Yeremia 51:31 - BAIBLO ALOO NGMAMI KLƆUKLƆU Ɔ

³¹ Tsɔli babauu ngɛ fo nɔ kɛ yaa nɛ a ya bɔ Babilonia matsɛ ɔ amaniɛ ke he nyɛli ba ngɔ e ma a tsuo.

Yeremia 51:31 ပူးပေါင်းရင်းမြစ်များ

Kronika II, 30:6

Tsɔli ɔmɛ ngɔ matsɛ ɔ, kɛ ganɔ ɔmɛ a sɛ gbi ɔ kɛ ya kpa Israel kɛ Yuda tsuo, nɛ a de ke, “Israel ma! Asiria bi ba tua nyɛ, nɛ nyɛ je a dɛ mi. Lɔ ɔ he ɔ, nyɛɛ kpale kɛ ba Yawɛ, Abraham, Isak, kɛ Yakob a Mawu ɔ ngɔ, konɛ lɛ hu e kpale nɛ e he nyɛ.

Daniel 5:30

Jamɛ a nyɔ ɔ mi nɔuu ɔ, a gbe Belshazar, Babilonia matsɛ ɔ;

Yeremia 50:43

Benɛ Babilonia matsɛ ɔ nu sane nɛ ba a, e nine mi je wu. E tsui po wawɛɛ nitsɛ, nɛ e kpatu pee kaa yo nɛ nu kɔɔmi.

Yeremia 50:24

Babilonia, o kɛ imi, Yawɛ hwu ta. Nɛ klama nɛ i tsɔ mo ɔ, o du klama a; ejakaa o li tete kaa i tsɔ mo klama ko.

Yeremia 4:20

Haomi ɔmɛ ba nɔtonɔto kɛ ya si zugba a tsuo hɛ mi kpata. A hule wa bo tsu ɔmɛ ngɔ pue si tlukaa, nɛ a hía bo ɔmɛ a mi dukuduku.

Hiob 9:25

Ye ligbi ɔmɛ ngɛ bee mlamlaamla; a he ngɛ sɔe kulaa pe nɔ ko nɛ ngɛ fo tue. Se nɔ́ kpakpa ko be a mi.

Ester 8:14

Kaa bɔ nɛ matsɛ ɔ fa a, tsɔli nɛ a he sɔɔ kuɔ okpɔngɔhi esɔesɔ kɛ ho ma amɛ a nɔ ya. A fiɛ mlaa nɛ ɔ ngɛ matsɛ ma Susa a hulɔ.

Ester 8:10

Mordekai hyɛ nɛ a ngma womi ɔmɛ ngɛ Matsɛ Ahasuerus biɛ mi, nɛ a sɔu nya kɛ matsɛ ɔ womi nya sɔumi ga a. Tsɔli nɛ hi okpɔngɔhi nɛ le fo tumi saminya a nɔ ya dla womi ɔmɛ kɛ fo. A hla okpɔngɔ ɔmɛ kɛ je matsɛ ɔ nitsɛ we okpɔngɔ tsu ɔmɛ a mi.

Yeremia 50:2

“Nyɛɛ fiɛ munyu nɛ ɔ kɛ ha je ma amɛ! Nyɛɛ si aflaangaa, nɛ nyɛɛ fiɛ! Nyɛ ko laa nɔ́ ko nɔ; nyɛ de ke, ‘A ngɔ Babilon oo, a ngɔ Babilon! Babilon mawu ɔ nɛ a tsɛɛ Marduk ɔ, a kpata e hɛ mi. A pue Babilon wɔ ɔmɛ a hɛ mi si, nɛ a ywia amaga amɛ dukuduku.’

Yeremia 51:32

A ngɔ pa pomi he ɔmɛ, a mɛ mɔ ɔmɛ a he la, nɛ sawale nu Babilonia ta buli ɔmɛ.