Yeremia 50:12 - BAIBLO ALOO NGMAMI KLƆUKLƆU Ɔ

¹² Se nyɛ nitsɛmɛ nyɛ ma nguaa a hɛ mi ma ba pue si, nɛ ahlua maa bɔ lɛ. Babilon ma ba pee ma nɛ a bui ngɛ je ma amɛ a kpɛti pe kulaa; e ma ba pee ma doku, kɛ nga kplanaa nɛ nyu be nɔ.

Yeremia 50:12 ပူးပေါင်းရင်းမြစ်များ

Yeremia 51:43

Babilon ma amɛ plɛ pee níhi nɛ a hiee; zugba a pee kaa nga kplanaa nɛ nyu be nɔ. Nɔ ko nɔ ko be lejɛ ɔ, nɛ nɔ ko hu ba bi ngɛ lejɛ ɔ.

Kpojemi 17:5

A ngma biɛ ko nɛ ji laami sane ngɛ e hɛ nya ke, “Babilon kpetekpleenyɛ, ajuamahi a nyɛ, kɛ níhi nɛ a hiee tsuo a je he.”

Galatabi 4:26

Se Yerusalem kaketsɛ ɔ nɛ lɛɛ a kɛ lɛ to hiɔwe he ɔ, lɛɛ e ji odehe. Lɛ ji wɔ tsuo wa nyɛ.

Yeremia 49:2

Se be ma nɛ ma ha nɛ nihi nɛ ngɛ Amon matsɛ ma Raba a maa nu nɛ a he ose kɛ ma. A ma kpata ma a hɛ mi, nɛ kɔpehi nɛ bɔle ma a, a maa mɛ a he la. Jamɛ a be ɔ, zugba a nɛ he nyɛli ɔmɛ ba kpɔ ngɛ Israel dɛ ɔ, Israel nine maa su nɔ ekohu.

Yeremia 25:12

Jeha nyingmi kpaago ɔ se ɔ, ma gbla Babilonia matsɛ ɔ, kɛ ma a tue ngɛ a ní yayami ɔmɛ a he. Ma kpata Babilonia zugba a hɛ mi pɛsɛpɛsɛ kɛ ya neneene.

Yesaya 23:13

Tsa pi Asiria bi nɛ pee ní nɛ ɔmɛ; Babilonia bi mohu nɛ ha lohwe dikali ba tua Tiro ma a; mɛ nɛ a fia kpoku kɛ wo Tiro ma a he, nɛ a ku mɔ nguangua amɛ kɛ pee lɛ ma doku.

Yesaya 14:22

Yawɛ Tabohiatsɛ ɔ ke, “Ma ya tua Babilon ma a, nɛ ma kpata e hɛ mi. E biɛ maa laa. E ngmɛdu kɛ e nina tsuo a ti nɔ ko nɔ ko yi be wami nae. Imi, Yawɛ lɛ i de.

Yeremia 12:14

Yawɛ ke, “Israel huza nɔ bi nɛ a kpata zugba nɛ i ngɔ kɛ ha ye ma Israel ɔ hɛ mi ɔ, i ngɛ nɔ́ ko nɛ ma de ngɛ a he. Ma je jamɛ a yiwutsotsɛmɛ ɔmɛ kɛ je a zugba amɛ a nɔ kaa bɔ nɛ a hiaa tso kɛ e sipoku ɔ, nɛ ma kpɔ̃ Yuda kɛ je a dɛ mi.

Yeremia 15:9

Bimɛ kpaago a nyɛ ɔ hɛli; nɔ́ nɔ e nɔ, ejakaa e bimɛ ɔmɛ tsuo a yi ta. Piani be mi ɔ, lɛɛ e pu ɔ nɔ si momo, nɛ diblii kpatu wo; a pue e hɛ mi si, nɛ a bɔ lɛ ahlua. Ma ha nɛ nyɛ he nyɛli ɔmɛ maa gbe nyɛ ni nɛmɛ nɛ nyɛ hɛ ngɛ kɛ mwɔɔ ɔ. Imi, Yawɛ lɛ i de.”

Yeremia 22:6

“Yuda matsɛ we ɔ ngɛ fɛu ngɛ ye hɛ mi kaa bɔ nɛ Gilead zugba a, loo Lebanon yo ɔmɛ ngɛ ɔ. Se kɛ̃ ɔ, ma ha lejɛ ɔ maa pee we doku nɛ nɔ ko be mi.

Yeremia 51:47

Lɔ ɔ he ɔ, be ma nɛ i kɛ Babilonia amaga amɛ maa to ní. Babilonia zugba a tsuo hɛ mi ma pue si, nɛ Babilonia bi ɔmɛ tsuo a hɛ mi ma kpata.