Yeremia 50:7 - BAIBLO ALOO NGMAMI KLƆUKLƆU Ɔ

⁷ Nɔ tsuaa nɔ nɛ maa na mɛ ɔ ma tua mɛ. Nɔ́ nɛ a he nyɛli ɔmɛ deɔ ji ‘Wɔɔ lɛɛ wa tɔ we. Mɛ lɛ a pee yayami kɛ si Yawɛ, Mawu dami sane yelɔ ɔ nɛ a nɛmɛ ɔmɛ ngɔ a hɛ ngɔ fɔ e nɔ ɔ.’

Yeremia 50:7 ပူးပေါင်းရင်းမြစ်များ

Yeremia 14:8

Mo pɛ o nɔ Israel ngɔɔ e hɛ ngɔ fɔɔ; mo lɛ o jeɔ wɔ kɛ jeɔ amanehlu mi. Mɛni he je o pee kaa nubwɔ ngɛ zugba a nɔ, kaa blɔ nyɛɛlɔ nɛ gba ba to nubwɔ ligbi kake kɛkɛ?

Yeremia 2:3

Jamɛ a be ɔ mi ɔ, imi nitsɛ ye nihi nɛ i hla ji nyɛ Israel bi; ye weto ní klɔuklɔu ji nyɛ. Nihi tsuo nɛ pee nyɛ yayami ɔ, i ngɔ haomi kɛ gbla a tue. Imi, Yawɛ lɛ i de.”

Zakaria 11:5

Totsɛmɛ ɔmɛ juaa to ɔmɛ, nɛ a deɔ ke, ‘Wa ná ní. Nyɛ ha wa je Yawɛ yi.’ Nihi nɛ heɔ to ɔmɛ ɔ, ya gbee mɛ nɛ nɔ ko gbla we a tue. To hyɛli ɔmɛ nitsɛmɛ lɛɛ, to ɔmɛ a he mɔbɔ ko kulaa pee we mɛ.”

Yeremia 31:23

Yawɛ Tabohiatsɛ, Israel Mawu ɔ ke “Ke i kpale ma a kɛ ba mɛ nitsɛmɛ a zugba a nɔ ekohu ɔ, a ma de ngɛ Yuda zugba a nɔ, kɛ ma amɛ a mi ekohu ke, ‘Yawɛ nɛ gbaa Yerusalem yo klɔuklɔu ɔ, he nɛ lɛ Yawɛ nitsɛ hii ɔ.’

Yeremia 50:17

Bɔ nɛ Yawɛ de ji nɛ ɔ nɛ: “Israel bi ngɛ kaa tohi nɛ jatahi fie mɛ, nɛ a gbɛ mɛ ngɔ fĩa. Kekleekle ɔ, Asiria matsɛ ba tua mɛ, nɛ e ye mɛ; lɔ ɔ se ɔ, Babilonia matsɛ, Nebukadnezar ba kpe a wuhi.

1 Timoteo 1:1

Imi Paulo nɛ ba pee Kristo Yesu bɔfo ngɛ Mawu, wa kpɔlɔ ɔ, kɛ Kristo Yesu, nɔ nɛ wa ngɔ wa hɛ kɛ fɔ e nɔ ɔ fami nya a,

Zakaria 1:15

Se mahi nɛ a he mi jɔ mɛ, nɛ a tue mi hu jɔ mɛ ɔ, ye mi mi fu mɛ wawɛɛ nitsɛ. Ejakaa imi lɛɛ be bɔɔ ko kɛkɛ ye mi mi fu ye ma a, se jamɛ a ma kpa amɛ lɛɛ a ha ye ma a nɔ́ nami ɔ ngɛ nɔ yae mohu.

Daniel 9:16

Mo ji nɔ nɛ fa wa he be ko nɛ be ɔ. Lɔ ɔ he ɔ, wa kpa mo pɛɛ nɛ o mi mi ko fu Yerusalem hu. Mo nitsɛ o ma ji lɛ; o yo klɔuklɔu. Wa he yayami ɔmɛ, kɛ wa nɛmɛ ɔmɛ a ní yayami ɔmɛ nɛ a pee ɔ a he je ɔ, je ma amɛ tsuo nɛ bɔle wɔ ɔ yeɔ Yerusalem kɛ o ma a a he fɛu.

Daniel 9:6

O tsɔli ɔmɛ, nɛ ji gbali ɔmɛ nɛ o tu munyu kɛ gu a nɔ kɛ tsɔɔ wa matsɛmɛ ɔmɛ, wa ganɔ ɔmɛ, wa nɛmɛ ɔmɛ, kɛ wa ma a tsuo ɔ, wa bui mɛ tue fɛɛ.

Yeremia 50:33

Bɔ nɛ Yawɛ Tabohiatsɛ ɔ de ji nɛ ɔ nɛ: “A wa Israel bi ɔmɛ, kɛ Yuda bi ɔmɛ tsuo yi mi. Ni nɛmɛ nɛ nuu mɛ ɔ hɛɛ mɛ kpɛii, nɛ a kplɛɛ we kaa a maa ngmɛɛ a he nɛ a ho.

Yesaya 56:9

Yawɛ de je ma amɛ nɛ je ma se ɔ ke á ba kaa lohwe dikali, nɛ a ba tsɔtslɔɔ e ma mi bi ɔmɛ a mi.

Yesaya 47:6

Ye ma a wo ye mi mi la; lɔ ɔ he ɔ, i bui mɛ kaa ye ma hu. I ngɔ mɛ ngɔ wo o sisi, nɛ o nɛ́ mɛ mɔbɔ ko kulaa; nihi nɛ bwɔ po, o wa mɛ yi mi wawɛɛ nitsɛ.

Yesaya 9:12

Siria ngɛ beleku je, nɛ Filistia ngɛ bonyoku je. A pa a nya mi hatoo, konɛ a mii Israel. Enɛ ɔ tsuo se ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

La 91:1

Nɔ nɛ hii Hiɔwe No ɔ laami he ɔ, Ope ɔ nitsɛ maa baa e yi.

La 90:1

Nyɔmtsɛ, mo ji wa wesa he ngɛ yi nɔhi tsuo a mi.

La 79:7

Ejakaa a gbe o ma mi bi ɔmɛ, nɛ a kpata o zugba a hɛ mi.

La 71:5

Nyɔmtsɛ, i ngɔ ye hɛ kɛ fɔ o nɔ. Yawɛ, kɛ je ye nihe mi tɔɔ ɔ, mo, o nɔ i ngɔ ye hɛ kɛ fɔ.

Yeremia 5:17

A maa ye nyɛ ngmɔ niba ní ɔmɛ, kɛ nyɛ niye ní ɔmɛ tsuatsuaatsua; a maa gbe nyɛ binyumu ɔmɛ, kɛ nyɛ biyi ɔmɛ. A ma tsɔtslɔɔ nyɛ to ɔmɛ, kɛ nyɛ na amɛ, nɛ a ma kpata nyɛ wai, kɛ nyɛ ngmɔkɔ ɔmɛ a hɛ mi. Nyɛ mahi nɛ a fia gbogbo ngɔ wo a he, nɛ nyɛ ngɔ nyɛ hɛ kɛ fɔ a nɔ ɔ, he nyɛli ɔmɛ a tabo ɔmɛ ma kpata jamɛ a ma amɛ a hɛ mi.

Yeremia 10:25

Je ma amɛ nɛ li mo ɔ, o mi mi nɛ fu mɛ; ni nɛmɛ nɛ ja we mo ɔ, gbla a tue. A gbe o ma mi bi nɛ ji Yakob nina a; a kpata wa hɛ mi pɛsɛpɛsɛ, nɛ a pee wa zugba a kaa nga kplanaa nɔ.

Yeremia 17:13

Yawɛ, Israel ma a ngɔ a hɛ ngɔ fɔ o nɔ; nɔ tsuaa nɔ nɛ ma kua mo ɔ, zo maa gbe lɛ. A maa laa kaa biɛ nɛ a ngma ngɛ zu mi, ejakaa a kua mo Yawɛ, mo wami nyu vu ɔ.

Ezekiel 34:5

To hyɛlɔ ko be; lɔ ɔ he ɔ, to ɔmɛ gbɛ fĩa, nɛ lohwe awi yeli ya nuu mɛ nɛ a ye.

Ezekiel 35:12

O ma na maa le jehanɛ kaa imi Yawɛ, i nu o musu bɔmi munyu ɔmɛ nɛ o tu kɛ si Israel yo ɔmɛ ke, ‘Yo ɔmɛ a nɔ pee pasaa; a ngɔ kɛ ha wɔ nɛ waa pee mɛ bɔ nɛ wa suɔ’ ɔ.

Yeremia 33:15

Jamɛ a be ɔ mi ɔ, ma hla dalɔ ko kɛ je David nina a a kpɛti nɛ e ye matsɛ. Matsɛ nɛ ɔ maa ye dami sane, nɛ e maa pee nɔ́ nɛ da ngɛ zugba a nɔ tsuo.

Yeremia 33:16

E yi nɔ ɔ, a ma he Yuda yi wami, nɛ tue mi jɔmi maa ba Israel. Nɛ biɛ nɛ a kɛ ma tsɛ lɛ ji, ‘Yawɛ ji wa dami.’

Yeremia 50:14

“Nyɛ kɛ̃ɛ̃ tsɛ̃li, nyɛ gba ta kɛ wo Babilon he nɛ nyɛ sa ma a yi. Nyɛ tsɛ̃ nyɛ kɛ̃ɛ̃ mi bi ɔmɛ tsuo kɛ wo ma a he, ejakaa a pee yayami kɛ si imi Yawɛ.