Yeremia 50:32 - BAIBLO ALOO NGMAMI KLƆUKLƆU Ɔ

³² Nyɛ, ma he nɔ woli nɛ ɔmɛ ɔ, nyɛ ma tɛ nɔ́ nɛ nyɛ maa nɔɔ si, nɛ nɔ ko nɔ ko be nyɛ nɔ woe. Ma mɛ nyɛ ma amɛ a he la, nɛ nɔ́ tsuaa nɔ́ nɛ bɔle mɛ kɛ kpe ɔ hɛ mi ma kpata.”

Yeremia 50:32 ပူးပေါင်းရင်းမြစ်များ

Yeremia 49:27

Ma mɛ Damasko gbogbo ɔ he la, nɛ ma sã Matsɛ Benhadad mɔ ɔmɛ. Imi, Yawɛ Tabohiatsɛ ɔ lɛ i de.”

Yeremia 21:14

Se imi lɛɛ ma gbla o tue ngɛ nɔ́ nɛ o pee ɔ he. Ma mɛ o matsɛ we ɔ he la, nɛ la a maa sa nɔ́ tsuaa nɔ́ kɛ bɔle si. Imi, Yawɛ lɛ i de.”

Kpojemi 18:8

Enɛ ɔ he je ɔ, haomi nɛ ɔmɛ maa ba e nɔ ligbi kake too: gbenɔ hiɔ, aywilɛho, kɛ hwɔ. Nɛ a kɛ la maa sã lɛ, ejakaa Nyɔmtsɛ Mawu ɔ nɛ maa kojo lɛ ɔ, e kle.”

Amos 2:5

Ma mɛ Yuda ma a, kɛ Yerusalem mɔ ɔmɛ a he la.”

Amos 2:2

Ma mɛ Moab zugba a, kɛ Keriot mɔ ɔmɛ a he la. Be mi nɛ ta a pee hoo, nɛ ta buli he ose, nɛ titimatihi ngɛ pɛe ɔ, Moab ma mi bi ɔmɛ ma gbo ngɔ pue si.

Amos 1:14

Ma mɛ Raba gbogbo ɔmɛ, kɛ mɔ ɔmɛ a he la. A ma he ose hoo ta hwumi ligbi ɔ, nɛ ta a ma puɛ ní kaa lasiogblee.

Amos 1:12

Ma mɛ Teman ma a, kɛ Bozra mɔ ɔmɛ a he la.”

Amos 1:10

Ma mɛ Tiro gbogbo ɔmɛ, kɛ mɔ ɔmɛ a he la.”

Amos 1:7

Ma mɛ Gaza gbogbo ɔmɛ, kɛ mɔ ɔmɛ a he la.

Amos 1:4

Ma mɛ we ɔ nɛ Matsɛ Hazael po ɔ he la, nɛ Matsɛ Benhadad mɔ ɔmɛ maa sã.

Daniel 5:20

Se akɛnɛ e wo e he nɔ, nɛ e wa tue, nɛ e pee yi wu tso níhi he je ɔ, a je lɛ kɛ je e matsɛ sɛ ɔ nɔ, nɛ e hɛ mi nyami ɔ bɔ lɛ.

Yeremia 51:64

nɛ o de ke, ‘Bɔ nɛ Babilonia ma mu kɛ ya nyu sisi ji nɛ ɔ nɛ. Babilonia ma mu, nɛ e be hiae hu, ejakaa Yawɛ ma kpata zugba a hɛ mi pɛsɛpɛsɛ.’ ” Yeremia sɛ gbi ɔ nya ta ngɛ hiɛ ɔ.

Yeremia 51:26

Tɛhi nɛ maa je o mi ɔ, a be eko ngɔe kɛ ma tsu; a kɛ be kɔ nya tɛ, loo tsu sisi tomi tɛ pee. Mohu ɔ, o maa pee kaa zugba kplanaa kɛ ya neneene. Imi, Yawɛ lɛ i de.

Abɛ Womi 18:12

Nɔ nɛ baa e he si ɔ, a maa wo e hɛ mi nyami; ni nɛmɛ nɛ woɔ a he nɔ ɔ, mɛɛ lɛɛ hɛ mi kpatami blɔ nɔ a ngɛ.

Abɛ Womi 16:18

Nɔ nɛ woɔ e he nɔ ɔ, e hɛ mi kpataa; nɔ nɛ tsɔɔ e he ɔ, e blɔ nya jeɔ e dɛ.

Mose V, 32:22

Ye mi mi fumi nya maa wa wawɛɛ kaa la nɛ ngɛ tsoe; e maa sã nɔ́ tsuaa nɔ́ ngɛ je ɔ mi kɛ ya su gbeje tɔɔ; e maa sã yo ɔmɛ a sisi tomi ɔmɛ hulɔ.

La 119:78

Nihi nɛ woɔ a he nɔ ɔ, ha zo nɛ gbe mɛ; ejakaa a po ye nya yaka gu; se imi lɛɛ o mlaa amɛ a he pɛ ma susu.

Amos 5:2

Israel bi nɛ nyɛ ngɛ kaa zangmawi! Nyɛ nɔ ta, nɛ nyɛ be si tee hu. A gbe nyɛ ngɔ pue nyɛ nitsɛmɛ nyɛ zugba nɔ; Nɛ nɔ ko bɛ nɛ e ba wo nyɛ nɔ.