Yeremia 51:28 - BAIBLO ALOO NGMAMI KLƆUKLƆU Ɔ

²⁸ Nyɛ ha nɛ je ma amɛ nɛ a mia, nɛ a kɛ Babilonia ya hwu ta. Nyɛ ya kpee Media matsɛmɛ ɔmɛ, a we amlaalo ɔmɛ, ma ní tsuli ɔmɛ, kɛ a nɔ yemi he ɔmɛ tsuo kɛ ba.

Yeremia 51:28 ပူးပေါင်းရင်းမြစ်များ

Yeremia 51:11

Yawɛ ha nɛ Media matsɛmɛ ɔmɛ a mumi te si, konɛ a ya kpata Babilonia hɛ mi. Bɔ nɛ e to nɛ e maa ye e he lue, nɛ e maa gbla Babilonia tue ngɛ lɛ Yawɛ, e we ɔ nɛ a ble ɔ he ji nɛ ɔ nɛ. Tatsɛmɛ ɔmɛ nɛ nyɛɛ ta a hɛ mi ɔ fa ke, “Nyɛɛ duɔ nyɛ kɛ̃ɛ̃ mi bi ɔmɛ a nya! Nyɛ wo nyɛ tsɛ̃i ɔmɛ a nɔ!

Daniel 9:1

Ahasuerus bi Darius, Media no ɔ ye matsɛ ngɛ Babilonia zugba a nɔ.

Daniel 8:20

“Agbosu koli enyɔtsɛ ɔ nɛ o na a daa si ha Media kɛ Persia matsɛmɛ ɔmɛ.

Daniel 6:8

Lɔ ɔ he ɔ, nɛnɛ, moo ngma mlaa nɛ ɔ, nɛ o ngɔ o nine kɛ wo sisi. Kɛkɛ ɔ, e pee mlaa, Media bi kɛ Persia bi a mlaa nɛ nɔ ko be nyɛe ma tsake.”

Yeremia 51:27

“Nyɛɛ si aflaangaa. Nyɛ kpa titimati nɛ je ma amɛ nɛ a nu! Nyɛ ha nɛ je ma amɛ nɛ a mia, nɛ a kɛ Babilonia ya hwu ta! Nyɛ de Ararat, Mini, kɛ Ashkenaz matsɛ yemi ɔmɛ ke a ya tua Babilonia. Nyɛ hla tatsɛ nɛ e nyɛɛ a hɛ mi. Nyɛɛ ngɔ okpɔngɔhi babauu kaa baalɛhi kɛ ba.

Yesaya 21:2

I na nina ko nɛ kɔɔ yi wu tso níhi nɛ maa ba a a he; a maa ngɔ nihi kɛ wo amanehlu mi, nɛ a hɛ mi ma kpata. Elam tabo, tee si nɛ o tua mɛ! Media tabo, wo ma amɛ a he ka! Amanehlu nɛ Babilon kɛ ba a, Mawu ma ha e se maa po.

Yesaya 13:17

Yawɛ ngɛ dee ke, “Ma ha nɛ Media bi ɔmɛ ma ba tua Babilon. Media bi ɔmɛ lɛɛ a bui sika hiɔ, nɛ a hɛ kɔɛ sika tsu nɔ.

Ester 10:2

Ní nguahi, kɛ nyakpɛ níhi tsuo nɛ e pee, kɛ sanehi tsuo nɛ kɔɔ bɔ nɛ e wo Mordekai nɔ nɛ e pee lɛ nɔkɔtɔma a, a ngma ngɛ Persia kɛ Media matsɛmɛ ɔmɛ a yi nɔ sanehi womi ɔmɛ a mi.

Ester 1:3

Benɛ e ngɛ tsɛ yee ɔ, jeha etɛne ɔ, e tsɛ e ganɔ ɔmɛ, kɛ e tsɔli ɔmɛ tsuo ní yemi. E kpee Persia kɛ Media tabo ɔmɛ, amlaalo ɔmɛ, kɛ odehe ɔmɛ tsuo kɛ ba.

Kronika I, 1:5

Yafet bimɛ ji Gomer, Magog, Madai, Yavan, Tubal, Meshek, kɛ Tiras.

Mose I, 10:2

Yafet bimɛ ji Gomer, Magog, Madai, Yavan, Tubal, Meshek, kɛ Tiras bi.

Yeremia 25:14

Ma wo Babilonia bi ɔmɛ hiɔ ngɛ níhi nɛ a pee ɔ a he; mɛ hu a ma ba sɔmɔ je mahi babauu, kɛ matsɛmɛ nguanguahi kaa nyɔguɛhi.’ ”

Yeremia 50:41

“Ma ko je omleyi je kɛ ma. Je ma agbo ko, kɛ matsɛmɛ babauu hia kɛ je tsitsaa lokoo kɛ ma.

Yeremia 51:29

Yawɛ to e yi mi kaa e ma ha nɛ Babilonia zugba a maa pee kaa nga kplanaa nɔ, nɛ nɔ ko nɔ ko be lejɛ ɔ hie. Yawɛ yi mi tomi nɛ ɔ ba mi. Enɛ ɔ he je ɔ, zugba ngɛ mimiɛe, nɛ e ngɛ hosoe.

Daniel 6:1

Darius dla e matsɛ yemi ɔ mi lafa kɛ nyingmi enyɔ, nɛ e ngɔ amlaalohi ngɔ to nɔ yemi he ɔmɛ kakaaka.