Yeremia 51:13 - BAIBLO ALOO NGMAMI KLƆUKLƆU Ɔ

¹³ Pahi fuu ngɛ jamɛ a zugba a nɔ, nɛ a juetli hu hiɛ babauu. Se a nyagbe ɔ su; a po a wami kpa a.

Yeremia 51:13 ပူးပေါင်းရင်းမြစ်များ

Kpojemi 17:1

Enɛ ɔ se ɔ, bɔfo kpaago ɔmɛ nɛ hɛɛ kplu kpaago ɔmɛ a ti nɔ kake ba de mi ke, “Ba nɛ ma tsɔɔ mo bɔ nɛ Mawu maa gbla ajuama kpanaku ɔ tue ha. Jamɛ a ma kpetekpleenyɛ ɔ nɛ a ma ngɔ fɔ pahi babauu a tue ɔ i ngɛ tsɔɔe ɔ nɛ.

Kpojemi 17:15

Bɔfo ɔ ya nɔ nɛ e de mi ke, “Nyu kpekpemi ɔ nɛ o na nɛ yo ajuama a hii si ngɛ nɔ ɔ daa si ha mahi, je mahi, nimli slɔɔtoslɔɔtohi, kɛ gbi munomunohi.

Yesaya 45:3

Ma je juetli kpo ha mo kɛ je diblii mi, kɛ je hehi nɛ a ngɔ mɛ ngɔ laa ngɛ ɔ, konɛ o na nɛ o le kaa imi Yawɛ, Israel Mawu ɔ, i le mo, nɛ i kɛ o biɛ tsɛɔ mo.

Yeremia 51:36

Lɔ ɔ he ɔ, bɔ nɛ Yawɛ de Israel bi ɔmɛ ji nɛ ɔ nɛ: “Ma ye nyɛ sane ɔ ha nyɛ, nɛ ma gbla nyɛ he nyɛli ɔmɛ a tue ha nyɛ. Ma ha nɛ Babilonia wo ɔ, kɛ pa amɛ ma gbli.

Mose I, 6:13

Mawu de Noa ke, “I to kaa ma kpata nimli adesahi tsuo kulaa a hɛ mi, ejakaa a ha je ɔ tsuo pee kɛ yayami sɔuu. Ɛɛ, ma kpata a kɛ je ɔ tsuo a hɛ mi.

Kpojemi 18:19

A kɛ zu wo a yi mi, nɛ a wo yana, nɛ a nya awe. A kpa ngmlaa, nɛ a de ke, “Tsaoo! Akuanyɛ ha ma kpetekpleenyɛ ɔ! Lɛtsɛmɛ tsuo nɛ yeɔ jua ngɛ wo hɛ mi ɔ gu ní babauu nɛ e na a nɔ ba plɛ niatsɛmɛ. Nɛ ngmlɛfia kake too mi ɔ, ní babauu nɛ e na a tsuo bɔ lɛ!”

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.

1 Petro 4:7

Níhi tsuo a nyagbe ɔ su ta. Lɔ ɔ he ɔ, nyɛ hɛ nɛ dɔ, nɛ nyɛ hɛ nɛ ka si, konɛ nyɛ nyɛ́ nɛ nyɛɛ sɔle.

Amos 8:2

Yawɛ tsɛ ye biɛ, nɛ e bi ke, “Amos, mɛni o na?” I he nɔ ke, “Kusii kɛ e mi tso yiblii nɛ fu.” Kɛkɛ nɛ Yawɛ de mi ke, “Tso yiblii ɔ daa si ha ye ma Israel. Bɔ nɛ tso yiblii ɔ fu ɔ tsɔɔ kaa be ɔ su jehanɛ, nɛ ma gbla a tue; i be ye yi mi tomi ɔ tsakee hu.

Daniel 5:26

E sisi ji nɛ ɔ nɛ: MENE: Mawu kane o matsɛ yemi ligbi ɔmɛ, nɛ e kɛ o matsɛ yemi ɔ ba nyagbe.

Kɔmɔ Yemi 4:18

He nyɛlɔ ɔ ngɛ wa nane hiɔe, lɔ ɔ he ɔ, wa nyɛ we nɛ waa nyɛɛ kɛ be ngɛ wa gbɛjegbɛ ɔmɛ a nɔ tete po. Wa nyagbe ɔ su jehanɛ; wa ligbi ɔmɛ a nya ta; wa hɛ mi kpata.

Yeremia 50:37

Ta ma ba na okpɔngɔ ɔmɛ, kɛ zugba lɛ ɔmɛ; ta ma ba na ma se ta buli tsuo nɛ ngɛ Babilonia a; a he wami maa ta, nɛ a maa pee kaa yihi pɛ! A maa ha a juetli tsuo!

Yeremia 50:31

“Babilonia bi, nyɛ woɔ nyɛ he nɔ. Enɛ ɔ he je ɔ, imi Nyɔmtsɛ Yawɛ Tabohiatsɛ ɔ, i kɛ nyɛ maa to ní. Nyɛ be ɔ su; be ɔ nɛ ma gbla nyɛ tue ɔ su.

Yeremia 50:27

Nyɛɛ gbe a ta buli ɔmɛ tsuo! Nyɛ kpata a hɛ mi pɛsɛpɛsɛ! Babilonia bi ɔmɛ a yi fi wawɛɛ nitsɛ. A tue gblami be ɔ su!”

Yeremia 17:11

Nɔ nɛ náá ní ngɛ blɔ nɛ dɛ nɔ ɔ, e ngɛ kaa bebee nɛ ya bu hlui nɔ nɛ e pɛ bi, nɛ pohu pi lɛ nɛ ngmɛ hlui ɔ. E nihe mi ɔ, e dɛ mi ma ba ta; nɛ e nyagbe be mi ɔ, e ma ba pee kuasia.

Yesaya 43:14

Yawɛ, yi wami helɔ, Israel Mawu Klɔuklɔu ɔ, bɔ nɛ e de ji nɛ ɔ nɛ: “Ma tsɔ nihi kɛ ya Babilon tɔɔ kɛ he o yi wami. Ma ku agbo ɔmɛ ngɔ pue si, nɛ lele nɛ a ngɛ hwɔe ɔ ma plɛ pee kɔmɔ yemi.

Yesaya 57:17

Ye mi mi fu mɛ, nɛ i gbla a tue, nɛ i kua mɛ; ejakaa a peeɔ yayami, nɛ a hɛ kɔ̃ɔ̃; se kɛ̃ ɔ, a wa tue, nɛ a ya nɔ pee níhi nɛ mɛ nitsɛmɛ a suɔ.

La 137:1

Babilon pa amɛ a tue wa hi si ngɛ nɛ wa wo yana, benɛ wa kai Zion ɔ.