Yeremia 50:13 - BAIBLO ALOO NGMAMI KLƆUKLƆU Ɔ

¹³ Imi Yawɛ, ye mi mi fu Babilon, nɛ nɔ ko nɔ ko be lejɛ ɔ hie hu; e maa pee ma doku kulaa, nɛ nɔ tsuaa nɔ nɛ ma ba be ngɛ lejɛ ɔ, e he mi maa po, nɛ e nya maa kpɛ e he.

Yeremia 50:13 ပူးပေါင်းရင်းမြစ်များ

Yeremia 18:16

A ha nɛ a zugba a pee gbeyegbeye kaa nɔ́ ko nɛ a maa hie daa. Nɔ tsuaa nɔ nɛ ma ba be ngɛ lejɛ ɔ, e he mi maa po, nɛ e ma mimiɛ e yi.

Yeremia 49:17

Bɔ nɛ Yawɛ de ji nɛ ɔ nɛ: “A ma kpata Edom hɛ mi pɛsɛpɛsɛ, bɔ nɛ ke nɔ ko ba be ngɛ lejɛ ɔ nɛ e he mi maa po, nɛ e maa ye gbeye.

Zakaria 1:15

Se mahi nɛ a he mi jɔ mɛ, nɛ a tue mi hu jɔ mɛ ɔ, ye mi mi fu mɛ wawɛɛ nitsɛ. Ejakaa imi lɛɛ be bɔɔ ko kɛkɛ ye mi mi fu ye ma a, se jamɛ a ma kpa amɛ lɛɛ a ha ye ma a nɔ́ nami ɔ ngɛ nɔ yae mohu.

Zefania 2:15

Ma nɛ e mi bi woɔ a he nɔ, nɛ a fĩaa ngɔ fɔɔ mɛ nitsɛmɛ a he wami nɔ, nɛ a deɔ a he ke ma ko be nɛ kɛ mɛ sɔ ɔ, nɔ́ nɛ maa ba jamɛ a ma a nɔ ji nɛ ɔ nɛ. Nineve maa pee ma doku, nɛ pu mi lohwehi ma ba jɔɔ a he ngɛ lejɛ ɔ. Nɔ tsuaa nɔ nɛ ma ba be ngɛ lejɛ ɔ, ma huanya e yi, nɛ e ma de ke, “Tsia!”

Yeremia 51:37

Ma ha nɛ Babilon maa pee ma doku; e maa pee nga mi gbehi a hi he, nɛ nɔ ko nɔ ko be lejɛ ɔ hie hu. Nihi nɛ ma ba be ngɛ lejɛ ɔ, a nya maa kpɛ a he, nɛ a maa ye gbeye.

Yeremia 25:12

Jeha nyingmi kpaago ɔ se ɔ, ma gbla Babilonia matsɛ ɔ, kɛ ma a tue ngɛ a ní yayami ɔmɛ a he. Ma kpata Babilonia zugba a hɛ mi pɛsɛpɛsɛ kɛ ya neneene.

Yeremia 19:8

Ma ha nɛ Yerusalem ma nɛ ɔ maa pee ma doku, kɛ nɔ́ nɛ a hiee; nɔ tsuaa nɔ nɛ ma ba be ngɛ lejɛ ɔ, e he mi maa po, nɛ e maa ye gbeye ngɛ amanehluhi nɛ maa ba ma a nɔ ɔ he.

Hiob 27:23

Kɔɔhiɔ nɛ nya wa nɛ ɔ ma kpa fiifii kɛ nyɛɛ e se kɛ fo kɛ wo e he gbeye. E maa pee lɛ kaa nihi lɛ a ngɛ a dɛ fiae kɛ ngɛ lɛ fiee kɛ je he nɛ e hii ɔ.

Mose V, 29:22

“Hwɔɔ se yi nɔ bi nɛ ji nyɛ nina, kɛ nibwɔhi nɛ je ma se zugbahi a nɔ tsuo maa na haomihi, kɛ amanehluhi nɛ Yawɛ kɛ ba nyɛ zugba a nɔ ɔ.

Yeremia 34:22

Ma fa mɛ, nɛ a maa kpale kɛ ba ma nɛ ɔ mi ekohu. A ma ba tua ma a; a maa ngɔ ma a, nɛ a maa sã ma a. Ma ha nɛ Yuda ma amɛ maa pee ma dokuhi, nɛ nɔ ko nɔ ko be ma amɛ a mi hie hu. Imi, Yawɛ lɛ i de.”

Yeremia 50:3

“Je ma ko hia kɛ je omleyi je kɛ ma nɛ e ba tua Babilonia. A ma kpata zugba a hɛ mi, nɛ a maa pee lɛ butuu; nɛ nɔ ko nɔ ko be lejɛ ɔ hie hu. Nimli kɛ lohwehi tsuo maa tu fo kɛ je.”

Yeremia 51:26

Tɛhi nɛ maa je o mi ɔ, a be eko ngɔe kɛ ma tsu; a kɛ be kɔ nya tɛ, loo tsu sisi tomi tɛ pee. Mohu ɔ, o maa pee kaa zugba kplanaa kɛ ya neneene. Imi, Yawɛ lɛ i de.

Yeremia 51:29

Yawɛ to e yi mi kaa e ma ha nɛ Babilonia zugba a maa pee kaa nga kplanaa nɔ, nɛ nɔ ko nɔ ko be lejɛ ɔ hie. Yawɛ yi mi tomi nɛ ɔ ba mi. Enɛ ɔ he je ɔ, zugba ngɛ mimiɛe, nɛ e ngɛ hosoe.

Yeremia 51:62

Lɔ ɔ se ɔ, moo sɔle nɛ o de ke, ‘Yawɛ, o de ke o ma kpata hiɛmɛ nɛ ɔ hɛ mi pɛsɛpɛsɛ, nɛ nɔmlɔ, loo lohwe be hiɛ ɔ hie hu. O de ke hiɛmɛ nɛ ɔ maa pee ma doku kɛ ya neneene.’

Ezekiel 27:36

Sawale nu jua yeli nɛ ngɛ je ɔ mi ɔ tsuo; a ngɛ gbeye yee kaa mɛ hu a hɛ mi ma kpata ja nɔuu; o laa kɛ yaa neneene.”