔ nɛ. Nineve maa pee ma doku, nɛ pu mi lohwehi ma ba jɔɔ a he ngɛ lejɛ ɔ. Nɔ tsuaa nɔ nɛ ma ba be ngɛ lejɛ ɔ, ma huanya e yi, nɛ e ma de ke, “Tsia!”

Yeremia 29:18

I kɛ ta, hwɔ, kɛ gbenɔ hiɔ maa nyɛɛ a se; nɛ nɔ́ nɛ ɔ ma ha nɛ je ma amɛ tsuo maa nu sawale. A maa ye a he fɛu, nɛ a maa bɔ mɛ ahlua ngɛ he tsuaa he nɛ ma fie mɛ kɛ ya.

Yeremia 25:18

Yerusalem bi, nihi nɛ ngɛ Yuda ma amɛ tsuo a mi, matsɛmɛ ɔmɛ, kɛ ma nimeli ɔmɛ tsuo pɛpɛɛpɛ nu. Nɛ kɛ je jamɛ a ligbi ɔ kɛ ba si mwɔnɛ ligbi nɛ ɔ, a hɛ mi kpata pɛsɛpɛsɛ; a plɛ pee he fɛu yemi nɔ́, kɛ gbiɛmi.

Yeremia 25:12

Jeha nyingmi kpaago ɔ se ɔ, ma gbla Babilonia matsɛ ɔ, kɛ ma a tue ngɛ a ní yayami ɔmɛ a he. Ma kpata Babilonia zugba a hɛ mi pɛsɛpɛsɛ kɛ ya neneene.

Yeremia 19:8

Ma ha nɛ Yerusalem ma nɛ ɔ maa pee ma doku, kɛ nɔ́ nɛ a hiee; nɔ tsuaa nɔ nɛ ma ba be ngɛ lejɛ ɔ, e he mi maa po, nɛ e maa ye gbeye ngɛ amanehluhi nɛ maa ba ma a nɔ ɔ he.

Yesaya 14:23

Ma ha Babilon ma plɛ pee zugba nɛ tɔ nyu, kɛ ablɛgogoehi a hi he. Ma kpata Babilon hɛ mi pɛsɛpɛsɛ. Babilon maa pee kaa ma nɛ a bɛɛ mi, nɛ nɔ ko nɔ ko be mi hie hu. Imi, Yawɛ lɛ i de.”

Kronika II, 29:8

Enɛ ɔ he je ɔ, Yawɛ mi mi fu Yuda kɛ Yerusalem, nɛ nɔ́ nɛ e pee mɛ ɔ ha nɛ nɔ tsuaa nɔ he mi po, nɛ a ye gbeye. Nyɛ nitsɛmɛ nyɛ na nɔ́ nɛ ɔ kɛ nyɛ hɛngmɛ.

Mika 6:16

Ní nɛ ɔmɛ maa ba mi, ejakaa nyɛ ya ye Matsɛ Omri mlaa amɛ a nɔ, nɛ níhi nɛ e bi Ahab pee ɔ, nyɛ hu nyɛ pee jamɛ a ní ɔmɛ nɔuu. Nyɛ ya nyɛɛ a blɔ yayami ɔmɛ a nɔ. Enɛ ɔ he je ɔ, ma kpata nyɛ hɛ mi pɛsɛpɛsɛ. Je ma amɛ ma li nyɛ, nɛ a maa ye nyɛ he fɛu; nɔ tsuaa nɔ nɛ maa na nyɛ ɔ maa hie nyɛ.” Yawɛ lɛ de.

Yeremia 51:29

Yawɛ to e yi mi kaa e ma ha nɛ Babilonia zugba a maa pee kaa nga kplanaa nɔ, nɛ nɔ ko nɔ ko be lejɛ ɔ hie. Yawɛ yi mi tomi nɛ ɔ ba mi. Enɛ ɔ he je ɔ, zugba ngɛ mimiɛe, nɛ e ngɛ hosoe.

Yeremia 9:11

Yawɛ ke, “Ma pee Yerusalem ma doku, kɛ nga mi gbehi a hi he. Yuda ma amɛ maa pee ma dokuhi, nɛ nɔ ko nɔ ko be a mi hie.”

Yeremia 49:17

Bɔ nɛ Yawɛ de ji nɛ ɔ nɛ: “A ma kpata Edom hɛ mi pɛsɛpɛsɛ, bɔ nɛ ke nɔ ko ba be ngɛ lejɛ ɔ nɛ e he mi maa po, nɛ e maa ye gbeye.

Yeremia 49:33

Hazor maa pee ma doku kɛ nga mi gbehi a hi he kɛ ya neneene. Nɔ ko nɔ ko be lejɛ ɔ hie hu. Imi, Yawɛ lɛ i de.”

Nahum 3:6

Ma pue o hɛ mi si, nɛ o maa pee kaa nɔ ko nɛ a plɛ níhi nɛ a hiee ngɔ pue e nɔ. Nihi maa hyɛ mo gaa, nɛ a maa ye gbeye.