Yeremia 50:14 - BAIBLO ALOO NGMAMI KLƆUKLƆU Ɔ

¹⁴ “Nyɛ kɛ̃ɛ̃ tsɛ̃li, nyɛ gba ta kɛ wo Babilon he nɛ nyɛ sa ma a yi. Nyɛ tsɛ̃ nyɛ kɛ̃ɛ̃ mi bi ɔmɛ tsuo kɛ wo ma a he, ejakaa a pee yayami kɛ si imi Yawɛ.

Yeremia 50:14 ပူးပေါင်းရင်းမြစ်များ

Yeremia 50:29

“Nyɛ ha nɛ nihi nɛ le kɛ̃ɛ̃ tsɛ̃mi ɔ, a ya nɛ a ya tua Babilon. Nyɛ ha nɛ ni nɛmɛ tsuo nɛ tsuɔ kɛ̃ɛ̃ he ní ɔ, a ya sa ma a yi kɛ kpe, nɛ nɔ ko nɔ ko nɛ ko tu fo kɛ je. Nyɛɛ gbla e tue ngɛ níhi nɛ e pee ɔ tsuo he. Bɔ nɛ e pee ni kpa amɛ ɔ, nyɛɛ pee lɛ ngɔ to nane mi ja nɔuu; ejakaa e wo e he nɔ ngɛ imi Yawɛ, Israel Nɔ Klɔuklɔu ɔ, ye nɔ.

Habakuk 2:17

O poo Lebanon hue mi tso ɔmɛ ngɔ pue si; jehanɛ lɛɛ pu mi lohwe ɔmɛ nɛ o kpata a hɛ mi ɔ, maa wo o he gbeye. Bɔ nɛ e maa ba ji nɛ ɔ nɛ, ejakaa o kpata nihi a hɛ mi; o pee yi wu tso níhi kɛ si zugba a, kɛ ma a, kɛ nihi nɛ ngɛ ma amɛ a mi ɔ tsuo.

Habakuk 2:8

Nyɛ nɛ nyɛ ha je mahi babauu a ní ɔ, jehanɛ lɛɛ, je ma amɛ nɛ piɛ ɔ maa ha nyɛ hu nyɛ níhi; ejakaa nyɛ kpata nihi a hɛ mi, nɛ nyɛ pee yi wu tso níhi kɛ si zugba a, kɛ ma a, kɛ nihi nɛ ngɛ ma a mi ɔ tsuo.

Yeremia 50:42

A hɛɛ kɛ̃ɛ̃ kɛ akplɔ; a yi mi wa, nɛ mɔbɔ nami ko kulaa be a mi. A he ose, nɛ a hi okpɔngɔhi a nɔ kɛ ma; nɛ lejɛ ɔ tsuo pee hoo kaa wo nɛ ngɛ fiae gudugudu. A mia kɛ ma nɛ a kɛ Babilonia ba hwu ta.

Yeremia 50:9

Ma ya sú je mahi babauu nɛ a he wa kɛ je omleyi je kɛ wo Babilonia he. A ma gba ta kɛ wo zugba a, nɛ a maa ngɔ lɛ. Ta buli kpanakpanaahi ji mɛ. A dɛ nya da, nɛ ke a tsɛ̃ kɛ̃ɛ̃ ɔ, e bi nɔ́ he kɔkɔɔkɔ.

Yeremia 50:7

Nɔ tsuaa nɔ nɛ maa na mɛ ɔ ma tua mɛ. Nɔ́ nɛ a he nyɛli ɔmɛ deɔ ji ‘Wɔɔ lɛɛ wa tɔ we. Mɛ lɛ a pee yayami kɛ si Yawɛ, Mawu dami sane yelɔ ɔ nɛ a nɛmɛ ɔmɛ ngɔ a hɛ ngɔ fɔ e nɔ ɔ.’

Kpojemi 17:5

A ngma biɛ ko nɛ ji laami sane ngɛ e hɛ nya ke, “Babilon kpetekpleenyɛ, ajuamahi a nyɛ, kɛ níhi nɛ a hiee tsuo a je he.”

Yeremia 51:27

“Nyɛɛ si aflaangaa. Nyɛ kpa titimati nɛ je ma amɛ nɛ a nu! Nyɛ ha nɛ je ma amɛ nɛ a mia, nɛ a kɛ Babilonia ya hwu ta! Nyɛ de Ararat, Mini, kɛ Ashkenaz matsɛ yemi ɔmɛ ke a ya tua Babilonia. Nyɛ hla tatsɛ nɛ e nyɛɛ a hɛ mi. Nyɛɛ ngɔ okpɔngɔhi babauu kaa baalɛhi kɛ ba.

Yeremia 51:2

Ma ha nɛ he nyɛli ma ba sa Babilonia zugba a yi kɛ kpe; a ma kpata zugba a hɛ mi pɛsɛpɛsɛ. Babilonia zugba a maa pee falifali kaa zugba nɛ kɔɔhiɔ muɔ jakati ngɛ nɔ kɛ ho; nɔ́ ko nɔ́ ko be piɛe ngɛ nɔ.

Yeremia 50:11

Bɔ nɛ Yawɛ de ji nɛ ɔ nɛ: “Babilonia bi, nyɛ kpata ye zugba a hɛ mi. Nyɛ kle tɔfutɔfu kaa na yihi nɛ ye niye ní kpakpa, nɛ nyɛ kpaa ngmlaa kɛ he wami kaa okpɔngɔ. Nyɛ bua jɔɔ nyɛ he, nɛ nyɛ nyaa.

Yeremia 49:35

Bɔ nɛ Yawɛ Tabohiatsɛ ɔ de ji nɛ ɔ nɛ: “Ma gbe Elam kɛ̃ɛ̃ tsɛ̃li ɔmɛ tsuo; mɛ ji Elam he wami ɔ nɛ.

Yeremia 46:9

Nyɛ okpɔngɔhi, nyɛɛ ya nyɛ hɛ mi esɔ. Nyɛ zugba lɛhi, nyɛ sa fo! Nyɛ katsɛmɛ, nyɛɛ je kpo: Sudan kɛ Libia tsɛi hɛɛli, kɛ Lidia kɛ̃ɛ̃ tsɛ̃li nɛ nyɛ nine nya da.’ ”

Yesaya 13:4

Nyɛɛ bu tue, a ngɛ hoo pee ngɛ yo ɔmɛ a nɔ; nihi babauu lɛ a ngɛ hoo pee nɛ ɔ nɛ. Niinɛ, je mahi, kɛ nɔ yemihi ngɛ a he nya buae. Yawɛ Tabohiatsɛ ɔ ngɛ e tabo ɔmɛ miae kɛ ha ta.

Yesaya 5:28

A kɛ̃ɛ̃ mi bi ɔmɛ a nya ba, nɛ a dɔ a kɛ̃ɛ̃ ɔmɛ a mi, konɛ a tsɛ̃. A we okpɔngɔ ɔmɛ a nane kokloto ɔmɛ a he wa kaa tslɛbo, nɛ a ta zugba lɛ ɔmɛ a nane kla amɛ ngɛ a he poe kɛ fo kaa lasiogblee.

La 51:4

Mo, o nɔ nɛ i tɔ̃, mo pɛ nɛ i pee yayami nɛ ɔ kɛ si. Lɔ ɔ he ɔ, fɔ nɛ o bu mi ɔ, e sa mi. Piami ko piami ko be o he.

Samuel II, 10:9

Yoab na bɔ nɛ a gba ta a ha, kaa a ma lɛ tuami kɛ je hɛ mi kɛ se blɔ tsuo. Lɔ ɔ he ɔ, e hla Israel ta buli komɛ nɛ a kɔni si wa, nɛ e ngɔ mɛ ngɔ kpee Siria bi ɔmɛ.

Samuel I, 17:20

David te si mɔtu mla, nɛ e si to ɔmɛ ha to hyɛlɔ kpa, nɛ e ngɔ niye ní ɔ, nɛ e pue nɔ kɛ ho kaa bɔ nɛ Ishai fa lɛ ɔ. E ya su ta nga a nɔ be mi nɛ Israel bi ɔmɛ he ose kɛ je kpo kɛ yaa ta a nya.

Yeremia 49:14

I de ke, “Edom, i na sɛ gbi ko kɛ je Yawɛ ngɔ. Yawɛ tsɔ nɛ a ya de je ma amɛ ke a bua a tabo ɔmɛ a nya, nɛ a mia, nɛ a ba tua mo.

Yeremia 51:3

Nyɛ ko ngmɛ a ta buli ɔmɛ blɔ nɛ a kpla a gbaja amɛ. Nyɛ ko ngmɛ mɛ blɔ nɛ a tsɛ̃ a kɛ̃ɛ̃ ɔmɛ. Nyɛ ko ha nɛ a nihewi ɔmɛ a yi nɛ na wami! Nyɛ kpata tabo ɔ tsuo hɛ mi!