Yeremia 51:35 - BAIBLO ALOO NGMAMI KLƆUKLƆU Ɔ

³⁵ Nyɛ ha nɛ Zion bi ɔmɛ nɛ a de ke, “Yi mi nɛ Babilonia bi ɔmɛ wa wɔ ɔ, a gbla a tue kɛ to nya!” Nyɛ ha nɛ Yerusalem bi ɔmɛ nɛ a de ke, “Haomi nɛ ba wa nɔ ɔ, a gbla Babilonia bi ɔmɛ a tue kɛ to nya!”

Yeremia 51:35 ပူးပေါင်းရင်းမြစ်များ

Kpojemi 18:20

Hiɔwe! Mo nya kaa a kpata Babilon hɛ mi! Nyɛ ni klɔuklɔuhi, bɔfohi, kɛ gbali, nyɛ nya! Ejakaa Mawu bu lɛ fɔ ha nyɛ ngɛ nɔ́ nɛ e pee nyɛ ɔ he!

Yeremia 50:29

“Nyɛ ha nɛ nihi nɛ le kɛ̃ɛ̃ tsɛ̃mi ɔ, a ya nɛ a ya tua Babilon. Nyɛ ha nɛ ni nɛmɛ tsuo nɛ tsuɔ kɛ̃ɛ̃ he ní ɔ, a ya sa ma a yi kɛ kpe, nɛ nɔ ko nɔ ko nɛ ko tu fo kɛ je. Nyɛɛ gbla e tue ngɛ níhi nɛ e pee ɔ tsuo he. Bɔ nɛ e pee ni kpa amɛ ɔ, nyɛɛ pee lɛ ngɔ to nane mi ja nɔuu; ejakaa e wo e he nɔ ngɛ imi Yawɛ, Israel Nɔ Klɔuklɔu ɔ, ye nɔ.

Kpojemi 18:6

Bɔ nɛ e pee mo ɔ, pee lɛ ja nɔuu ngɔ to nane mi. Níhi nɛ e pee ɔ, pee lɛ ja totoe enyɔ ngɔ to nane mi. Dã nɛ e futu ha mo ɔ, mo futu dã nɛ nya wa kaa ja totoe enyɔ ngɔ wo e kplu ɔ mi ha lɛ.

Kpojemi 16:6

Ejakaa adesa pue o ni klɔuklɔu ɔmɛ, kɛ gbali ɔmɛ a muɔ si. Enɛ ɔ he je ɔ, o ha mɛ muɔ ke a nu. Ee, nɔ́ pɛ nɛ sa mɛ ji nɛ ɔ nɛ!”

Kpojemi 6:10

A kpa ngmlaa wawɛɛ ke, “Nyɔmtsɛ Ope, mo nɛ o ngɛ klɔuklɔu, nɛ o yeɔ anɔkuale! Mɛni be o maa mlɛ kɛ yaa si? Ni ɔmɛ nɛ ngɛ je ɔ mi nɛ a gbe wɔ ɔ, kojo mɛ nɔuu nɛ o gbla a tue!”

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

Mateo 7:2

Bɔ nɛ nyɛ kojoɔ nihi ɔ, jã Mawu hu maa kojo nyɛ. Susumi nɔ́ nɛ nyɛɛ kɛ susuu ha nihi ɔ, lɔ ɔ nɔuu a kɛ ma susu ha nyɛ.

Zakaria 1:15

Se mahi nɛ a he mi jɔ mɛ, nɛ a tue mi hu jɔ mɛ ɔ, ye mi mi fu mɛ wawɛɛ nitsɛ. Ejakaa imi lɛɛ be bɔɔ ko kɛkɛ ye mi mi fu ye ma a, se jamɛ a ma kpa amɛ lɛɛ a ha ye ma a nɔ́ nami ɔ ngɛ nɔ yae mohu.

La 12:5

Se Yawɛ ke, “Akɛnɛ a ngɛ ohiatsɛmɛ yi mi wae, nɛ dɛgutsɛmɛ ngɛ kɛmɛe he je ɔ, jehanɛ lɛɛ ma te si, nɛ ma ha mɛ he jɔmi nɛ a ngɛ hlae ɔ.”

La 9:12

Mawu kaiɔ nɔ́ nali, nɛ e yeɔ a he lue. Ke nɔ́ nali fa kue ha Mawu ɔ, e nuɔ; e hɛ ji a nɔ.

Manyadali 9:24

A pee nɔ́ nɛ ɔ konɛ a kɛ ye Yerubaal binyumu nyingmi kpaago ɔmɛ nɛ a gbe ɔ a he lue; bɔ nɛ pee nɛ a muɔ ɔ nɛ tloo a nyɛminyumu Abimelek kɛ Shekem bi ɔmɛ nɛ wo lɛ he wami loko e gbe e nyɛmimɛ ɔmɛ ɔ.

Manyadali 9:20

Se ke pi ja ji sane ɔ, lɛɛ la nɛ je Abimelek mi ya sã Shekem bi ɔmɛ kɛ Bet Milo bi ɔmɛ; jehanɛ, e je Shekem bi ɔmɛ kɛ Bet Milo bi ɔmɛ a mi ya sã Abimelek.”

Mose I, 16:5

Kɛkɛ nɛ Sarai de Abram ke, “Mo lɛ o pee loko Hagar ngɛ e he nɔ woe ngɛ ye nɔ, nɛ e pa bui mi hu ɔ nɛ. Imi nitsɛ lɛ i ngɔ lɛ kɛ ha mo. Se kɛ je benɛ e na kaa mi ba e he ɔ, e bɔni e he nɔ womi ngɛ ye nɔ, nɛ e bui mi hu. Yawɛ nɛ kojo wɔ, nɛ e tsɔɔ nɔ nɛ nɔ́ da, mo jio, imi jio!”

Yeremia 50:10

A maa ha ní ngɛ Babilonia zugba a nɔ kɛ yaa si nɔ tsuaa nɔ ma na bɔ nɛ e suɔ. Imi, Yawɛ lɛ i de.”

Habakuk 2:17

O poo Lebanon hue mi tso ɔmɛ ngɔ pue si; jehanɛ lɛɛ pu mi lohwe ɔmɛ nɛ o kpata a hɛ mi ɔ, maa wo o he gbeye. Bɔ nɛ e maa ba ji nɛ ɔ nɛ, ejakaa o kpata nihi a hɛ mi; o pee yi wu tso níhi kɛ si zugba a, kɛ ma a, kɛ nihi nɛ ngɛ ma amɛ a mi ɔ tsuo.

Yeremia 51:24

Yawɛ ke, “Yayamihi tsuo nɛ Babilonia kɛ Babilonia ma mi bi ɔmɛ pee Yerusalem he je ɔ, ma gbla a tue nɛ nyɛ maa na kɛ nyɛ hɛngmɛ.

Kɔmɔ Yemi 1:22

“Yayami tsuo nɛ a pee ɔ, hyɛ nɛ o kɛ mɛ nɛ to ní ngɛ he kaa bɔ nɛ o pee imi hu ngɛ ye yayami ɔmɛ tsuo a he ɔ. Ye kɛmɛmi ɔ nya ba wa tsɔ, nɛ ye he wami ta.”