Yeremia 51:14 - BAIBLO ALOO NGMAMI KLƆUKLƆU Ɔ

¹⁴ Yawɛ Tabohiatsɛ ɔ ka e he kita ke e maa ngɔ nihi babauu kaa baalɛhi kɛ ba tua Babilonia. A maa ye kunimi, nɛ a ma hwɔ lele.

Yeremia 51:14 ပူးပေါင်းရင်းမြစ်များ

Amos 6:8

Yawɛ Tabohiatsɛ Mawu ɔ ka e he kita ke, “Israel bi ɔmɛ a he nɔ womi ɔ, i hiee; a mɔ nguangua amɛ hu, i sume. Ma ngɔ a matsɛ ma a, kɛ e mi níhi tsuo kɛ ha a he nyɛli.”

Yoel 2:25

Ní nɛ baalɛ ɔmɛ ba ha nɛ a ye jeha babauu ɔ, ma ha nyɛ ekohu. Imi nitsɛ nɛ i je baalɛ slɔɔtoslɔɔtohi a ta nguaa nɛ ɔ kɛ wo nyɛ ɔ nɛ.

Yeremia 50:15

Nyɛ he ose kɛ wo ma a he! Jehanɛ lɛɛ Babilon ha yi. Ma a sisi tomi ɔmɛ, kɛ e gbogbo ɔmɛ ku kɛ pueɔ si. I ngɛ Babilonia bi ɔmɛ a tue gblae. Lɔ ɔ he ɔ, nyɛ hu nyɛɛ ye nyɛ nitsɛmɛ nyɛ he lue; bɔ nɛ a pee ni komɛ ɔ, nyɛ hu nyɛɛ pee mɛ kɛ to nane mi.

Yeremia 49:13

Imi nitsɛ i ka ye he kita ke ma ha nɛ Bozra ma a maa pee ma doku; nihi maa ye a he fɛu, nɛ a kɛ ma a biɛ maa gbiɛ nɔ. Kɔpehi nɛ bɔle ma a tsuo a hɛ mi ma kpata kɛ ya neneene. Imi, Yawɛ lɛ i de.”

Hebribi 6:13

Benɛ Mawu wo Abraham si ɔ, e ka lɛ kita kɛ ma nɔ mi. Akɛnɛ nɔ ko be nɛ pe lɛ Mawu ɔ he je ɔ, e ngɔ lɛ nitsɛ e biɛ kɛ ka kita.

Yeremia 51:27

“Nyɛɛ si aflaangaa. Nyɛ kpa titimati nɛ je ma amɛ nɛ a nu! Nyɛ ha nɛ je ma amɛ nɛ a mia, nɛ a kɛ Babilonia ya hwu ta! Nyɛ de Ararat, Mini, kɛ Ashkenaz matsɛ yemi ɔmɛ ke a ya tua Babilonia. Nyɛ hla tatsɛ nɛ e nyɛɛ a hɛ mi. Nyɛɛ ngɔ okpɔngɔhi babauu kaa baalɛhi kɛ ba.

Yeremia 46:23

aloo nihi nɛ ngɛ hue tso gbae. A ta buli ɔmɛ ɔ, nɔ ko li a nya; a he hiɛ babauu pe baalɛhi po.

Manyadali 6:5

Ke a ma a, a hɛɛɔ a lohwehi, kɛ a bo tsuhi kɛ baa, nɛ a he hiɛɛ babauu kaa baalɛhi. A kɛ a we afukpɔngɔ ɔmɛ ɔ, nɔ ko nɔ ko nyɛ we mɛ kanemi; nɛ ke a ba a, a kpataa nɔ́ tsuaa nɔ́ hɛ mi ngɛ zugba a nɔ.

La 105:34

E tu munyu, nɛ baalɛhi ba babauu, baalɛ nguahi kɛ wawi nɛ hí kanemi.

Yeremia 44:26

Se jehanɛ, nyɛ Israel bi tsuo nɛ nyɛ ngɛ Egipt, nyɛɛ bu kita nguaa nɛ imi, Yawɛ hu i ka ye he, ngɛ ye biɛ kpetekpleenyɛ ɔ mi ɔ tue. Kɛ je mwɔnɛ ɔ kɛ yaa a, i be nyɛ ti nɔ ko nɔ ko blɔ ngmɛe hu nɛ e ngɔ ye biɛ kɛ ka kita nɛ e de ke, ‘I na Nyɔmtsɛ Yawɛ, hɛ kalɔ ɔ!’