Yeremia 51:27 - BAIBLO ALOO NGMAMI KLƆUKLƆU Ɔ

²⁷ “Nyɛɛ si aflaangaa. Nyɛ kpa titimati nɛ je ma amɛ nɛ a nu! Nyɛ ha nɛ je ma amɛ nɛ a mia, nɛ a kɛ Babilonia ya hwu ta! Nyɛ de Ararat, Mini, kɛ Ashkenaz matsɛ yemi ɔmɛ ke a ya tua Babilonia. Nyɛ hla tatsɛ nɛ e nyɛɛ a hɛ mi. Nyɛɛ ngɔ okpɔngɔhi babauu kaa baalɛhi kɛ ba.

Yeremia 51:27 ပူးပေါင်းရင်းမြစ်များ

Mose I, 10:3

Gomer nina ji Ashkenaz, Rifat, Togarma bi.

Kronika I, 1:6

Gomer nina ji Ashkenaz bi, Rifat bi, kɛ Togarma bi.

Mose I, 8:4

Hlami kpaagone ɔ ligbi nɛ ji nyɔngma kɛ kpaago ɔ nɔ ɔ, lɛ ɔ ba sa si ngɛ Ararat yo ɔ he.

Yeremia 51:12

Nyɛ wo aflaangaa amɛ a nɔ kɛ pee okadi nɛ a kɛ ma tua Babilon gbogbo ɔmɛ. Nyɛɛ hla buli kpakpahi, nɛ nyɛ ha nɛ a ya da a blɔ hehi! Nyɛ ha nɛ ka woli ɔmɛ nɛ a dla a he!” Bɔ nɛ Yawɛ to kaa e maa pee Babilonia bi ɔmɛ ɔ, ja e pee ɔ nɛ.

Yeremia 50:2

“Nyɛɛ fiɛ munyu nɛ ɔ kɛ ha je ma amɛ! Nyɛɛ si aflaangaa, nɛ nyɛɛ fiɛ! Nyɛ ko laa nɔ́ ko nɔ; nyɛ de ke, ‘A ngɔ Babilon oo, a ngɔ Babilon! Babilon mawu ɔ nɛ a tsɛɛ Marduk ɔ, a kpata e hɛ mi. A pue Babilon wɔ ɔmɛ a hɛ mi si, nɛ a ywia amaga amɛ dukuduku.’

Yeremia 25:14

Ma wo Babilonia bi ɔmɛ hiɔ ngɛ níhi nɛ a pee ɔ a he; mɛ hu a ma ba sɔmɔ je mahi babauu, kɛ matsɛmɛ nguanguahi kaa nyɔguɛhi.’ ”

Yeremia 51:14

Yawɛ Tabohiatsɛ ɔ ka e he kita ke e maa ngɔ nihi babauu kaa baalɛhi kɛ ba tua Babilonia. A maa ye kunimi, nɛ a ma hwɔ lele.

Yesaya 18:3

Nyɛ, nihi tsuo ngɛ je ɔ mi, nyɛɛ bu tue! Nyɛ maa na aflangaa ko nɛ a si ngɛ yo ɔmɛ a nɔ! Nyɛɛ bu tue; nyɛ maa nu nɛ a ngɛ titimati kpae!

Zakaria 14:2

Yawɛ ma bua je ma amɛ tsuo a nya kɛ ba tua Yerusalem. A maa ngɔ ma a; a maa ha ní ngɛ we ɔmɛ a mi, nɛ a maa pee yi ɔmɛ basabasa. A maa nuu ma a mi dlami enyɔ mi kake kɛ ho ma se ya; se ni nɛmɛ nɛ maa piɛ ngɛ Yerusalem ɔ, a be a hɛ mi kpatae.

Amos 3:6

Anɛ ta titimati pɛɛ ngɛ ma mi nɛ ma mi bi ɔmɛ a tsui pui lo? Anɛ amanehlu baa ma ko nɔ nɛ pi Yawɛ nɛ pee lo? Dɛbi!

Yeremia 46:23

aloo nihi nɛ ngɛ hue tso gbae. A ta buli ɔmɛ ɔ, nɔ ko li a nya; a he hiɛ babauu pe baalɛhi po.

Yeremia 6:1

Nyɛ Benyamin bi, nyɛɛ tu fo nɛ nyɛ he nyɛ yi wami! Nyɛɛ tu fo kɛ je Yerusalem esɔ! Nyɛ kpa titimati ngɛ Tekoa, nɛ nyɛ slɛ la ngɛ Bet Hekerem kɛ tsɔɔ okadi! Ejakaa haomi agbo je omleyi je kɛ ma nɛ ma ba kpata ma hɛ mi.

Matsɛmɛ II, 19:37

Ligbi ko ɔ, benɛ e ngɛ e mawu ɔ nɛ a tsɛɛ Nisrok ɔ jae ngɛ e mawu ɔ we ɔ, e binyumuhi enyɔ, Adramelek kɛ Sharezer ya gbe lɛ kɛ klaate, nɛ a tu fo kɛ ho Ararat zugba a nɔ ya. E binyumu kpa nɛ a tsɛɛ lɛ Esarhadon ba ye matsɛ ngɛ e se.

Manyadali 6:5

Ke a ma a, a hɛɛɔ a lohwehi, kɛ a bo tsuhi kɛ baa, nɛ a he hiɛɛ babauu kaa baalɛhi. A kɛ a we afukpɔngɔ ɔmɛ ɔ, nɔ ko nɔ ko nyɛ we mɛ kanemi; nɛ ke a ba a, a kpataa nɔ́ tsuaa nɔ́ hɛ mi ngɛ zugba a nɔ.

Yesaya 37:38

Ligbi ko, benɛ e ngɛ e mawu ɔ nɛ a tsɛɛ Nisrok ɔ jae ngɛ e mawu ɔ we ɔ mi ɔ, e binyumuhi enyɔ, Adramelek kɛ Sharezer kɛ klaate ya gbe lɛ, nɛ a tu fo kɛ ho Ararat zugba a nɔ ya. E bi nyumu kpa nɛ a tsɛɛ lɛ Esarhadon ba ye matsɛ ngɛ e se.

Yeremia 50:3

“Je ma ko hia kɛ je omleyi je kɛ ma nɛ e ba tua Babilonia. A ma kpata zugba a hɛ mi, nɛ a maa pee lɛ butuu; nɛ nɔ ko nɔ ko be lejɛ ɔ hie hu. Nimli kɛ lohwehi tsuo maa tu fo kɛ je.”

Yeremia 50:9

Ma ya sú je mahi babauu nɛ a he wa kɛ je omleyi je kɛ wo Babilonia he. A ma gba ta kɛ wo zugba a, nɛ a maa ngɔ lɛ. Ta buli kpanakpanaahi ji mɛ. A dɛ nya da, nɛ ke a tsɛ̃ kɛ̃ɛ̃ ɔ, e bi nɔ́ he kɔkɔɔkɔ.

Yeremia 51:28

Nyɛ ha nɛ je ma amɛ nɛ a mia, nɛ a kɛ Babilonia ya hwu ta. Nyɛ ya kpee Media matsɛmɛ ɔmɛ, a we amlaalo ɔmɛ, ma ní tsuli ɔmɛ, kɛ a nɔ yemi he ɔmɛ tsuo kɛ ba.

Yoel 3:9

“Nyɛɛ fiɛ kɛ ha je ma amɛ ke, ‘Nyɛ dla nyɛ he kɛ ha ta; nyɛ tsɛ nyɛ ta buli ɔmɛ kɛ ba; nyɛ bua nyɛ ta buli ɔmɛ a nya, nɛ nyɛɛ hia ta.