Yeremia 51:21 - BAIBLO ALOO NGMAMI KLƆUKLƆU Ɔ

²¹ I ngɔ mo kɛ kpata okpɔngɔhi kɛ a nɔ hili a hɛ mi. I ngɔ mo kɛ kpata ta zugba lɛhi kɛ a kudɔli a hɛ mi.

Yeremia 51:21 ပူးပေါင်းရင်းမြစ်များ

Mose II, 15:1

Kɛkɛ nɛ Mose kɛ Israel bi ɔmɛ la la nɛ ɔ kɛ je Yawɛ yi: “Ma la kɛ je Yawɛ yi, ejakaa e ye kunimi nguaa. E tsɛ̃ okpɔngɔ kɛ e nɔ hilɔ ɔ kɛ wo wo ɔ mi.

Zakaria 10:5

Ma ha nɛ Yuda bi a he maa wa. Mɛ tsuo a maa pee kaa ta buli katsɛmɛ ngɛ ta nya; a maa naa a he nyɛli a nɔ, nɛ a maa pee mɛ kaa zugba zu. I kɛ ye ma a ngɛ saminya, lɔ ɔ he ɔ, ma ha a kɛ a he nyɛli ɔmɛ maa to ní, nɛ ta okpɔngɔ nɔ hili ɔmɛ po a hɛ mi ma pue si.

Zakaria 12:4

Jamɛ a be ɔ, ma ha gbeye maa nu okpɔngɔ ɔmɛ tsuo, nɛ okpɔngɔ nɔ hili ɔmɛ maa nu godo. Ma bu Yuda ma a he, se a he nyɛli ɔmɛ a we okpɔngɔ ɔmɛ lɛɛ ma ha a hɛ ma yu.

Hagai 2:22

nɛ ma ngɔ nɔ yemi ɔmɛ kɛ a he wami ɔmɛ ngɔ fia si. Ma ha ta zugba lɛ ɔmɛ maa nɔɔ si kɛ a kudɔli ɔmɛ; okpɔngɔ ɔmɛ ma gbo, nɛ a nɔ hili ɔmɛ maa gbe a sibi.

Nahum 2:13

Yawɛ Tabohiatsɛ ɔ ke, “I kɛ mo ná! Ma sã o ta zugba lɛ ɔmɛ. Ma kpata o ta buli ɔmɛ a hɛ mi ngɛ ta mi. Níhi tsuo nɛ o kpɔ ngɛ nihi a dɛ ɔ, ma ngɔ. A be o he wami he nue hu ngɛ je ɔ mi.”

Mika 5:10

Yawɛ ke, “Jamɛ a be ɔ, ma kpɔ okpɔngɔ ɔmɛ ngɛ nyɛ dɛ, nɛ ma kpata nyɛ ta zugba lɛ ɔmɛ a hɛ mi.

Kpojemi 19:18

Nyɛɛ ba nɛ nyɛ ba ye matsɛmɛ, asafoatsɛmɛ, ta buli, kɛ okpɔngɔhi kɛ a nɔ hili a lo. Nyɛɛ ba nɛ nyɛ ba ye nimli tsuo a lo, nyɔguɛ, kɛ odehe, nimli wawi, kɛ nimli nguahi!”

La 46:9

E haa ta se poɔ ngɛ je ɔ mi tsuo; e kuɔ kɛ̃ɛ̃hi, kɛ akplɔhi a mi, nɛ e kɛ la sãã ta zugba lɛhi!

Ezekiel 39:20

Ma ngɔ okpɔngɔhi, ta zugba lɛhi, katsɛmɛ, kɛ ta buli slɔɔtoslɔɔto babauu kɛ ngmɛ mɛ okplɔɔ; a maa ye ní nɛ a maa tɔ saminya. Imi, Nyɔmtsɛ Yawɛ lɛ i de.”

Yeremia 50:37

Ta ma ba na okpɔngɔ ɔmɛ, kɛ zugba lɛ ɔmɛ; ta ma ba na ma se ta buli tsuo nɛ ngɛ Babilonia a; a he wami maa ta, nɛ a maa pee kaa yihi pɛ! A maa ha a juetli tsuo!

La 76:6

Benɛ mo Yakob Mawu ɔ wo gbi ɔ, okpɔngɔ ɔmɛ, kɛ okpɔngɔ nɔ hili ɔmɛ tsuo gbo kɛ pue si.

Mose II, 15:21

Nɛ Miriam la ha mɛ ke, “Nyɛ la kɛ je Yawɛ yi, ejakaa e ye kunimi nguaa. E tsɛ̃ okpɔngɔ kɛ e nɔ hilɔ ɔ kɛ wo wo ɔ mi bum!”

Mose II, 15:4

“E tsɛ̃ Farao ɔ ta zugba lɛ ɔmɛ, kɛ e tabo ɔ tsuo ngɔ wo wo ɔ mi bum! Nɛ e tatsɛ ngua amɛ hu gbo tlɔ Wo Tsu ɔ mi.

Yesaya 43:17

Ta nguaa nɛ ngɛ he wami, nɛ je kpo kɛ e ta zugba lɛhi kɛ okpɔngɔhi babauu ɔ, e ha mɛ tsuo a nɔ si nɛ a nyɛ we nɛ a te si hu; a la a gbo kaa kane mi tako, loo kaa kane nɛ nu ta mi.