Yeremia 51:30 - BAIBLO ALOO NGMAMI KLƆUKLƆU Ɔ

³⁰ Babilonia ta buli ɔmɛ kpa ta hwumi, nɛ a hii si ngɛ a mɔ ɔmɛ a mi. A kɔni mi jɔ̃, nɛ a pee kaa yihi. Babilonia agbo ɔmɛ ku kɛ pueɔ si, nɛ we ɔmɛ sã.

Yeremia 51:30 ပူးပေါင်းရင်းမြစ်များ

Nahum 3:13

O ta buli ɔmɛ ngɛ kaa yihi pɛ; ke he nyɛli ba tua ma a, nɔ ko be nyɛe maa te si kɛ wo mɛ. La maa sã agbo ɔmɛ a se lami ní ɔmɛ.

Kɔmɔ Yemi 2:9

Zu ha agbo ɔmɛ a nɔ; a ku a se lami ní ɔmɛ a mi dukuduku. A nuu matsɛmɛ ɔmɛ, kɛ ganɔ ɔmɛ kɛ ho ma se ya. Nɔ ko tsɔɔ we mlaa a hu. Yawɛ je we nina kɛ ha we gbali ɔmɛ hu.

Yesaya 19:16

Be ma nɛ Egipt bi ɔmɛ maa pee a he fɔ̃li kaa yihi. Ke a na kaa Yawɛ Tabohiatsɛ ɔ miɔ nɛ e kɛ e he wami ɔ maa gbla a tue ɔ, a he ma bɔni domi blibliibli.

La 76:5

He nyɛli ɔmɛ a ta buli katsɛmɛ ɔmɛ nyɛ we nɛ a da ta a nya kulaa. A gbo kɛ pueɔ si kaa nihi nɛ hwɔ mahe nɛ a kpakpaa a he níhi tsuo.

Amos 1:5

Gbogbo nɛ a fia kɛ bɔle Damasko ma a, agbohi nɛ a je ngɛ mi ɔ, ma ywia mɛ. Ma gbe nihi nɛ ngɛ Aven kɔ̃ ɔ mi, kɛ Beteden ma nɔ yelɔ ɔ. A maa nuu Siria bi ɔmɛ nyɔguɛ kɛ ya Kir zugba a nɔ.” Yawɛ lɛ de.

Yeremia 48:41

A maa ngɔ ma amɛ, kɛ mɔ ɔmɛ. Jamɛ a ligbi ɔ, sawale maa nu Moab ta buli ɔmɛ kaa yo nɛ nu kɔɔmi.

Kpojemi 18:10

A maa da si ngɛ se lokoo, ejakaa a maa ye gbeye kaa a maa gbla a kɛ Babilon tsuo a tue. A ma de ke, “Tsaoo! Akuanyɛ! Babilon, ma nguaa! Ma kpetekpleenyɛ! Ngmlɛfia kake too mi ɔ, hyɛ bɔ nɛ gbla o tue ha!”

Yeremia 51:57

Ma ha nɛ a ma nimeli ɔmɛ, ní leli ɔmɛ, amlaalo ɔmɛ, ma ní tsuli ɔmɛ, kɛ ta buli ɔmɛ maa tɔ dã. Ke a hwɔ si ɔ, a be si tee hu. Imi, matsɛ ɔ lɛ i de. Ye biɛ ji Yawɛ Tabohiatsɛ.

Yeremia 51:32

A ngɔ pa pomi he ɔmɛ, a mɛ mɔ ɔmɛ a he la, nɛ sawale nu Babilonia ta buli ɔmɛ.

La 147:13

Ejakaa e peeɔ o we agbo ɔmɛ a se lami ní ɔmɛ kpɛii, nɛ e gbaa o bimɛ ɔmɛ.

La 107:16

E ku akɔblee agbo ɔmɛ, nɛ e poo agbo se lami dade ɔmɛ a mi.

Yesaya 47:14

“A maa pee kaa nga gbigbli, nɛ la maa sã mɛ! A be nyɛe ma he mɛ nitsɛmɛ a yi wami; la lilɛ ɔmɛ maa sã mɛ. Pi la kulɔɔ nɛ a hluiɔ ji nɛ ɔ; pi la nɛ a hii he.

Yeremia 50:15

Nyɛ he ose kɛ wo ma a he! Jehanɛ lɛɛ Babilon ha yi. Ma a sisi tomi ɔmɛ, kɛ e gbogbo ɔmɛ ku kɛ pueɔ si. I ngɛ Babilonia bi ɔmɛ a tue gblae. Lɔ ɔ he ɔ, nyɛ hu nyɛɛ ye nyɛ nitsɛmɛ nyɛ he lue; bɔ nɛ a pee ni komɛ ɔ, nyɛ hu nyɛɛ pee mɛ kɛ to nane mi.