Yeremia 50:6 - BAIBLO ALOO NGMAMI KLƆUKLƆU Ɔ

⁶ “Ye ma a ngɛ kaa tohi nɛ a hyɛli ɔmɛ ha nɛ a nane kpata ngɛ yo ɔmɛ a nɔ. A ngɛ kaa tohi nɛ a ngmɛɛ a he, nɛ a wo lalaalo ngɛ yo ɔmɛ a nɔ hluu kɛ ya si a hi he po laa mɛ.

Yeremia 50:6 ပူးပေါင်းရင်းမြစ်များ

Yesaya 53:6

Wɔ tsuo wa ngɛ kaa tohi nɛ laa blɔ; nɔ tsuaa nɔ ngɔ lɛ nitsɛ e blɔ. Se tue gblami nɛ sa wɔ tsuo ɔ, Yawɛ ngɔ kɛ ha lɛ.

Mateo 9:36

Benɛ e na ma kpekpemi ɔ, e mi mi sã lɛ ngɛ ni ɔmɛ a he, ejakaa pɔ tɔ mɛ, nɛ a dɛ yaa kaa tohi nɛ be hyɛlɔ.

Mateo 10:6

Mohu ɔ, nyɛɛ ya Israel bi nɛ a ngɛ kaa tohi nɛ laa a a ngɔ.

Ezekiel 34:14

Ma ha nɛ a maa ye ní ngɛ tue mi jɔmi mi ngɛ yo ɔmɛ a nɔ, kɔ̃ ɔmɛ a mi, kɛ hehi tsuo nɛ nga mumu ngɛ ngɛ Israel zugba a nɔ.

Yeremia 50:17

Bɔ nɛ Yawɛ de ji nɛ ɔ nɛ: “Israel bi ngɛ kaa tohi nɛ jatahi fie mɛ, nɛ a gbɛ mɛ ngɔ fĩa. Kekleekle ɔ, Asiria matsɛ ba tua mɛ, nɛ e ye mɛ; lɔ ɔ se ɔ, Babilonia matsɛ, Nebukadnezar ba kpe a wuhi.

La 119:176

I ngɛ lalaalo woe kaa to nɛ laa; mo hla imi, o tsɔlɔ ɔ koo! Ejakaa i je we ye hɛ ngɛ o mlaa amɛ a nɔ.

Yeremia 50:19

Ma kpale Israel bi ɔmɛ kɛ ba mɛ nitsɛmɛ a zugba a nɔ ekohu. A maa ye niye ní nɛ baa ngɛ Karmel yo ɔ nɔ, kɛ Bashan zugba a nɔ ɔ. A ma na ní maa ye bɔ nɛ a suɔ ngɛ Efraim kɛ Gilead zugba a nɔ.

Yeremia 3:6

Benɛ Yosia ngɛ matsɛ yee ɔ, Yawɛ de mi ke, “Tse o na nɔ́ nɛ Israel pee? Israel je ye se nɛ e ya ja mawu kpahi ngɛ yokuhi tsuo nɛ ya hiɔwe a nɔ, kɛ tsohi tsuo nɛ bɔ kusuu a sisi. E ngɛ kaa yo yaholɔ pɛ.

La 116:7

Ye nɔ gbagba maa te, nɛ ye bua maa jɔ ekohu; ejakaa Yawɛ dloo mi babauu.

La 91:1

Nɔ nɛ hii Hiɔwe No ɔ laami he ɔ, Ope ɔ nitsɛ maa baa e yi.

1 Petro 2:25

Jinɛ nyɛ laa blɔ kaa tohi. Se amlɔ nɛ ɔ, nyɛ kpale kɛ ba nyɛ hyɛlɔ, kɛ nyɛ he bulɔ ɔ ngɔ.

Mateo 15:24

Yesu he nɔ ke, “Israel ma nɛ ngɛ kaa to nɛ laa a, mɛ pɛ a ngɔ nɛ a tsɔ mi.”

Yeremia 10:21

I he nɔ ke, “Wa nɔ yeli ɔmɛ be juɛmi; a bi we Yawɛ ga womi. Enɛ ɔ he je ɔ, a yɛ́ nɔ; nɛ wa ma mi bi ɔmɛ tsuo gbɛ fĩa.

Yeremia 3:23

Niinɛ, wɔhi nɛ wa ngɛ jae ngɛ yoku ɔmɛ a nɔ kɛ huhui bami nɛ ɔ, wa na we a he se ko. Yawɛ, wa Mawu ɔ pɛ ji Israel he piɛlɔ, kɛ yi wami helɔ.

Yeremia 2:32

Anɛ yiheyo hɛ maa je e june nɔ lo? Anɛ ayɛflo hɛ maa je e tade nɔ lo? Se ye ma a lɛɛ a hɛ je ye nɔ ligbi babauu nɛ e be hie kanemi.

Yeremia 2:20

Nyɔmtsɛ Yawɛ ke, “Israel, blema lokoo lɛ o je o he kɛ je ye he wami sisi; o de ke o be mi jae hu fɛɛ. O kpla si ha amagahi ngɛ yoku tsuaa yoku nɛ ya hiɔwe nɔ, kɛ tso tsua tso nɛ bɔ kusuu sisi.

Yesaya 32:2

Nɔ tsuaa nɔ maa pee kaa wesa he ngɛ kɔɔhiɔ kɛ ahumi nya, kaa pa nɛ ywia nga ngɛ zugba kpataa nɔ, aloo kaa zugba kplanaa nɔ tɛ sa sisi hɔ̃.

Yesaya 30:15

Nyɔmtsɛ Yawɛ, Israel Mawu klɔuklɔu ɔ ngɛ ma a dee ke, “Nyɛɛ kpale kɛ ba, nɛ nyɛɛ ngɔ nyɛ hɛ ngɔ fɔ ye nɔ kpoo. Ja jã loko nyɛ he maa wa, nɛ nyɛ ma na wami.” Se nyɛ kplɛɛ we kaa nyɛ maa pee ja!

La 90:1

Nyɔmtsɛ, mo ji wa wesa he ngɛ yi nɔhi tsuo a mi.

La 32:7

Mo ji ye laami he; o jeɔ mi kɛ jeɔ haomi mi. Mo lɛ o po piɛ kɛ bɔle mi kɛ kpe, nɛ o ha nɛ i ye ye he.

La 23:2

E haa nɛ i jɔɔ ye he ngɛ nga mumu nɔ, nɛ e ngɔɔ mi kɛ yaa takuhi kɛ a mi nyu jɔjɔɛ he.

Yeremia 13:16

Nyɛɛ wo Yawɛ, nyɛ Mawu ɔ hɛ mi nyami be mi nɛ e ha we nɛ diblii nɛ wo nyɛ nɛ nyɛ ba tɛ si ngɛ yoku ɔmɛ a nɔ, be mi nɛ e ha we nɛ la nɛ nyɛ ngɛ blɔ hyɛe ɔ nɛ plɛ pee diblii kpii.

Yeremia 23:1

Ma nɔ yeli nɛ kpataa Yawɛ ma a hɛ mi, nɛ a gbɛɛ mɛ ngɔ fĩaa a, musu tloo mɛ!

Yeremia 33:12

Yawɛ Tabohiatsɛ ɔ ke, “Zugba nɛ ɔ nɛ ngɛ kaa nga kplanaa nɔ, kɛ ma amɛ nɛ plɛ pee ma dokuhi nɛ nɔmlɔ adesa, loo lohwe be a mi ɔ, be ma nɛ hiɛmɛ nɛ ɔ ma ba pee lohwehi a lɛmi he, nɛ to hyɛli kɛ a lohwehi ma ba hi hiɛ ɔ ekohu.

Ezekiel 13:10

“Gbali ɔmɛ mlɔɔ ye ma a; a deɔ ke, ‘Nyɛ he manye!’ be mi nɛ tue mi jɔmi ko be kulaa; ye ma a mi bi ɔmɛ fia gbogbo ɔ, nɛ gbali ɔmɛ ngɔ kalo kɛ kpa he.

Ezekiel 34:15

Imi nitsɛ ma lɛ ye to ɔmɛ; nɛ ma ha mɛ he ko nɛ a maa jɔɔ a he ngɛ. Imi, Nyɔmtsɛ Yawɛ lɛ i de.

Ezekiel 34:16

“Tohi nɛ laa a, ma ya hla mɛ; ní nɛmɛ nɛ tla blɔ ɔ, ma ya tsɔ́ mɛ kɛ ba; ní nɛmɛ nɛ plaa a, ma fi a pa amɛ a nɔ ha mɛ; hiɔtsɛmɛ ɔmɛ hu ma tsa mɛ. Se ní nɛmɛ nɛ wo zɔ, kɛ ní nɛmɛ nɛ ngɛ he wami saminya a, ma kpata a hɛ mi; ejakaa i yeɔ dami sane.

Yesaya 1:3

Nahi le a tsɛ, nɛ tejihi hu le he nɛ a nɔ hyɛlɔ haa mɛ ní ngɛ. Se imi nitsɛ ye ma Israel ɔ, mɛɛ lɛɛ a li nɔ́ ko nɔ́ ko; a juɛmi bɛ he.”