Yeremia 51:19 - BAIBLO ALOO NGMAMI KLƆUKLƆU Ɔ

¹⁹ Yakob Mawu ɔ be kaa mɛ; lɛ ji nɔ nɛ pee nɔ́ tsuaa nɔ́, nɛ e hla Israel kɛ pee lɛ nitsɛ e ma. E biɛ ji Yawɛ Tabohiatsɛ.

Yeremia 51:19 ပူးပေါင်းရင်းမြစ်များ

Yeremia 10:16

Yakob Mawu ɔ be kaa mɛ; lɛ ji nɔ nɛ pee nɔ́ tsuaa nɔ́, nɛ e hla Israel kɛ pee lɛ nitsɛ e ma. E biɛ ji Yawɛ Tabohiatsɛ.

La 73:26

Ke ye nɔmlɔ tso ɔ gbɔjɔ, nɛ ye tsui ta a, Yawɛ maa wo mi he wami, ejakaa lɛ ji ye nɔ́ fɛɛ nɔ́, nɛ e kɛ mi maa hi si daa.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

La 33:12

A gbaa ma nɛ a Mawu ji Yawɛ. A gbaa ma nɛ Yawɛ hla kaa lɛ nitsɛ e ma a.

Yesaya 47:4

Israel Mawu klɔuklɔu ɔ ha wa ye wa he. E biɛ ji Yawɛ Tabohiatsɛ.

Kɔmɔ Yemi 3:24

Yawɛ ji ye nɔ́ tsuaa nɔ́; lɔ ɔ he ɔ, i ngɔ ye hɛ kɛ fɔ e nɔ.

Yeremia 50:11

Bɔ nɛ Yawɛ de ji nɛ ɔ nɛ: “Babilonia bi, nyɛ kpata ye zugba a hɛ mi. Nyɛ kle tɔfutɔfu kaa na yihi nɛ ye niye ní kpakpa, nɛ nyɛ kpaa ngmlaa kɛ he wami kaa okpɔngɔ. Nyɛ bua jɔɔ nyɛ he, nɛ nyɛ nyaa.

La 135:4

Yawɛ nitsɛ lɛ hla Yakob kɛ ha e he; e hla Israel kɛ pee e ma.

La 115:3

Wa Mawu ɔ, hiɔwe e ngɛ; nɔ́ tsuaa nɔ́ nɛ e suɔ ɔ, lɔ ɔ e peeɔ.

La 74:2

Mo kai mo nitsɛ o ma nɛ o he kɛ je blema lokoo ɔ. Mo kai nihi nɛ o je kɛ je nyɔguɛ si himi mi, nɛ o pee mɛ mo nitsɛ o ma a. Mo kai Zion yo ɔ, he nɛ o hi sa a.

La 16:5

Yawɛ ji ye nɔ́ tsuaa nɔ́; lɛ nɛ e haa mi nɔ́ tsuaa nɔ́ nɛ hia mi. Nɔ́ nɛ maa ba ye nɔ hwɔɔ se hu, Yawɛ dɛ mi lɛ e ngɛ.

Mose V, 32:9

Se Yakob nina lɛɛ, Yawɛ hla lɛ kaa lɛ nitsɛ e ma.

Yeremia 10:12

Yawɛ lɛ bɔ je ɔ ngɛ e he wami nya. Nile lɛ e kɛ bɔ je ɔ, nɛ jamɛ a nile ɔ nɔuu e kɛ bli hiɔwe mi.

Yeremia 33:2

Yawɛ, nɔ nɛ pee je ɔ, nɛ e ngɔ je ɔ ngɔ to e blɔ he ɔ kɛ mi tu munyu. Nɔ nɛ e biɛ ji Yawɛ ɔ, de mi ke,

Yeremia 50:34

Se nɔ nɛ ma ba kpɔ mɛ ɔ, e he wa; e biɛ ji Yawɛ Tabohiatsɛ. Lɛ nitsɛ e maa ye a sane ɔ ha mɛ; e kɛ he jɔmi maa ba zugba a nɔ, se Babilonia bi ɔmɛ lɛɛ e maa hao mɛ.”

Yesaya 51:13

Anɛ Yawɛ, nɔ nɛ bɔ mo, nɛ e pee hiɔwe ploplooplo, nɛ e ngɔ zugba a sisi tomi ɔmɛ ngɔ ma si ɔ, o hɛ je e nɔ lo? Nihi nɛ ngɛ mo yi mi wae, nɛ a pee klaalo kaa a ma kpata o hɛ mi ɔ, mɛni he je o ngɛ mɛ mohu gbeye yee ɔ? A be nyɛe maa pee mo nɔ ko hu.

Yeremia 51:5

Niinɛ, Israel kɛ Yuda pee yayami kɛ si imi, Israel Nɔ Klɔuklɔu ɔ. Se imi Yawɛ Tabohiatsɛ Mawu ɔ, imi lɛɛ i kua we mɛ.