Yeremia 50:2 - BAIBLO ALOO NGMAMI KLƆUKLƆU Ɔ

² “Nyɛɛ fiɛ munyu nɛ ɔ kɛ ha je ma amɛ! Nyɛɛ si aflaangaa, nɛ nyɛɛ fiɛ! Nyɛ ko laa nɔ́ ko nɔ; nyɛ de ke, ‘A ngɔ Babilon oo, a ngɔ Babilon! Babilon mawu ɔ nɛ a tsɛɛ Marduk ɔ, a kpata e hɛ mi. A pue Babilon wɔ ɔmɛ a hɛ mi si, nɛ a ywia amaga amɛ dukuduku.’

Yeremia 50:2 ပူးပေါင်းရင်းမြစ်များ

Yesaya 46:1

“Babilon mawu ɔmɛ a nyagbe ji nɛ ɔ nɛ. Be ko ɔ, a ja Bel kɛ Nebo. A hɛɛɔ mɛ kɛ hii si poe. Se jehanɛ lɛɛ a plɛ pee tlomi ngɛ tejihi nɛ pɔ tɔ mɛ a se mi.

Yesaya 21:9

Tlukaa a, ta zugba lɛ kɛ e mi nimli, kɛ okpɔngɔ ta buli nɛ to enyɔɔnyɔ ji nɛ ɔ nɛ ba hia kpo. Kɛkɛ nɛ bulɔ ɔ kpa ngmlaa ekohu ke, “Babilon hɛ mi kpata oo, e hɛ mi kpata! Amaga amɛ nɛ a ngɛ jae ɔ tsuo ku pueɔ si!”

Yeremia 51:47

Lɔ ɔ he ɔ, be ma nɛ i kɛ Babilonia amaga amɛ maa to ní. Babilonia zugba a tsuo hɛ mi ma pue si, nɛ Babilonia bi ɔmɛ tsuo a hɛ mi ma kpata.

Yeremia 51:44

Ma gbla Babilonia mawu ɔ nɛ a tsɛɛ Bel ɔ tue, nɛ ma je e ju ní ɔmɛ kpo; je ma amɛ be lɛ jae hu. “Babilon gbogbo ɔmɛ ku kɛ pueɔ si.

Kpojemi 18:2

E kpa ngmlaa wawɛɛ ke, “Babilon hɛ mi kpata! Babilon ma kpetekpleenyɛ ɔ hɛ mi kpata! Piɔ lɛɛ e plɛ mumi yayamihi tsuo a si himi he; e plɛ lohwe pɛlitsɛmɛ, kɛ lohwe awi yeli nɛ a hiee tsuo a si himi he.

Zefania 2:11

Yawɛ hɛ maa dɔ kɛ wo mɛ. Yawɛ ma kpata wɔ ɔmɛ tsuo a hɛ mi ngɛ zugba a nɔ, nɛ je ma amɛ, wo kpo ɔ, kɛ zugbahi nɛ wo bɔle mɛ ɔ tsuo ma ja lɛ, nɔ tsuaa nɔ ngɛ lɛ nitsɛ e zugba nɔ.

Yeremia 52:31

Jeha mi nɛ Evilmerodak ba bɔni matsɛ yemi ngɛ Babilonia ma a nɔ ɔ, e na Yuda matsɛ, Yehoyakin mɔbɔ, nɛ e je lɛ kɛ je tsu mi jamɛ a jeha a nɔuu. Nyɔhiɔ nyɔngma kɛ enyɔ ɔ we ligbi nɛ ji nyingmi enyɔ kɛ enuɔ ɔ nɔ lɛ a ngmɛɛ Yehoyakin he ɔ nɛ. Jamɛ a be ɔ, Yehoyakin na jeha nyingmi etɛ kɛ kpaago momo ngɛ nyɔguɛ si himi mi.

Yeremia 51:52

Lɔ ɔ he ɔ, i ngɛ dee ke, be ma nɛ i kɛ Babilon amaga amɛ maa to ní, nɛ a maa nu nihi nɛ plaa a he nɛ a ngɛ kɛmɛe ngɛ zugba a nɔ tsuo.

Yeremia 51:31

Tsɔli babauu ngɛ fo nɔ kɛ yaa nɛ a ya bɔ Babilonia matsɛ ɔ amaniɛ ke he nyɛli ba ngɔ e ma a tsuo.

Yeremia 51:8

Babilonia nɔ si tlukaa, nɛ e hɛ mi kpata. Nyɛ nya awe ha lɛ! Nyɛɛ to e pa amɛ a nɔ tsopa kaa alini e ma na he wami lo.

Yeremia 50:46

Ke Babilon hɛ mi kpata a, ose nɛ a ma he ɔ nya maa wa wawɛɛ nitsɛ, bɔ nɛ zugba po ma mimiɛ. Je ma kpa amɛ tsuo maa nu ose nɛ ɔ he.”

Yeremia 46:14

“Nyɛɛ fiɛ ngɛ Egipt ma amɛ a mi, ngɛ Migdol, Memfis, kɛ Tapanhes ke, ‘Nyɛɛ mia, nɛ nyɛɛ pee klaalo, ejakaa ta ngɛ ní puɛe ngɛ mahi nɛ bɔle nyɛ ɔ a mi kɛ ma!

Yeremia 31:10

Yawɛ ke, “Nyɛ je mahi, nyɛɛ bu mi tue nɛ nyɛɛ fiɛ ye munyu ɔmɛ ngɛ wo kpɔ ɔmɛ a nɔ tsitsaa lokoo ke, ‘Nɔ nɛ gbɛ Israel ma a ngɔ fĩa a, lɛ nɔuu e ma bua a nya ekohu, nɛ e maa hyɛ a nɔ kaa bɔ nɛ to hyɛlɔ hyɛɛ e tohi ɔ.’

Yeremia 6:18

Lɔ ɔ he ɔ, Yawɛ de ke, “Nyɛ je ma amɛ, nyɛɛ bu tue nɛ nyɛɛ nu sane nɛ maa ba ye ma a nɔ.

Yeremia 4:16

A ma nɛ a ba ha nɛ je ma amɛ nɛ a le, nɛ Yerusalem hu nɛ e nu kaa he nyɛli komɛ je ma se tsitsaa kɛ ma nɛ a ba sá ma a yi. He nyɛli nɛ ɔmɛ ma he ose kɛ wo Yuda ma amɛ a he.

Yesaya 48:6

“Jehanɛ, níhi nɛ i gba ngɔ to ɔ tsuo ba mi. Anɛ e sɛ kaa nyɛ kplɛɛɔ nɔ kaa ja i de ɔ lo? Jehanɛ ma gba nyɛ ní hehi nɛ maa ba hwɔɔ se, laami mi sanehi nɛ maa ba, nɛ i je we kpo kɛ tsɔɔ we hyɛ.

Yesaya 39:1

Jamɛ a be ɔ, Babilonia matsɛ, Merodak Baladan, Baladan bi nyumu ɔ, nu kaa Matsɛ Hezekia ba na we he wami. Lɔ ɔ he ɔ, e ngma womi, nɛ e tsɔ nɛ a kɛ nike ní piɛ he ya ha lɛ.

Yesaya 37:19

nɛ a sã a mawu ɔmɛ. A kpata a hɛ mi, ejakaa tsa pi mawu nitsɛnitsɛhi ji mɛ; nimli a nine nya ní tsumihi, kɛ tsohi, kɛ tɛhi kɛkɛ ji mɛ.

Yesaya 13:2

Nyɛɛ si aflangaa ngɛ yo kpataa ko nɔ. Nyɛ kpa ngmlaa kɛ tsɛ ta buli ɔmɛ; nyɛɛ fɔ mɛ nine kɛ pee okadi ha mɛ ke a ya tua odehe ɔmɛ a ma a, nɛ a sɛ agbo ɔmɛ a mi.

Yesaya 12:4

Jamɛ a ligbi ɔ, ma a ma la nɛ a ma de ke, “Nyɛɛ na Yawɛ si! Nyɛɛ wo e biɛ ta! Nyɛ ha je ma amɛ tsuo nɛ le níhi nɛ e pee ɔ! Nyɛ ha nɛ a le kaa Yawɛ kle!

La 96:3

Nyɛɛ fiɛ nɛ je ma amɛ tsuo nɛ a nu kaa Yawɛ hɛ mi ngɛ nyami, kaa e tsuɔ ní nguanguahi.

La 64:9

Nɔ tsuaa nɔ maa ye gbeye. A maa sɛɛ nyakpɛ níhi nɛ Mawu tsu, nɛ a ma susu a he saminya.

La 97:7

Amaga jali, kɛ nihi tsuo nɛ fĩaa kɛ fɔɔ yakayaka wɔhi a nɔ, nyɛ hɛ mi pue si pɛ! Nyɛ mawuhi tsuo, nyɛ kpla si ngɛ Yawɛ hɛ mi.

Yesaya 48:20

Nyɛɛ je Babilon esɔesɔ; nyɛ wo fo! Nyɛ hwɔ lele nɛ a nu ngɛ he tsuaa he ke, “Yawɛ he e tsɔlɔ Israel yi wami!”

Yeremia 4:6

Esɔ nɛ nyɛ pue blɔ kɛ ya Zion! Nyɛ ya sa we ngɛ lejɛ ɔ; nyɛ ko to tsle! Ejakaa Yawɛ je omleyi je kɛ ma nɛ e ba kpata nyɛ hɛ mi.

Yeremia 51:12

Nyɛ wo aflaangaa amɛ a nɔ kɛ pee okadi nɛ a kɛ ma tua Babilon gbogbo ɔmɛ. Nyɛɛ hla buli kpakpahi, nɛ nyɛ ha nɛ a ya da a blɔ hehi! Nyɛ ha nɛ ka woli ɔmɛ nɛ a dla a he!” Bɔ nɛ Yawɛ to kaa e maa pee Babilonia bi ɔmɛ ɔ, ja e pee ɔ nɛ.

Yeremia 51:27

“Nyɛɛ si aflaangaa. Nyɛ kpa titimati nɛ je ma amɛ nɛ a nu! Nyɛ ha nɛ je ma amɛ nɛ a mia, nɛ a kɛ Babilonia ya hwu ta! Nyɛ de Ararat, Mini, kɛ Ashkenaz matsɛ yemi ɔmɛ ke a ya tua Babilonia. Nyɛ hla tatsɛ nɛ e nyɛɛ a hɛ mi. Nyɛɛ ngɔ okpɔngɔhi babauu kaa baalɛhi kɛ ba.

Daniel 1:2

Nyɔmtsɛ ɔ ngɔ Matsɛ Yehoyakim ngɔ wo e dɛ, nɛ Nebukadnezar muɔ june nɛ ngɛ Yawɛ we ɔ ekomɛ kɛ je kɛ ho. Babilon ya. June nɛ e muɔ ngɛ Mawu we ɔ e kɛ ya to e mawu ɔmɛ a nito he ɔ.

Daniel 3:14

Nebukadnezar bi mɛ ke, “Shadrak, Meshak, kɛ Abednego, anɛ e ngɛ mi niinɛ kaa nyɛ kua ye mawu ɔmɛ jami lo? Anɛ e ngɛ mi niinɛ kaa sika tsu amaga a nɛ i puɛ ngɔ ma si ɔ, nyɛ kua si kplami ha lɛ lo?

Yeremia 10:11

Nyɛ de mɛ ke, jamɛ a mawu ɔmɛ nɛ a ngɛ jae, nɛ pohu pi mɛ nɛ a pee hiɔwe kɛ zugba a, a hɛ mi ma kpata. A be mɛ nae ngɛ je ɔ mi he ko he ko hu.

Yeremia 10:15

Amaga amɛ ɔ, se nami ko be a he, muɔ ní kɛkɛ ji mɛ. Be mi nɛ Yawɛ ma ba gbla ma a tue ɔ, a we amaga amɛ hu a maa ku mɛ dukuduku.